"မား ကျွန်တော်ရောက်ပြီ အရမ်းနောက်ကျသွားလို့တောင်းပန်ပါတယ် သားကိုခွင့်လွှတ်ပါနော်"
ရိပေါ်တရုတ်ကိုပြန်ရောက်ရောက်ချင်းသူ့မားအုတ်ဂူဆီတန်းလာခဲ့တယ် မားဆုံးပြီး သူတစ်ခါပဲသွားတွေ့ရသေးတာ ဒီကြားထဲသူ accidentဖြစ်ပြီး ကိုမာဝင်နေတာနဲ့ သတိရလာတော့လဲ ကိုယ့်နိုင်ငံမှာမဟုတ်တဲ့အတွက် မားကိုလာမတွေ့နိုင်ဘူးလေ ရိပေါ်သူ့မားနဲ့သူ့ညီလေးရဲ့ အုတ်ဂူလေးကိုသန့်ရှင်းရေးလုပ်ပေးရင်းစကားတွေပြောနေလိုက်သည် ပြီးတော့ ယူလာတဲ့ပန်းစည်းလေးကိုအုတ်ဂူလေးပေါ်အသာလေးတင်လိုက်ကာ သူ့မားအုတ်ဂူလေးပေါ် လက်တင်ပြီးခေါင်းမှီတင်ထားလိုက်သည်
"ကိုကို့ညီလေးရိချန်းရော ပါပါးနဲ့တွေ့နေပြီလား ပါပါးက ကိုကို့ထက်ညီလေးကိုပိုချစ်သွားပြီထင်တယ် ကိုကို့အိမ်မက်ထဲတောင်မလာတော့ဘူး"
သူ့မားအုတ်ဂူလေးပေါ်ခေါင်းမှီထားရင်း ညီဖြစ်သူရဲ့အုတ်ဂူလေးကိုလဲလက်နဲ့အသာပွတ်ကာ စကားတွေပြောနေမိသည်
"မား သားကတစ်ယောက်ထဲကျန်ခဲ့တာ မားတို့ကိုအရမ်းသတိရတာပဲ သားကိုဖက်ထားပေးမယ့်မားလဲမရှိဘူး သားကိုအလိုလိုက်မယ့် ပါးလဲမရှိတော့ဘူး သားနမ်းမဝတဲ့ပါးဖောင်းဖောင်းလေးတွေနဲ့ညီလေးလဲမရှိတော့ဘူး..သတိရတယ်မား"
ရိပေါ်နှုတ်မှတတွတ်တွတ်ပြောရင်း မျက်ဝန်းထဲမှမျက်ရည်များကလဲအထိန်းအကွပ်မဲ့စွာ ထိုအချိန်မိုးကလဲ မျက်ရည်တွေနဲ့အပြိုင်ရွာသွန်းလို့
"လေးနှစ်ကြီးများတောင်ရှိပြီမား...မားတို့အကုန်လုံးသားကိုထားသွားတာ...သားအခုတစ်ယောက်တည်း...မားသိရဲ့လား...သားအခုသားဖြစ်ချင်တာတွေဖြစ်ခွင့်ရပြီ...ဒါပေမယ့်မားမှမရှိတာ...သားဆုရတဲ့နေ့က မားကိုသတိအရဆုံးပဲ...မားသာရှိရင်အရမ်းပျော်မှာ ပါးသာရှိသေးရင်သားအတွက်ဂုဏ်ယူနေတော့မှာဆိုတဲ့အတွေးတွေနဲ့သားအရမ်းနာကျင်ရတယ်...ရူးမတတ်ပဲ...မားတို့သိရဲ့လား"
တဖွဲဖွဲကျနေတဲ့မိုးသားအောက်မှာ တစ်ယောက်တည်းအုတ်ဂူလေးနှစ်လုံးရှေ့ စကားတွေဟိုဘက်လှည့်ပြောလိုက်ဒီဘက်လှည့်ပြောလိုက် ငိုလိုက်နဲ့ ကျောလေးတွေတသိမ့်သိမ့်တုန်သည်ထိ ရှိုက်ကာငိုနေတဲ့မြင်ကွင်းက မြင်ရသူဖို့တစ်ကယ်ရင်နင့်စရာ
YOU ARE READING
The Deepest(အနက်ရှိုင်းဆုံး)♡Completed♡
Fanficငါမင်းကိုချစ်မိနေပြီဆိုရင်တောင် မင်းဘယ်တော့မှမသိစေရဘူး