عشق اولاد الراشد 3 (احفاد الراشد)

الفصل 13

Sometimes you have to forget what's gone ,
appreciate what still remains, and look forward
to what's coming next....

أحيانا عليك أن تنسى ما مضى ، تقدر ما زال باقي ، وتتطلع لما سيأتي فيما بعد........

____________________________

مسك ليث ايديها الي عماله تزقه وشدها نحيته :

-وانتي بذكائك ده، مش قادره تفهمي انا بعمل كل ده ليه وعشان ايه، طيب يا ستي انا بعمل كل ده عشان بحبك، فاهمه يعني ايه بحبك، يعني عاوزك دايما جنبي، دايما بحب اناغش فيكي عشان بحب الكلام معاكي، يعني عاوز اتجوزك يا خلود .

خلود كل العصبيه الي كانت جوها راحت في الهوا مجرد ما نطق الكلمه دي، حست انها من كتر الفرحه لسنها اتشل، وقلبها بيدق جامد وحسه بزهول ومش مصدقه انه اعترف ليها بحبه، ليث بصلها ومش عارف يحدد ايه رد فعلها كان وشها مابين الزهول والصدمه ومافيش كلام، ليث بهدوء:

- خلود انا عارف انك مدايقه من الي حصل، بس صدقيني بحبك، ولو مش واخده بالك من ده يبقا بجد مابتفهميش.

خلود بصتله بغيظ :

- في واحد يعترف بحبه وبعدها يقول مابتفهميش، انتا جلحوف يلااا.

ليث شدها ليه وحاوطها بأيده:

- يعني مابتفهميش دايقتك، امال جلحوف نظامها ايه معاكي .

خلود حاوطت رقبته بجراءه، لأول مره ليث يشوفها فيها، لانه دايما متعود منها على العند القوه العصبيه، التوتر الكسوف، خلود قربت وشها منه اوي، وهمست بصوت مثير:

- بحبك .

ليث بلع ريقه بصعوبه، من قربها لانها ممكن يعمل حاجه يندم عليها بعدين:

- اهدي يابنت المجانين كده عشان معملش تصرف مش تمام واحنا بقينا في وسط الميه وماحدش هياخد باله .

خلود ضحكت جامد :

- اديك قولتها بنفسك ياليث، انا بنت جاد وسمر، يعني بنت مجانين بجد، فتوقع اي حاجه مني يا ابن عمي .

بعد عنها شويه ومسك ايديها وخرجو من المايه، الفستان الي خلود كانت لبساه لزق في جسمها بشكل مغري، ليث بصلها بغضب لان ممكن حد يشوفها كده، قرب منها وشالها مره واحد، خلود اتفاجئت وزعقت :

- انتا اتجننت ازاي تعمل كده نزلني ..

ليث كانت الغيره مسيطره عليه جدا، كل ما يتخيل ان حد هيشوفها كده يتجنن:

- انتي تخرصي خالص انتي فاهمه .

خلود بعند :

- مش هخرص، ونزلني انا مش مشلوله.

ليث بنبره قويه خلتها تترعب :

- لو ماحطتيش لسانك في بوقك، انا الي هخرصك بطريقتي، عاجبك منظرك كده.