အခန်း(၂၅) ။ အစားအသောက်မဖြုန်းတီးနဲ့
ရုတ်ရုတ်သဲသဲ ဖြစ်နေစဉ် အကဲဖြတ်ဆရာကြီးက မျက်လုံးပြန်မှိတ်လိုက်ပြီး လက်ကို အင်္ကျီထဲ ပြန်သွင်းလိုက်သည်။
ပုလဲရောင်အခွံတစ်ခုက အပြင်က အခြေအနေကို အာရုံခံမိဟန်နှင့် ထူထဲမာကြောလှသောအခွံက အလယ်မှာ အနည်းငယ် ဟ လာသည်။ နံပါတ် ၁၆ ဖြစ်သူ ကျိုးရန်၏ မျက်လုံးပေါ်လာသည်။
"အင်းကွက်မရှိတော့ဘူးပဲ" ကျိုးရန် ရေရွတ်လိုက်သည်။
သူ့စကားဆုံးသွားသောအခါ အခြား အခွံများလည်း တစ်ခုပြီးတစ်ခု ပွင့်လာကြသည်။
နတ်ကြိုးငါးသွယ်၊ ဓား ၁၈ စင်းပေါင်းစည်းခြင်း၊ ချန်ခွန်းပေတံ အကုန်လုံး ပျံထွက်လာကြသည်။
ပြိုင်ပွဲကွင်းတစ်ခုလုံး အံ့အားသင့်သွားကြသည်။
"အင်းကွက် ပုံစံဖော်" ထိုက်ကန်းတောင်ထိပ်မှ ကျိထို မျက်မှောင်ကုပ်ပြီး အော်လိုက်သည်။
တူကို လက်တစ်ဖက်ဖြင့် ပစ်လွှတ်လိုက်ပြီး တူက ကျိချုံးတောင်မှ ၅ ယောက်ကို ထိခါနီးတွင် အခြားလက်ဖြင့် သဲစားပွဲကို ပစ်လွှတ်လိုက်သည်။
သူဘာမှမလုပ်နိုင်ခင်မှာပင် နတ်ကြိုးငါးသွယ်၊ ဓား ၁၈ စင်းပေါင်းစည်းခြင်း...အားလုံးက ယောက်သွားခွံထဲသို့ ပြန်ဝင်သွားပြီး အခွံငါးခုလုံး တင်းတင်းကြပ်ကြပ်ပြန်ပိတ်သွားကြသည်။
ကျိထိုရဲ့ တူက ပိတ်နေသော ယောက်သွားခွံများကိုသာ ထိမိသည်။ သူ၏ ရွှေအမြုတေစွမ်းအားဖြင့် ပစ်လိုက်သောတူက ပုလဲရောင်အခွံကို အစင်းရာလေးမျှထင်အောင် မလုပ်နိုင်ချေ။
ကျိထို။ ။"..."
အံ့အားသင့်နေစဉ် တတိယအဆင့် သေမင်းအင်းကွက်က ပုံစံပြန်ပေါ်လာပြီး ယောက်သွားအခွံငါးခုကို သဲများဖြင့် ဖုံးလိုက်သည်။
အဝါရောင်သဲများ ပြိုင်ပွဲကွင်းပြင်ကို ဖုံးလွမ်းသွားပြန်ပြီး သဲအတွင်းရှိအခြေအနေကို ဘယ်သူမှ မမြင်ရတော့။ ကျိချုံးတောင်ထိပ်မှ လူငါးယောက်၏ အသက်ရှူသံက ပျောက်သွားပြန်သည်။
"အဲ့ဒါဆို သူတို့က မသေဘဲ၊ ဒဏ်ရာမရဘဲ ဒီကာကွယ်ရေးမှော်ပစ္စည်းထဲမှာ ပုန်းနေကြတာပေါ့"
"အနည်းဆုံးတော့ အဆင့် ၃ မှော်လက်နက်ဖြစ်လောက်တယ်မလား"
"မိုးနတ်မင်းကြီးရယ် ကျိချုံးတောင်မှာ ရတနာပစ္စည်းတွေ ဘယ်လောက်တောင်ရှိနေတာလဲ"
ကြိုကြားကြိုကြားထွက်လာသော အာမေဋိတ်သံများကြောင့် ကျိထို အသားကို ဓားဖြင့်မွှန်းသကဲ့သို့ခံစားရသဖြင့် ကျိချုံးတောင်၏ နားနေသည့်နေရာကို မီးတောက်လုမတတ် မျက်လုံးများဖြင့် စိုက်ကြည့်နေသည်။
"ဟုတ်ပြီလေ ဘယ်သူပိုကြာကြာခံနိုင်မလဲ စောင့်ကြည့်ကြသေးတာပေါ့။ ငါ့လို ရွှေအမြုတေပိုင်ရှင်က မင်းတို့ကိုပဲ ရှုံးရမှာလား။ ငါတို့ရဲ့ သေမင်းအင်းကွက်ကပဲ မင်းတို့ရဲ့ မှော်လက်နက်လောက် မစွမ်းဘဲနေမလား
"
သူ စွမ်းအင်ထုတ်ပြီး သေမင်းအင်းကွက် ဝိညာဉ်စွမ်းအားများ ပို့လွှတ်လိုက်သည်။
အမွှေးတိုင်တစ်ဝက်စာမျှကြာသောအခါ...
ကွင်းတစ်ခုလုံးတွင် လေပြင်းပြင်းတိုက်နေသည်။ မြေပြင်ပေါ်မှ ကျောက်တုံးများတွင် အပေါက်များပင် ဖြစ်နေပြီး အုတ်ခဲများမှာ တစ်လက်မခန့် ပွတ်တိုက်ရာအကြောင်းများ ပေါ်နေသည်။
အတွင်းအားနည်းသော ပရိသတ်များမှာ နောက်သို့ဆုတ်မိကြသည်။
အကဲဖြတ်ဆရာကြီး၏ ကာကွယ်မှုအောက်မှာပင် ကွင်းစပ်မှ ကျောက်တုံးများ အမှုန့်ဖြစ်သွားပြီး ကွင်းပြင်မှ ပရိသတ်များပေါ်သို့ ကျနေသည်။
ကျောက်မှုန်လေးများသာဖြစ်သော်လည်း လူသတ်လိုသည့်အငွေ့အသက်ကို ရှင်းရှင်းလင်းလင်းခံစားရသည်။
