May every sunrise bring you hope ,
may every sunset bring you peace...
ليت كل شروق يجلب لك الأمل ،
ليت كل غروب يجلب لك السلام...
____________________________
مراد بيبقا قاعد جنب سرير مي في المستشفى، بعد ما عملولها غسيل معده، كان ماسك ايديها، بدأت تفوق وحاسه بألم رهيب في جسمها، عنيها بدئت تدمع لما افتكرت سبب وجودها في المستشفى، مراد قرب منها بلهفه، وبيمسح دموعها:
- عشان خاطري ما تعيطيش.
مي بدموع :
- كانت عاوزه تموتي يا مراد، انا مش عارفه انا عملتلهم ايه عشان يكرهوني كده.
مراد بشر وتوعد شديد لعمتها وبنتها:
- بعد الشر عليكي يا قلب مراد، والله لأجبلك حقك هحبسها، وهخليه تتمنى الموت على الي عملته فيكي
مي برجاء من بين دموعها:
- عشان خاطري لا يا مراد، انا مش عاوزه سهام تبقا زيي من غير اهل .
مراد بغيظ من طيبتها:
- دي كانت هتموتك ولسه خايفه عليها، وانا اطمن عليكي ازاي جنبهم .
مي بهدوء :
- انا مش هرجع البيت تاني، انا هروح اقعد عند خالتي، هي كانت عاوزني اعيش معاها بعد موت ماما وبابا مرضيش.
مراد بقلق :
- خالتك دي امان ولا زي عمتك .
ابتسمت بوهن :
- متخافش يا حضرة الظابط امان جدا كمان، انا هخرج امتا بقا .
مراد مسح على شعرها بحنان:
- الدكتور قال انك لازم تفضلي هنا على الاقل خالص تلت ايام لحد ما تقدري تمشي .
- يااااه تلت ايام كتير وانا بزهق من الرقده.
مراد قعد جنبها على السرير، وضمها ليه:
- لا من الناحيه دي اطمني، انا مش هخليكي تزهقي، انا قاعد على قلبك لحد ما اوصلك لبيت خالتك.
بصتله مي بإمتنان وحب :
- ربنا يخليك ليا يا مراد .
مراد باس راسها بحنان شديد وعشق :
- ويخليكي ليا يا حبيبة قلب مراد .
______________________________
عند سليم كان قاعد مستني البنت الي متفق يقابلها وهي متعرفش انه من عيله الراشد، بتقرب منه بنت:
- انتا سليم ..؟!
قام سليم بيبصلها بتقييم:
- بإذن الله سليم اتفضلي .
قعدت البنت قصاده وهي بتقيمه:
-انتا طلعت قصير اوي في الحقيقه .
أنت تقرأ
عشق اولاد الراشد 3 (احفاد الراشد)
Tiểu Thuyết Chungاختلفت الاشخاص، والازمان ، والاشكال، ولكن يبقى هو مع اختلاف كل شئ..." العشق". لكل قصه بدايه، و نهايه، ما هي قصه (احفاد الراشد)، و كيف سيكون نصيبهم من العشق....؟!
