Speak only when you are sure that your words
are better than your silence....
تكلم فقط عندما تكون متأكدا أن كلماتك أفضل من سكوتك....
___________________________
تاني يوم بيصحي مراد قبل الكل، بيروح يستأذن جده عشان يكمله مهمته، بيوافق، بيتجمع الكل على الفطار، وكل واحد بيخلص الفطار و بيروح شغله، بيخرج ليث اخر واحد عشان يروح الشركه بيتفاجئ بالي جي وراه، بصله ليث بإستغراب:
-خير علي الصبح، عاوز ايه..؟!
سليم بترجي :
-يارب تكسب ياشيخ و يفتحلك الأبواب المغلقه.
ليث بملل:
-وبعد وصله الشحاته دي أنجز عاوز ايه...؟!
سليم وهو يحك مؤخره رأسه :
-وصلني الكليه في طريقك عشان عربيتي في التوكيل، أصلها اتخبطت وهجيبها بكره.
ليث بصدمه :
-ات.. ايه...!!!...اتخبطت هي لحقت دي مكملتش اسبوع.
سليم بتأثر :
-شوفت الناس عنيها وحشه زاي، هتوصلني ولا اخد تاكسي....؟!
ليث وهو بيركب العربيه :
- لا خد تاكسي...
سليم جري الناحيه التانيه من العربيه وركب قبل ما ليث يمشي :
-انتا ماصدقت دي عزومه مركبيه وبعدين مش هيهون عليك اتبهدل اطلع اطلع.
ليث بصله بغيظ، وبعد كده اتحرك:
- عيل لزقه...
ضحك سليم بطريقه مسرحيه:
- ده انا عامل زي الوطواط بيلزق تحت الباط.
ليث بقرف وإشمئزاز:
- تصدق انك مقرف، ولو مبطلتش هرميك من العربيه.
سليم بص الناحيه التانيه وهو بيهمس:
- امال لو عرف ان اخته هي الى معلماني الجمله دي هيحطني تحت العربيه ويعدي عليا.
ليث بصوت عالى:
- سلييييم، بتقول ايه...؟!
سليم بسرعه:
- وغلاوه تقى عندك مابقول حاجه.
ليث بحده:
- ما تجبش سيره تقى.
- حاضر، وغلاوه طنط شروق عندك.
داس ليث على سنانه بغيظ:
- من قله الرجاله في البيت بتحلفني بالستات، ممكن تخرص خالص........
سليم حط ايده على بوقه بسرعه، وبص ببراء لليث الي كان هيفرقع من الغيظ.
_______________________________
أنت تقرأ
عشق اولاد الراشد 3 (احفاد الراشد)
Ficción Generalاختلفت الاشخاص، والازمان ، والاشكال، ولكن يبقى هو مع اختلاف كل شئ..." العشق". لكل قصه بدايه، و نهايه، ما هي قصه (احفاد الراشد)، و كيف سيكون نصيبهم من العشق....؟!
