“If life were predictable it would cease to be life, and be without flavour”...
"لو كانت الحياة متوقّعة لتوقّفت عن كونها حياة، وكانت من دون طعم"...
_____________________________
في امريكا...
كانت قاعده على السفرة، وباين عليها التوتر، هشام كان ملاحظ ده، وقلق :
- مالك يا زمرده انتي كويسة ...؟!
زمرده بتردد :
- جدو كنت عاوزه اطلب منك طلب وارجوك توافق .
هشام بحنان :
- حبيبة جدها تأمر ما تتطلبش.
ابتسمت زمرده براحة :
- انا عاوزه ارجع مصر، يا اسافر عند بابا و ماما.
نيره بحزن :
- ايه يا زمرده زهقتي من جدو وتيته ....
قامت زمرده وراحت حضنت جدتتها وباست خدها:
- مستحيل ازهق منكم يا تيته، انتي عارفه اني مببقاش مرتاحه لما انتو بتسافرو، الفكره بس ان من ساعة الموقف الي حصل معايا وانا مخنوقه من الجو هنا .
هشام بحنان :
- ماشي يا ستي على العموم جدك سعد كلمني وطلب اننا كلنا نروح نقعد معاهم، وهنسافر انهارده، انا كنت عاوز اعملهالك مفاجأه بس شكلك مستعله .
زمردة بإبتسامه :
- طيب انا عاوزه ارجع مصر .
هشام بمزاح :
- ده نيره معاها حق بقا، انتي زهقتي مننا .
ضحكت زمردة :
- لا يا هشومي بس القعده كلها هتبقا كبار، وانا هزهق، فا اروح اقعد مع عيال خالي في مصر احسن .
- طيب يا ستي الي يريحك، تعالي معانا ألمانيا، ومن هناك هحجزلك لمصر، مرتاحه كده .
زمردة وهي بتبوس راسه :
- ربنا يخليك ليا يا هشومي ...
_____________________________
في ألمانيا......
تحديدا في الفيلا الخاصة بفريد سعد الراشد، اتجمع فيها سعد الراشد هو وولاده كلهم، مراد اتكلم بحيرة :
- طيب حضرتك جوزتهم واحنا طبعا محدش اعترض، و...
قاطعه سعد بحده :
- ليه هو حضرتك عندك اعتراض في حاجه انا عملتها ...؟!
مراد باحترام:
- لا طبعا يا بابا ، انا بس مش فاهم حضرتك عملت كده ليه، حتى مطلع عينا هنا، ومخلينا نخدم، ده حتي مافيش حد يساعدنا.
منار بسعاده :
- والله يا مراد اونكل سعد بيفهم في الاصول، وعارف ان احنا كستات دايما طالع عينا عشان كده بيريحنا وبيشغلكو انتو.
أنت تقرأ
عشق اولاد الراشد 3 (احفاد الراشد)
General Fictionاختلفت الاشخاص، والازمان ، والاشكال، ولكن يبقى هو مع اختلاف كل شئ..." العشق". لكل قصه بدايه، و نهايه، ما هي قصه (احفاد الراشد)، و كيف سيكون نصيبهم من العشق....؟!
