Whoever learns silence will gain a great deal of knowledge....
من تعلم الصمت اكتسب كثيرا من المعرفة.....
_________________________
في الجنينة الي ورا القصر البنات كلهم بيبقو متجمعين ولابسين بجمات وفساتين بيتي مريحة، بيبدءو يلعبو بالمية ويتنطتو، زياد ماشي ورا سليم ومش فاهم حاجه، زياد بضيق :
- ما تقولي احنا رايحين فين بدل ما انا ماشي وراك زي الجموسة كده .
سليم بصوت واطي :
- وطي صوتك يا جموسة لتفضحنا .
زياد وطى صوته من غير ما يفهم ليه :
- هنتفضح ليه...؟!
سليم بحصرة :
- تخيل يا زياد قاعدة طرية مكونة من خمس حتت، واحنا مش معزومين .
زياد بصدمة :
- قاعدة طرية يبقا بنات، ومن غيري، لااا ده احنا لازم نعمل وقفة احتجاجيه.
سليم وهو بيشاور ليه عشان يمشي وراه :
- احنا هنعمل وقفة بس مش احتجاجية، لا هنعمل وقفة مستخبية، انا واثق ان لما اكتر من بنتين يتجمعو يبقو خلاص فقدو الامل في الرجالة وناوين ينقلبو، فواجبنا نراقبهم، عشان الخطر و....
وقف مصدوم لما شاف منظر البنات وهما بيلعبو، زياد زقه:
- مالك وقفت ل....
وقف كلامة بصدمة هو التاني من منظرهم :
- يانهار مربي بالقشطة هو في ك...
مبيلحقش يكمل كلامة بيلاقي الي مسكة هو وسليم من قفاهم:
- قدامي يا بغل انتا وهو ليلة الي خلفوكو سودة.
بلعو الاتنين ريقهم بصعوبة، سليم بخوف :
- انبي يا شيخ تسبني انا ملحقتش ابص حتى، وبعدين دول اخواتي يا جدع خلى خلقك استرتش.
زياد بحصرة:
- منك لله يا سليم انتا السبب كان لازم امش وراك يعني .
زعق فيهم بصوت عالى ومرعب، والبنات خدو بالهم :
- والله لو ماحطيت لسانك في بوقك انتا وهو لأزعلكو على نفسكو .
سليم حط ايده بسرعه على بوقه وزياد نفس النظام، قابلهم سعد ومراد وهما داخلين القصر ورا بعض وبصلهم بإستغراب:
- فيه ايه بيحصل ...؟!.
شال سليم ايده من على بقه بإحترام :
- مستر لو سمحت ارد عليه.
ليث بغضب وصوت عالى :
- هو انا مش قولت لسانك في بوق منك ليه.
قفل سليم بوقه بسرعه، سعد :
- ماتتكلم في ايه ومسكهم كده ليه زي الي ماسك حرامي غسيل .
أنت تقرأ
عشق اولاد الراشد 3 (احفاد الراشد)
Ficción Generalاختلفت الاشخاص، والازمان ، والاشكال، ولكن يبقى هو مع اختلاف كل شئ..." العشق". لكل قصه بدايه، و نهايه، ما هي قصه (احفاد الراشد)، و كيف سيكون نصيبهم من العشق....؟!
