البارت الخامس
بدا الجد يعرف ملاك علي جميع افراد العائله حتي وصل الي ساميه
نظرت لها بصدمه
"ماااامااا"
"ماما مين يا ختي انا مش امك "
ليقول الجد بعصبيه
"فيه ايه يا ساميه اما تقولك ماما ده انتي خالتها حتي وهي بنت اختك "
لتقول ملاك
"بس انا مش عايزه اقولها ماما ولا هقولها هي مفيش غير امي واحده وماتت انا كنت بقول ماما علشان شبها اوووي هما تؤام صح يا جدو"
لتنظر لها ساميه بغل
"وايه اللي فكرك بينا دلوقتي "
ليتجاهل كلامها الجميع
ليقول الجد
"ايوه تؤام واما امك هربت هي اللي اتجوزت مكانها سامي ودلوقتي بتحبه وخلفت منه دلوقتي عهد وزينه وسليم "
كل ده وسامي ينظر الي ملاك بعدم تصديق
لتقول ملاك
"اهااا ربنا يخليهملها يارب "
ليردف الجد
"تمام كده بما انكو اتعرفتو علي ملاك فهي هتعيش معانا هنا في العماره ياريت تعتبروها اختكو "
لتقول عهد
"دي قمر اوووي انا حبيتها "
لتقول ساميه وهي تنظر الي بنتها بغضب
"وتعيش معانا ليه ما يمكن متكونش بنت يسرا وبتضحك علينا عايزه تكوش فلوس او تكتبلها الشركه او يمكن تكون شغاله تبع حد عدو لشركتكو "
لتقول ملاك ببرود
"معلشي يا خالتي متتفرجيش علي افلام هندي كتير علشان شكلها ماثره عليكي...... اقولك نعمل تحليل DNE طالاما خالتي مش مصدقه علشان خالتي ترتاح من ناحيتي"
لتقول ساميه موجهه حديثها للجد
"شوف يا بابا بتكلمني ازاي الظاهر متعلمتشي تتكلم مع الكبير ازااي "
لتنظر لها ملاك ببرود ليقول الجد
"حبيبت جدو تعمل اللي هي عايزاه "
لتحتضن جدها
"حبيبي يا جدو "
لتقول ساميه في نفسها
"بدأنا من حالا لا مش هسيب اللي بيحصل ده يكمل "
ليتناول الجميع العشاء
لتقول فريده بمرح
"شباب ايه رايكو نعمل سهره سطوحي انهارده "
ليوافقها الجميع لتقول فريده موجهه حديثها لملاك
"وانتي يا قمر تعالي معانا واهو بالمره نتعرف عليكي اكتر "
لتقول ملاك بفرحه
"بجد هاجي معاكو يلا انا موافقه بس يعني ايه سهره سطوحي دي "
لتقول فريده "سهره سطوحي دي يعني بنطلع سطح العماره اللي احنا مظبطين فيه قاعده بنقعد فيهاونسهر كلنا سوا "
لتقول بفرحه وهي تصفق بيدها "الله بجد السطح بتاعكو في مكان بتقعدو فيها.. طب يلا بينا "
لينظر لها مصطفي بابتسامه لتشتعل زينه غضبا من نظراته لها
لتنظر الي ملاك بغل لتقول بغرور
"انا مش هاجي معاكو اطلعو انتو "
ليتجاهل حديثها الجميع
ليقول عمر
"وانا كمان مش هطلع علشان تعبان وعايز انام "
لتقول فريده
" تمام ريح انت "
ليذهبو جميعا الي السطوح
_________________________
علي سطح العماره
كان مزين وجميل به مكان منظم للجلوس ومكتبه كتب للقراءة ومزين بفروع من الانوار للاضاءه ليلا
ليذهبو جميعا الي مكان الجلوس
لتقول فريده
"انتي يا قمر اسمك ملاك صح... عرفينا عليكي او اقولك احكيلي عن حياتك طيب او اي حاجه بدل السكوت ده "
لتجيب ملاك
"انا ملاك 24 سنه اهلي ماتو وانا ٤ سنين ورباني رجل عظيم كان معانا في نفس العماره كبرت ودخلت هندسه وانا معنديش فضول اعرف مين عيلتي علشان كنت عارفه ان جدو كان ماجبر ماما علي حاجه علشان كدا هربت ومكنتش اعرف ايه الحاجه اللي ماغصبها عليها بس انا مكنتش عايزه اجي هنا واستكفيت بابويا اللي رباني لحد محكالي اللي حصل وبعديها في نفس اليوم مات في حضني وهو بيحكيلي بس اما جيت وشوفت الندم في عيون جدو ضعفت وسامحته "
لتقوم ملاك بمسح دموعها والكل ينظر اليها بشفقه علي ما مرت بيه
لتقول فريده وهي تحضتنها
"اسف مكنتش اعرف انك هتعيطي والله وانتي بتحكي خلاص بقا متعيطيش "
لتمزحها شرين
"طب بذمتك ينفع قمر زي ده يعيط "
لتقول عهد بمرح
"لا طبعا اللي زي دي مش بيعيط اللي زي دي بيتحضن علطول "
ليقوم كلا من فريده وعهد وشرين بحتضان ملاك وبعد فتره يقومو بفك العناق
لتقول ملاك
"انا حبيتكو اووى ربنا يخليكو ليا.." لتشير علي مصطفي
"انما انت لا "
ليقول مصطفي بصدمه
"اناااا... انا كلمتك دلوقتي يابنتي "
لينظرا لبعضهما بتحدي
لتقول فريده
"خلاص يجماعه هتتخنقو ولا ايه... لو هتتخنقو عادي انا ممكن اسخن قصدي اسلك بينكو.. بس مش عايزين خناق اول سهره لينا سوا "
لتقول عهد
"ايوه البت فريده عندها حق يلا نلعب لعبه او اي حاجه "
لتقول فريده
"عندي لعبه "
________________________
في منزل ساميه
في غرفه ساميه تحديدا كانت تاخذ الغرفه ذهابا وايابا وهي تقول بحسره
"لا لا ازاي جات تاني "
لتجلس علي الارض وهي تبكي
"لا مش بعد كل ده تظهرلي كده فجاه وتاخد الاهتمام تاني وتكمل اللي امها عملته لا لا "
لتنظر امامها بشرود وغل
______________________
علي سطح العماره
تقول فريده بمرح
"عندي لعبه ايه رايكو نلعب كوتشينه وكل واحد يكتب حكم في ورقه واللي يخسر يسحب ورقه وينفذ الحكم "
ليوفقها الجميع ثم يقوم مصطفي بجلب الكوتشيه وتفنيطها وتوزيعها عليهم ليلعبو سويا
_________________________
عند ساميه
كانت تجلس حتي وجدت دق علي الباب ثم فتح بواسطه زينه
"ماما انتي نايمه"
لتجدها تجلس علي الارض وتقوم بمسح دموعها لتقول زينه بقلق
"فيه ايه يا ماما مالك "
لتقول ساميه
"عجبك اللي كان بيحصل ده دي جات تكمل مسيره امها وتاخد الاهتمام زي ما كانت امها بتاخد اهتمام كلهم عني ويسبوني دلوقتي جات هي علشان تاخد الاهتمام ده شوفتي جدك لسه اول يوم ليها هنا ويقولي حبيبت جدو تعمل اللي هي عايزاه شوفي بقا لو قعدت هنا شهر كمان مش بعيد يكتبلها العماره والشركه باسمها "
لتقول زينه
"هي بصراحه شكلها طيبه مش كده بس برده هي مش عجباني بترد كلمه بكلمه ولسانها متبري منها وكل ده وجدو مش بيقولها حاجه وبيقولك دي حبيبت جدو "
لتجيبها ساميه
"دي واحده حربايه جايه تلف علي جدك علشان يكتبلها اي حاجه وهي خطتها بدات تنجح وانا مش هسمحلها بده وانتي لازم تبقي معايا علشان نخرجها من هنا "
لتقول زينه وهي تتذكر نظرات مصطفي لملاك
"تمام يا ماما وانا معاكي"
__________________________
علي السطح
كان يسود الجلسه مرحهم وضحكاتهم حتي تبقي في اللعبه ملاك وسليم
لتصيح ملاك وهي تصفق بيدها بمرح
"هييييه كسبت.... كسبت"
ليقول شادي
"يلا يا معلم اسحب ورقه "
ليقوم سليم بسحب الورقه ليقرا ما بداخلها
"غني اغنيه "
ليقول
"مين اللي كتب الحكم البايخ ده "
ليقول شادى بخبث
"مش انااا "
لينظر له سليم وهو يضيق عينه
ليقول شادى
"خلاص بقا بلاش النظرات دي... ايوه انا اللي كاتبه وكنت بدعي انك انت اللي تخسر علشان تغني واحشني صوتك "
ليقول
"تمام هغني اغنيلكو ايه"
لتقول عهد
"غني لا ملامه علي اللي حبوا لا ملامه بتاع حماقي "
ليقول سليم
"ماشي هغني حته بس "
ليوافقه الجميع
ليبدا في الغناء وهو ينظر لشرين التي كانت تنظر له بتوتر واعين دامعه
حتي ينتهي من الغناء
ليصفق الجميع
لتقول ملاك بابتسامه
"الله صوتك حلو اوووي "
لينظر مصطفي بغيره
"طبعا مش اخويا لازم يبقا صوته حلو "
لتقول ملاك
"انت مالك انت حد كلمك انا بكلمه هو "
"نينينينيني"
لتنظر له ببرود ثم تقلب عيناها
ليقول مصطفي "خلي بالك انتي اتقبلتي في الشغل يعني الصبح تبقي في مكتبك "
لتنظر له ثم تقول في نفسها "هيعملي فيها مدير بقا"
ليكمل سهراتهم ثم يذهب كلا منهم الي منزله
______________________
يتبع........
