رياح عشقك

البارت الخامس عشر (عريس الغفلة)

البارت الخامس عشر

"عايزني تعالي ادخل البيت من بابه واطلبني من جدي غير كده معطلكش.. يلا بقا جود باي "
لتتركه وتذهب
ليقول
"جود باي "
ليصفق بكلتا يداه
وهو يقول
"ايوه بقا انزل يا مدلع "
وبعدها يذهب خلفها إلي داخل القاعه

_______________________
داخل القاعه عند سليم
اشار سليم لطفل صغير بان ينادي شرين من تجمع البنات
لتذهب اليه شرين
"فيه حاجه ولا ايه ومالك شكلك متعصب "
ليقول
"هو ده اللي اتفقنا عليه ولا هو مفيش كلام بيتسمع ولا انا مليش كلمه علشان عايز افهم "
لتنظر له شرين متصنعه الجهل
"كلام ايه اللي قولنا عليه مش فاكره حاجه "
ليقول بعصبيه
"لا والله اعملي نفسك من بنها بقا، لو ترجعي بذاكرتك لورا كده هتفتكرى اني قولتلك ملمحكيش علي المسرح غير لو وقفه جمب عهد او بتسقفي وتبقي جمبها علشان متزعلهاش ولا انتي تزعلي انما بقا هنقضيها في عم يا صياد والكلام ده فهزعلك عادي علفكره، لا وعماله تعمليلي كده وكده واما تلقيني ببصلك تودي وشك الناحيه التانيه وتكملي ايه مفيش سمعان كلام ولا ايه، انا مش هحلك اصبرى عليا "
لتقول ببرود
"ولا تقدر تعملي حاجه "
ليقول بعصبيه
"بت متعصبنيش عليكي "
لتنفخ في اظافرها ببرود
"ولا تقدر تعمل حاجه "
ليقول بعصبيه
"بقا كده، طب ماشي يا شرين يا انا يا انتي النهارده، والله لو طلعتي علي المسرح تاني لاطلع اجيبك من عليه قدام الناس دي كلها "
لتتافف بنفاذ صبر ثم تذهب من امامه تجلس بجوار عبله ليضحك عليها ثم يذهب خلفها

_________________________

عند فريده
كانت تقف تلتقت لنفسها عده صور بالكاميرا الاماميه
لياتي اليها شادي
"طول ما اتنين قهوه بيتصورو لوحدهم الصوره بتبوظ لازم يبقو اربعه هتبقي اجمد علفكره "
لتقف كالبلهاء تفكر فيما يعني ما قاله
لتصيح بعدها
"اهااا، فهمت قصدك ان عيوني هي القهوه صح، ده انا دماغي عملت ايرور"
ليقول
"يلاهووي علي الذكاء يا بنتي ماهي واضحه مش محتاجه كل الوقت ده علشان تفكرى وبعدين انتي المفروض تتثبتي وتنظرى بخجل ووجهك يحمر زي بتوع الروايات ولا انتي ما بتتاثريش "
لتقول له
"نو تاثير مبتثبتش"
"طب هثبتك دلوقتي "

"كوردةٍ جميلةٍ بفستانكِ الوردىِ، تمكنتي من قلبي وتربعتي علي عرشه، قلبي يضعف أمام عيناكِ وأصبح ينبض بإسمكِ أنتِ وحدك "

لتنظر له بحب
"هااا اتثبتي "
لتجاوبه مع ابتسامه
"جداا اول مره اتثبت التثبيته دي "
ليضحك عليها
لتقول
"بقولك ايه خد صورني صورتين حلوين كده علشان زينه زهقت من العشرين صوره اللي صورتهوملي، بذمتك حد يزهق من القمر ده "
ليقول
"نرجسيه انتي اووي "
لتقول
"يعني يتزهق مني "
ليجوبها مسرعا
"لا طبعا، هاتي وانا اصورك 100 صوره "
لتعطيها الهاتف وتبدأ في اخذ وضعيات كثيره وهو يلتقط لها كده صور
"تعالي نتصور سوا "
"ماشي "
ليلتقطوا الصوره معا
لتقول
"كفايا عليك صوره واحده علشان المعجبين كتير هوفر علي نفسي بقا "
ليقول لها بغضب
"معجبين مين والله لو لمحتك بتتكلمي مع حد من النوع الاخر وربي ما هحلك "
لتنظر مع ابتسامه بلهاء علي ثغرها
"بتغير يا واد يا شادي "
ليقول
"ايوه يا بنتي امال ايه "
ليهمس جنب اذنها
"عقبالنا يارب"
ويذهب ويتركها في صدمتها