البارت العاشر
في المساء
بعد تناول العشاء يذهب شادي الي مكتب جده يطرق الباب حتي ياذن له الجد بالدخول
ليقول الجد
"ايه يا شادي يحبيبي فيه حاجه ولا ايه "
ليجلس شادي ويقول
"ايوه "
ليقول الجد
"فيه ايه "
ليقول بدون سابق انذار
"انا عاوز اتجوز فريده"
لينظر له الجد بصدمه
"نعم ده انت لسه بتدرس يا بني وهي لسه في ثانويه عامه "
ليقول شادى
"بس الجواز مش بالدرسه يا جدي وانا شقتي جاهزه وبحبها ومش هستني لما حد تاني ياخدها مني "
ليقول الجد
"بس انت كده هتدمر لها مستقبلها علشان هي عايزه تكمل دراستها وحلمها تدخل هندسه وانا مش هسمح لحد يدمر حلم حفيدتي حتي لو الشخص ده هيكون انت "
لتقول شادى بثقه
"وانا موافق استناها لحد ما هي تخلص دراستها بس علي الاقل يا جدي يبقي فيه حاجه رسمي بينا "
ليقول الجد
"والله يابني اللي اقدر اقدمهولك بعد موافقه ابوها وموافقتها طبعا ان بعد ما هي تخلص ثانويه عامه نبقي نعملكو خطوبه "
ليقول شادى
"حبيبي يا جدو والله"
"بكاش اووي "
ليذهب اليه ويحتضنه
"جدو حبيبي وروح قلبي هيقف معايا بكره صح "
"ايوه يا واد كل بعقلي حلوه "
لينظر له
"وافق يا جدو بقا... ده انا شادي حبيبك "
ليقول الجد
"خلاص بقا يا زنان انت... ماشي موافق اقف معاك "
"بجدد يا جدي... انا بحبك اووي "
ويذهب اليه يحتضنه ليضحك عليه الجد ويحتضنه هو الاخر
يذهب شادي الي منزله بفرحه شديده
_____________________
في صباح اليوم التالي
(يوم الجمعه )
يوم تجمع العائله ويونس معهم
كان الرجال يقضون صلاه الجمعه بالمسجد
والنساء في المطبخ يقوموا بتجهيز الطعام
في المطبخ عند النساء
كانت ساميه تنظر بحقد لملاك التي تساعدهم في الطعام
"الا قوليلي يا بت انتي ايه اللي فكرك بينا يعني "
لتقول ملاك
"بت انتي "
لتقول
"امال اقولك يا هانم ولا ايه "
لتقول
"ولا هانم ولا غيرها...انتي سالتي السؤال وانا مش عجبني السؤال فمش هجاوب عليه "
لتقول
"انتي بتكلميني كده ليه احترمي اني اكبر منك المفروض ان انا خالتك احترمي كلامك معايا "
لتقول عبله
"فيه ايه يا ساميه مالك بالبت من ساعه ما جيت "
لتقول ساميه بغل
"حتي انتي يا عبله بقيتي معاها "
لتقول عبله
"انا بقول كلمه حق ولا معاكي ولا معاها "
لتقول ملاك
"خلاص يا مرات عمي هي من يوم ما جيت وهي مش حباني من غير ما تتعامل معايا حتي بس عادي يعني الحياة مش هتقف علي حبها وتقبلها ليا "
لتقول ساميه في نفسها
"شوفي البت بتكلمني ازاي لا لا لازم ابعدها عن البيت ده "
_________________________
بعد فتره يصل الرجال الي المنزل
ليتجمعوا حول طاوله الطعام كانت ملاك تضع الاطباق علي الطاوله
لاحظت زينه نظرات مصطفي لملاك
لتنظر لها بحقد وعند ذهاب ملاك باتجاه مصطفي
تضع زينه قدمها امام ملاك
ليقع ما بيد ملاك من طعام علي مصطفي
لتقول زينه
"ايه اللي انتي عملتيه ده مش تاخدي بالك ولا ماشيه كده وخلاص بوظتيله هدومه "
لتقول ملاك
"انتي اللي كعبلتيني علي فكره لو مش ملاحظه يعني لو مفكراني هسكت يبقي متعرفنيش لسه "
لتقول زينه بتصنع
"انا... انا اللي كعبلتك انتي عايزه تلبسيها فيا ولا ايه "
ليقول مصطفي
"خلاص يا جماعه حصل خير... لو علي ملاك انا مسامحها انما لو انتي اللي كعبلتيها فعلا حسبي الله ونعم الوكيل فيكي يا شيخه علشان التيشرت باظ وانا بحبه اووي "
ليقول اخر كلامه وهو ينظر لملاك
لتقول زينه
"اشمعنا هي سامحتها وانا حسبي الله ونعم الوكيل "
ليقول مصطفي ببرود
"كيفي كده "
ليقول الجد
"خلاص يا مصطفي فيه ايه مينفعشي تحسبن علي بنت عمتك كده "
ليقول مصطفي
"طب انا هطلع اغير هدومي بسرعه وانزل "
ليذهب لتنظر له زينه بعصبيه
فهو من الطبيعي ان يتعصب علي ملاك ولكنه لم يفعل ذلك
لتنظر الي امها بياس التي كانت تشاهد ما يحدث بصمت وعصبيه من غباء ابنتها
لينزل مصطفي بعد ان ابدل ثيابه ليتناول الطعام سويا
علي طاوله الطعام كانت لا تخلو من نظرات عهد ليونس
ليلاحظها الجد
"عهد يا حبيبتي كلي "
ليرفع يونس راسه عند سماع اسمها
ليلاحظ نظراتها
لتقول بتوتر
"باكل اهو يا جدو "
ليجد الجد نظرات موجهه نحوه ولم يكون سواا شادي التي يشير له براسه بان يتحدث
ليقول الجد
"طب يا جماعه بما انكو متجمعين وكده ف شادي طالب ايد فريده ايه رايك يا عاطف "
لتنظر فريده بصدمه
ليقول عاطف
"انا مش هلاقي احسن منك يا شادي بس انت لسه بتدرس وهي لسه صغيره ثانويه عامه وهي عايزه تكمل دراستها "
ليرد شادي سريعا
"وانا يا عمي موافق استناها لحد ما تخلص دراستها بس علي الاقل يبقي فيه حاجه رسمي... "
لينظر عاطف لفريده التي تخفض راسها بخجل
"وانتي ايه رايك يا فريده "
لتقول فريده
"اللي تشوفه يا بابا"
ليقول عاطف
"علي خيره الله وانا موافق "
ليقول الجد
"بعد شهاده ثانويه عامه نعملكو خطوبه وتتجوزو بعد ما تخلص دراستها "
ليقول شادي
"تمام يا جدي بس المهم انهم وافقوا "
ليبارك لهم الجميع
لينظر يونس الي عهد ثم يوجهه نظره سريعا وهو يقول
"طب يا جدي بما انكو فاتحتو موضوع الجواز انا طالب ايد عهد "
لتسعل عهد بقوه وصدمه
لينظر له الجميع ومصطفي التي يبتسم بخبث لانه يعلم بمشاعر صديقه تجاه عهد منذ الصغر ولم يكن له الجراءه الكافيه كي يعترف لها
ليقول الجد بمرح
"والله يا بني سيبنا نسال عليك الاول ونرد عليك "
ليقول يونس
"وانا مستني ردك بفارغ الصبر "
لينظر الجد لسامي وهو يقول
"ايه رايك يا سامي "
لينظر سامي الي عهد
"رايك ايه يا عهد "
لتقول بمرح
"نقرا الفاتحه "
ليضحك عليها الجميع
ليقول يونس
"طب انا عايز كتب الكتاب بعد اسبوع والفرح مع خطوبه فريده وشادي واهي الامتحانات قربت "
ليقول سامي
"ايه يا بني حيلك حيلك ليه الاستعجال ده "
ليقول يونس
"والله ياعمي انا شقتي جاهزه ومش ناقصها غير عهد "
بعد فتره من اصرار يونس يوافق الجد وسامي
__________________________
بعد انتهاءهم من الغداء يذهبو الي غرفه الجلوس وكان اخر اثنين سليم وخلفه شرين
لتهمس شرين لسليم
"عايزه اتكلم معاك هستناك علي السطوح "
لتذهب وهو يذهب خلفها
لتصل شرين ويليها سليم
لينظر كلهما الي بعضهما ويعم الصمت المكان حتي تتحدث شرين
"هتفضل ساكت كده كتير احكي اتكلم انا سمعاك "
يتبع.........
