عشق اولاد الراشد 3 (احفاد الراشد)

الفصل الثاني

It's not hard to find someone who tells you they love you , it's hard to find someone who actually means it....

ليس من الصعب أن تجد شخصاً يقول لك أنه يحبك ، لكن من الصعب أن تجد الشخص الذي حقاً يعنيها......

_____________________________

بيدخل مراد المكتب عند جده، الي بيبقا قاعد فى صمت مريب، خلى مراد يقلق جدا، قرب من المكتب بهدوء وعين سعد عليه، مجرد ما مراد قعد، سعد بغضب:

-هو انا اذنتلك تقعد...؟!

قام مراد وقف بسرعه قدام سعد:

- اسف يا جدي ....

بيفضل سعد باصص لمراد جامد، مراد بيوصل لقمه التوتر من نظرات سعد ليه، سعد بهدوء شديد، عكس ما بداخله:

- بهدوء احب اعرف غلطك فين، وتقولي عقاب مناسب للغلط ده.

بدأ مراد يتكلم اكنه اله للكلام:

- رحت مهمه بدون ازن حضرتك، مع العلم ان بلغت بابا يبلغك، بس القوانين بتقول اني انا الي ابلغك، رحت من غير حراسه في مهمه خطر، بس ده عشان المهمه سره ومينفعش فيها حرس.

سعد بمهادنه:

- انا شايف انك بتقول غلطاتك والمبرر ليها الي انا اصلا مش هيفرق معايا ايه هو مبررك، وشايف كمان انك ما اخترتش العقاب، بس انا المهمه هتفرق قد ايه في كررك كظابط، عشان كده هبقا رؤوف بيك المره دي.

مراد بسعاده واضحه:

- بجد يعني مش هتعاقب، شكرا اوي يا جدي.

سعد ببرود:

- مين قال انك مش هتتعاقب، انا قلت هبقا رؤوف بيك، مش هعفيك من العقاب، وعقابك هيكون ان عربيتك مسحوبه منك لمده شهر، وحسابك في البنك هيتجمد لمده شهر.

مراد ابتسم لانه العقاب مش هيأثر على مهمته بحاجه، طلع المفتاح بتاع عربيته وحطه على المكتب :

- حضرتك تأمرني بحاجه تانيه يا جدي.

سعد بجدية :

- بره، وابعتلي ابوك اوس المصايب.

بيخرج مراد وهو حاسس براحه، راح ناحيه جاد وهو مبتسم بإتساع:

- بابا جدي عاوز حضرتك جوه حالا.

جاد بصله بحنق وضيق:

- ومالك بتقولها وانتا مبتهج كده ليه اكني داخل اتكرم، اوعا تكون شمتان فيا يالا.

- العفو يا بابا انا اقدر بردو دي اوامر جدي .

جاد زقه بغيظ:

-ماشي يا زفت، بس وديني يا مراد الكلب الي هيحصلي هطلعه على جتتك.

بيدخل جاد الاوضه، مراد بيطلع اوضته يرتاح عشان يكمل مهمته تاني يوم، اول ما بيوصل قدام الاوضه بيلاقي سليم قاعد زي المتسولين قدام باب اوضته اول ما بيشوف مراد بروح عليه بلهفه: