البارت السادس عشر
"فاضي يا جدي اتكلم معاك "
"ايوه يا بني تعالي اتفضل "
ليجلس مصطفي امامه ويقول
"جدي انا هتجوز ملاك "
ليقول الجد
"ايه هتجوز ملاك دي مفيش استأذن الاول حتي "
ليقول
"ما هو بص يا جدي انا متوتر، يا تجوزوهالي يا هاخدها ونهرب "
"ولا ، اطلبها بأدب يا أما بقا هقبل العريس اللي جايلها "
ليقف من مكانه وهو يقول بعصبيه
"نعم، مين عريس الغفلة ده ان شاء الله "
ليقول الجد
"قاسم العمراني "
ليقول مصطفي
"نععععم،طب والله ما هحله "
ليقول الجد
"ليه يا بني هو عمل حاجه غلط هو شافه وجه يطلب ايديها "
ليقول
"لا يا جدي هو عارف كويس ان انا بحبها بس هو بيحب يعاندني "
ليقول الجد
"خلاص يا بني متعصبش نفسك انا هوافق علي جوازه ملاك "
ليبتسم الاخر ولكن تتلاشي ابتسامته عندما يكمل الاخر
"بس من قاسم "
لتتحول ملامح وجه مصطفي مره اخري
ليضحك عليه الجد
"هو فيه ايه يا جدي انت معايا ولا ضدي فعلا الطعنه مبتجيش الا من القريب "
ليقول الجد من وسط ضحكاته
"خلصت دراما شكلك كان مضحك علي فكره "
ليقول
"والله يا جدي انا بحب ملاك، وافق بقا هااا"
ليقول الجد
"ايه يا بني ده انت واقع خالص "
لينظر امامه وهو يقول
"اه والله يا جدي انت بتقول فيها "
"طب ايه يا جدو موافق "
ليقول
"انا عن نفسي موافق بس لسه راي ملاك "
ليقول مسرعا
"هي موافقه "
لينظر له الجد وهو يضيق عيناه
"عرفت ازااي "
ليقول
"هااا، اصل، اصل "
"هات من الاخر "
"بصراحه كده يا جدي انا كلمتها امبارح وقالتلي عايزني كلم جدي وخش البيت من بابه، بيت ايه اللي اخشه من بابه ده البيت واحد بس مش مشكله، هااا يا جدو بقا نحدد "
ليقول الجد بتسأول
"نحدد ايه "
ليقول
"بص يا جدي خير البر عاجله صح، يبقي كتب الكتاب اخر الاسبوع الجاي "
"فيه يا بني ايه السرعه دي "
ليقول
"احنا في زمن السرعه، وبعدين شقتي اللي في العماره جاهزه علفكره، وافق بقا "
لينظر له الجد بطرف عينه
"تمام موافق بس اما اخد راي ملاك برده مش هغصبها علي حاجه علشان لو مش موافقه علي الجوازه دي او الوقت مش هجبرها علي حاجه "
"تمام يا جدي "
ليقول الجد بسعادة
"كدة يبقي عندنا 4 أفراح (عهد ويونس) (وانت وملاك)(وفريدة وشادي) (وسليم وشرين) "
لينظر له بصدمه
"ايه هو سليم عرف يصالحها "
"ايوه حكالها كل حاجه "
"مقليش السوسه ده، بس يلا ربنا يتممله علي خير "
_______________________
علي طاولة الافطار
يقول الجد
"صباح الخير، بما انكو متجمعين فإحنا عندنا 4 أفراح الفترة الجايه "
لتقول ساميه
"أربعه ازاي يا بابا مش فرح عهد ويونس وخطوبة شادي وفريدة مين تاني هيتجوز "
"سليم وشرين، إيه رأيك يا فريد "
"وانا مش هلاقي لبنتي أحسن من سليم، رأيك يا شرين "
لتنظر بخجل
"اللي تشوفه يا بابا "
"تمام علي بركة الله "
لنتظر لهم ساميه بغل
"وانا زي الاطرش في الزفه معرفش حاجه "
ليقول الجد
"واديكي عرفتي ياساميه جوزك كان عارف يعني خلاص "
لتنظر لزوجها بغضب وتكمل
"طب كده 3 مين الرابع زينه مثلا "
ليقول الجد
"مصطفي "
لتقول مع ابتسامه بلهاء
"مصطفي طالب ايد زينه بجد أنا موافقه طبعا "
ليقول مصطفي
"لا يا عمتي العتبه علي النظر انا طالب ايد ملاك قلبي "
"قلبك "
"يعني أخدتي بالك من قلبي ومخدتيش بالك من ملاك، مع إن الاتنين واحد "
لتنظر له بغضب وزينه التي كانت تخفض رأسها خجلا من حديث والدتها وكانت تخشي النظر إلي والدتها.
"رأيك إيه يا ملاك يا بنتي "
"تمام ياجدي اللي تشوفه "
ليقول
"تمام علي بركة الله كتب كتاب (مصطفي وملاك )و(سليم وشرين) الاسبوع الجاي "
ليتفاجاء الجميع بالموعد
ليقول سليم
"والله انت راجل كُبَرَه هات راسك ابوسها "
لتقول ساميه
"وليه الاستعجال ده "
ليقول مصطفي بإستفزاز
"والله يا عمتي احنا في زمن السرعه، وزي ما بيقولو خير البر عاجله "
لتنظر له بحقد ثم توجه نظرها إلي إبنتها.
بعد انتهاءهم من الفطار يذهب كلا منهما إلي وجهته.
