دخلت ام شذى اباوع عليه عيونه دم من البجي احجابه مخربط دشداشه امزكه من الصدر
سعده - الله واااكبر عليكم االله اااااوكبر ولك ماخف الله ليش ولك ليش تكسر ب كليب بنتي اسوت الك اتعيط وتلطم وكعت ب الكاع وكامت تملخ بروحه بكل حيله اني وسامر واكفين انفر بذانه واحد يباع على الثاني ما مفتهمين اشكاعد يصير اجه سامر كومني وكفني ب صفه
طيبه- هاي شبيه ؟
- شخطت
سعده- ولك تعوف بنتي الي جنه جنبده علمود هاي النغله
طيبه- هوووووو احترمي نفسج ولمي السانج لا لمج
اشو اني كلت هيج هاي كامت واجت رادت تضربني بس سامر صار كدامي ما خلاه تقرب مني
سعده- وخر لخ اربيه لهل ادب سزز الما لاكيه تربيه
- متربايه احسن منج ومن الخلفوج
- لج بس تعاي خل الوحج مدت ايده رادت اجر شعري بس طفرت وره سامر وحضنته من وره بس هوه بعدني
سامر - لا تلزميني لو سمحتي
- ليش
- استحرم والله شنو نسيتي بعددنه ما مزوجين
قاطعت حجينه وجرتني من شعري بس سامر لزم ايده وعاط عليه
- هدي شعره
- منهي التغلطين عليه
- اااااااااااه هدي شعري راسي كاعد يوجعني
- يعلج مرض انشاء الله
- سااااااامر راسي راح ينفجر
- لج هديه انعل ابو اصلج كاله ودفعه وكعت ب الكاع وكامت تعيط ب علو صوته
- عزاا هاي شنو سويت اله
- ما سويت اله شي جذابه
البيت كله كعد على صوته طلعت شذى ورنا من الغرفه الكدامنه واجن عليه واجه عمو جسام وبيبي و الولد
سامر- لبسي شي ستري روحج
جريت البطانيه ولفيت روحي بيه
جسام- هاي شكو شصاير
سعده- ابنك وهاي العوبه طكوني واني مره ب كد امهم
طيبه- عزااا عمو والله كذابه ما سوينه اله شي هيه ضربتني وسامر وخره عني
شذى- لج اتمدين ايدج على امي والله اشعل عشيرتج
- انتي انجبي محد حاجي وياج
رنا - لا والله عوزج تحجين وياه حتى ارعط حلكج
- انتي هم انجبي ولا ضلين اتلطلطين ب حجيج
سعده - عوفنه يمه وحده ساق*ه
طيبه- والله لا اشوفجن الساق*ه شنو اسوي وخرت البطانيه ورحت للكنتور طلعت احزام من حزم سامر و لزمته من جوه وخليت جهت الحديده هيه الي تضرب و جيتت عليهن لزمتهن بسره من الجبيره لصغير اول ضربه اجت ب راس رنا وثاني ضربه اجت ب امهن واثالثه اجت ب شذى ضليت اضرب ب الحزام وهنه ايعيطن وعمو والولد رادو يفاككونه بس سامر ما خلاهم كال الهم خل تبرد كلبه اجيت تا اضرب رنا وما حسيت غير الحزام انسحب من ايدي وهذني جيتن عليه وكعت ب الكاع كمت بعد ما اشوف الجلاليق مين تجيني بس اسمع سامر والولد يعيطون عليهن ويوخروهن وخروهن من شوطت كلبي كمت وجيتت على سعده نمت فوكه وضليت اضرب واخرمش بيه الحد ما انترست ايدي ب دمه وراه سامر جرني كومني منه واخذني للحمام حتى يغسل ايدي وجهي لان الخياط مال راسي انفتح اشوي وذي دم
سامر- هاا هيج احسلج لمن انسحلتي
طيبه - اشكد خاين انته ما وعدتني تساعدني
- وعدتج لمن اصيرين زينه مو هسه غسلي وجهي وركبتي وايدي
- غدي هاي اظافيرج اشطولهن
- حلوات
- وين الحلاوه البيهن تشوفيهن اشطولهن ومتروسات دم
- انت ما عليك
طلعنه جان عمو جسام وبيبي كاعدين ب الغرفه اجت بيبي وبيده منشفه تنشفلي
عروبه - ادري يا يمه اشوزاج عليهن
- غلطو عليه
- ميخالف خلهن يولن هنه وحذائج
سامر- لا عيني اشون تسكت الخاتون
- انته اسكت لا اجيك
- ليج جده شمسويلج
- هيج اتعوف امريتك تنضرب ابدال ما انته تاخذ بحقه ومتخليهن يغلطن عليه
جسام- سامر باجر اطلكه بعد ما تبقه اهنا لو يطلع جدك من الكبور
سامر- يابه مو وكتك
- لا وكتي كافي عاد شتريد بعد يموتنه يله ترتاح اني راح اخابر احمد باجر يجي ويه الشيخ انت اطلك وهوه يعقد عليه وياخذه وياه وخلص الحجي كاله وطلع وطلع سامر وراه اخذتني بيبي وكعدتني على الجربايه وراحت اطلع لي اهدوم
- ياع يعني هسه انه شجيبلج ماعندج ولا هدمه مستره
- ميخالف بيبي هل يطلع كدامج جيبي
- راح اكل الاهلج يدزولج اهدوم امستره موش مثل هاي
- انشاء الله جابت لي كلبيه قصيره ساعدتني حتى البسه
-بيبي
- ها يمه
- جوعانه
- يمه يخسه الجوع هسه اجيبلج اجل
نزلت اجيب لي اكل اخذت فوني واتصلت على صديقتي سيدره
دك ماردت رجعت دكيت مرتين هم ما ردت كتبت اله رساله " سيده لمن اشوفين الرساله ضروري دكيلي "
مددت لان احس راسي صاير مثل جدر الضغط
اني مددت منا واني اخذتني النومه منا حسيت على بيبي تحجي يم راسي
- يمه سوده عليه نامت على لحم بطنه
- خليه ترتاح باجر تاكل
- ابوك اشكالك
- قافل
- اي ميخالف يا يمه أحمد صاحبك وخويك ورجال كفو وطيب انت ليش ما راضي تنطيه اله
- جده اعرف احمد خوش بس اني خايف عليه
- يعني انت خايف عليه من احمد بس ما خايف عليه من هل حيايات لا يكتلنه
- لا اني مخايف عليه من احمد اني خايف عليه لا يصير له شي من الي راح يصير الاحمد اذا عرفو الجماعه بسالفه
- اشششششش دير بالك تحجي ب هل سالفه الي صار راح يضل مدفون بينه احنه ال الخمسه واحمد مراح يصيرله شي واذا احد دره لو عرف ب السالفه مو بس احمد راح يتئذه اني وياك ومحمد و حيدر هم راح نروح بيه خل السالفه مدفونه ولا تفتحه انوب
- وطيبه
- شبيه
- شنو ذنيه ب ينه
- لا تنسى احنه سوينه كل هشي علموده
- طيبه ما عليه ثارنه ويه ابوهه مو هيه
وراهه سكتو وكئنو حسو احد جاي اندك الباب ودخلت نها
نها - جده بلاسم خابرت تريد تحجي ويه طيبه
- طيبه نايمه كليله هيه باجر تجيكم
- تمام كالته وطلعت
- يله يا يمه نام ولا تخلي السالفه براسك
- الله كريم
- تصبح على خير
- وانتي من اهل الخير
طلعت وهوه اجه مدد يمي حسيت ب نفسه كلش قريب مني باسني من كصتي وكال
- اسف على كلشي راح يصيرلج بس اوعدج مراح اخليهم يأذوج بس تحملي اشويه كاله وباسني من راسي غطاني وكام كعدت الصبح على صوت نها
- طيبه لج كومي
- هاا
- كومي خيه
- داده نعسانه عوفيني فدوه
- لج الشيخ والكل اجه جوه كومي
كمت غسلت باوعت على نفسي ب المرايه وجهي معور خلقتي مكلوبه هاي اصاير ب حالي ليش هيج كاعد يصير ب حالي اني شنو ذنبي وبابا شنو سوه الهم زين الرجال الي كالت اسمه حيدر معقوله هوه خالي ما اعرف نشنو حيصير بيه ولا اعرف مستقبلي ولا اعرف منو الوياي ومنو العليه بس وعد اوعد نفسي بي راح يجي اليوم واعرف كلشي واخذ حقي من كل واحد اله ايد ب الكاعد يصير اليه اذكرت ايات لمن كالت الي خليج قويه غسلت وحطيت ميكب خفيف وبدلت ونزلت واني احس ب روحي مكسوره بس راح يجي يوم واخذ حقي منهم كلهم دخلت للصاله لكيت سامر وعمو وبيبي والولد والشيخ كاعدين اباوع ما كو احمد بينهم سمعت صوت اجه من وراي
- السلام عليكم
انداريت لكيت __^^^
أنت تقرأ
ضيم بغداد
أدب نسائيامس شارعنه كله عالصريخ التم امس باخر سلف عطاب صدري نشم كافي تلومني المريتهن صعبات شنو تشيع ضحكتك على چتاف الهم انه اليندم گبل لاخطأ منه يصير خاطر مايعيش بلوم من يندم انه المعركه المارجع منها الجيش انه المتخاذل الخواف الاستسلم ياهو الگال عالدم مرتبط...
