LIFE'S SHORT. If you don't look around once in a while you might miss it.
الحياة قصيرة ، إن لم تستغلها ضاعت عليك الفرصة.
___________________________
في صباح تاني يوم في القصر الكل كان قاعد يفطر بهدوء شديد، سعد خلص فطاره وقام بوقار وبص لسليم ببرود:
-تعالى ورايا على المكتب حالا.
سليم رد وبقه مليان اكل :
-حاضر يا جدي، هكمل اكل وجاي وراك حالا.
مراد بشمئزاز :
- مالك بتاكل كده ليه، جايب النفس منين للأكل وانتا داخل تتعاقب.
سليم بصله بغيظ:
-لتكون عاوزني اتعاقب على معده فاضيه، وانتا تسكت خالص عشان انتا السبب.
مراد ببرود :
- والله لو حد السبب يبقا انت، انتا الي اتحدتني ورحت قولت لجدي اني خرجت بعربيتي وكنت عاوزني اتعاقب، نصيحه بلاش تتحداني انا بالذات يا سليم يا حبيبي.
قام سليم بضيق وزق تقى الي كانت قاعده جنبه:
- انا قايم سديتو نفسي .
تقى بتفرق دراعها بغيظ:
- وانا مالي يا بغل، وبعدين نفس ايه الي اتسدت، ده انتا كان ناقص تاكل دراعي.
بيدخل سليم بهدوء المكتب عند جده:
- اؤمرني يا جدي .
سعد شاور على ورقه ببرود:
- خد الورقه دي فيها عنوان شقه فى حي شعبي في الدور الخامس، هتاخد شنطتك زي الشاطر وتروح تقعد هناك اسبوعين، من غير العربيه.
سليم بضيق :
- اروح ازاي ياجدي طيب .
سعد ببرود:
- مش مشكلتي، وبعدين في موصلات للمنطقه دي على فكره.
سليم بإعتراض:
- ياجدي بجد حرام.
سعد بغضب شديد:
- اتفضل خلص النقاش، وبسرعه عشان تلحق المواصلات.
بيخرج سليم وهو بينفخ بغيظ.
_________________________
في الشركه الخاصه بسعد مراد الراشد .
علي مكتب ريم رن تليفون المكتب:
_الو يا مستر سعد
سعد:-----------------
- حاضر يافندم تأمرني بحاجه تانيه..
- سلام
قامت ريم من علي مكتبها و كلمت مايا بقرف :
- انتي
مايا ادايقت :
-استغفر الله العظيم يارب، أنا ليا اسم المره الجايه لو مندهتيش بيه هسيبك تندهي و مش هعبرك.
أنت تقرأ
عشق اولاد الراشد 3 (احفاد الراشد)
Tiểu Thuyết Chungاختلفت الاشخاص، والازمان ، والاشكال، ولكن يبقى هو مع اختلاف كل شئ..." العشق". لكل قصه بدايه، و نهايه، ما هي قصه (احفاد الراشد)، و كيف سيكون نصيبهم من العشق....؟!
