ضيم بغداد

بارت 20

- اي مو هوه طلكج ب كيفه
- شعلي اني هسه عندج شروار
- اي تعاي وياي للغرفه
- رحنه كعدت وهيه وكفت اشسور لي دخلت عمه رسميه وباجي ام سامر
رسميه- ها يبنيات اشكاعد اسون
بلاسم- كاعد اشسور للمدام شعره
- اي حكه عروسه بعد كالته وخاله ام سامر عسته وكامن يضحكن باوعت عليهن يربي هسه هذني شحاجيهن كمت لبست حجابي وطلعت لطرمه لكيت محمد رحت كعدت يمه
- هاي
- هلا
- شبيك مبوز ؟
- احمد راح يروح للقائم يودي ام سامر وسامر انطى شغل راح يضل هناك اسبوع
- وليش ما يوديه ابنه ليش احمدي ؟
- اشعرفني
- زين انته شنو الي مضوجك
- باعي الحجي بينه اكو بنيه صارلي فتره معجب بيه واريده يجي وياي نمشي عليه
- صدك والله زين عدكم علاقه لو هيج
- والله اني حابه بس هي رافعه خشمه عليه
- يعني متحبك
- لا اني اكول يمكن اسوي هيج حتى اخطبه
- هاا زين ليش ما نتئكد
- اشون
- يمي مالك علاقه بس اوصفه وكلي وين بيته
- بلاسم تندلهم بس كولي اله بيت ابو دحام والبنيه اسمه عبير نفس لشتج بس هيه اشوي سمره
- خوش عفته وكمت رحت يم بلاسم جانت كاعد تخبز
- بعدلج اشكد واتخلصين
- ابربع اكرص ليش
- خلصي دا اروح
- وين موليه بينه
- البيت ابو داحم
- ياهو هذه ولج
- معرف محمد كالي عليه بنتهم عبير
- دحام يم السان اعوج
- اي همه خلصنه خبز واخذنه ويانه الهم اشوي ورحنه بلاسم اكلت راسي الطريق كله اتلج بس مكلت اله شي حتى لا تبيعه شرفيات عليه وصلنه جان اكو مره ورجال امبين بكد احمد كاعدين ب الطرمه رحنه سلمنه ودخلنه جوه
ام دحام - اشونجن يا بنيات
احنه - زينين الحمد الله
- الحمدلله ياهلا وغلا نورتنه
-نورج خاله
- هههه انتي ياهي ؟
بلاسم رادت تحجي بس اني سبقته وحجيت
- صديقت بلاسم
- ياهم اهلج
- اهلي ابغداد اجيت اهنا كم يوم يم بلاسو وارجع
- اي ميت هلا بيج من بيتج الهنى
دخلت ابنيه اتقدم مي عرفته عبير انطت البلاسم وصلت الي
- انتي عبير ؟
- اي اني
- لج داده عمه رسميه خبصتنه بيج تكوم وتحجي بيج كالت عبير وحجت عبير هيج عبير   و هيج عبير اباع عليه خجلت وابتسمت على كيف
- صدك ؟
- اي حتى تدرين شنو تكول
- شتكول
- ادكول ياريت لو اخذه جنه الي بلاسم عاكده حاجبه وجاطله عينه عليه ولكم عيني والله مرات احسه منغوليه بهاي نظراته كامت اتكرص بيه لعبته الروحي عطت بيه
- هاي شبيج داده
حجت بصوت ناصي - شكاعد تمضرطين
- ههههههه علي حسج ليش مستحيه بلاسم تستحي اشوي تعرفون تكلي عيب نحجي وياهم بهيج موضوع قبل لا يصير رسمي بس اني كلت اله لا ليش عيب احنه اهل ان شاءالله  ماكو بينه مستحه اباع عليهن عبير فرحانه وتباع لمه من جوه الجوه وامه تضحك وتكل اله بصوت ناصي اشكتلج
ام دحام - لا عيني احنه اهل مابينه هل حجي والله نشرف بيكم بس اشوكت تمشون
- والله خاله تعرفين الولد مشغولين شوي هسه بس يفضون نجي انمشي
- اي ميت هلا بيكم تشرفونه ب اي وكت
يله خاله احنه نترخص
- لا وين ما تغديتن
- لا والله خاله مستعجلات عود غير مره
- ان شاءالله نورته حبيباتي سلمونه على الكل
- ان شاءالله يوصل كمنه وصلنه يم الباب جان الولد نفسه كاعد وكدامه رجال مدد مشفت وجه لان منطينه ظهره بس لمن سمعنه نحجي انعدل انداريت لكيته نفسه الشفته يوم الحادث بالبدايه خفت وارتبكت بس بعدين سويت نفسي ما مهتمه حتى لا ابينله عفناهم ومشينه وبلاسم اكلت لحم راسي ب طنينه
- باعي اكلج ليش سوينه هيج بس كليلي منو هذوله الولد
- شنو شعليج بيهم
- هيج عجبني اعرفهم
- دحام وعيسى
- الي جان مدد منو
- دحام
- تعاي اكلج كعدنه جوه شجره وحجيت اله السالفه كله وهي امشنتره اذانه ساعه اتكلي اي وساعه خوش
- تره مبين عليه اتحبه
- اي لا حظت اله صحيح البارحه وين ودو واسوو بي
- والله ياخيه ما حجو بس بليل سمعت سيف يسولف الامي هم الحجي بينه تره ميدرون  دريت كاتلينا وسامر كايله بعد اذا سمعد مدني صوبه لو داك عليه اجتلك وهوه راد عليه كاله وراي جماعه يكسون ظهرك ويدفنوك ب صفي اذا صارلي شي عاد خالي احمد كاله غير لو راح يلكولك جثه حتى يدفنوه وراجعين وكسري تكسر الحد ما فاقد الوعي منطي للولد يشمرو على لحدود الانبار وبغداد
- عززااا لج ذوله شنو من بشر
- وحوش على كولتج
- هههه اي والله
- كومي خيه تئخرنه كمنه رجعنه للبيت لكينه محمد واكفلنه بالباب اشرت اله من بعيد بمعنه اي وهوه كام يهز براسه ويهلهل بصوت ناصي حتى ميسمعو دخلنه لكينه خاله ام سامر راح ترجع للقائم رحنه سلمنه عليه ورحت وكفت يم احمد
- وين رايح
- للقائم اودي ام حربي
- اشوكت ترجع زين
- الشهر الجاي
- صددك
- ههه شبيج ولج
- لا فدوه وصله وتعال لا ضل
- هههه مد ايده وسحبني الحظنه باسني من راسي وكال راح اضل اسبوع علمود الشغل وبس اخلص ارجع
- زين واذا اتئخرت
- اكل للولد يجيبوج يمي
- تمام بسته من خده وانداريت لكيت سامر يباع النه صفح ويدردم صعدو وفر السياره بس قبل لا يطلع نزل الجام وشمرلي بوسه اشرت اله باي وراح
سامر- اموت وعرف اشوكت لحكتو تحبون بعض وانتو مصار يومين ونص من واحدكم عرف الثاني
- راح اكلك حتى ما ضل تحوص ب كلبك حبينه بعض من يوم الدخله
فتح عينه وباوعلي ب صدمه - يا دخله ولج
- باي باااي عفته ودخلت صعدت فوك لغرفت احمد نزعت احجابي و مددت اكلب ب فوني اركع الباب وفات ______^