وصلتها غرفتها منيره/ ماعرفناك على انفسنا بس ريحي واول ماتنزلين نتعرف على بعض
كيان مسكت يدها/ ع عادي تنامين معي لان اخاف مو متعوده
منيره/ ان شاءالله تبشرين
انسدحت وجت كيان بجمبها/ تعالي بحضني انتي بنتي
دمعت عيون كيان ومسحتها وابتسمت بحب
بدت تقرا عليها منيره لين نامت
نزلت منيره قايد/ هاه شلونها
منيره/ يابعدي هي نامت
جلسو يتقهوون ويسولفون
عند العيال عقاب/ ودي اسمر وبيجي ثنيان تجون
بتال/ انا معك
حسين/ حتنا
عقاب/ اجل مشينا يلا
راحو للبر وشبو النار طلع عقاب عزبته وجاب ثنيان العود اول ماشاف عقاب العود ظحك من جت باله كيان لفو كلهم/ شفيك!
عقاب توتر/ هاه ولا شي اظحك تبوني اصيح!
بتال بخبث/ الله يديم الضحك يا عقاب
عقاب/ امين امين
ثنيان وش تبون
عقاب/ على ذوقك
ثنيان بدا يعزف واعتلى صوته وهو يغني/ انا لو لا الغلا والمحبه والعيون السود
ماجيتك من قصاي وقلت لك عاشق يامغتره
وانا احبك ومن قلبي احب وماني بمحدود
ولو اني ماحبك كان تعالت اصواتهم سوا ليه ازعل وتشره
تمايلتي زعل ولا تثنيتي ياغصن العود !!
وقف عزف وبدو تصفيق وضحك
عقاب/ تدرون وش ودي
ثنيان/ صبر ياحلو باخذ لك صوره شكلك اسطورييي
ظحك عقاب
وشكله صدق كان يفتن عوارضه وعيونه الحاده السود وجلسته ولثمة الشماغ الي حتى بس مبينه عيونه ونص وجهه كان وسيم صدق
صوره/ كييف!!
عقاب/ امسحها ياسخيف
ثنيان/ ياشينك
حسين/ معليك منه ولا وش ودك انت!
عقاب/ جلسة سامري ودي ارقص
ظحك بتال/ صادق ابو جوك
ثنيان/ والله يبيلها صدق
عقاب/ ذا الي يفهمني مب انت
الكل/ ههههههههههههههههههههههههههههههههههههههههههههه
كملو جلستهم بحب وطرب
عند البنات قامت كيان وطلعت من غرفتها وفزت الجود / كيان صبر!!
وقفت كيان / صقر روح قول للعيال لأحد يجي كيان فيه
صقر/ وييينك انتي رايحين من ١٢ ولا رجعو للحين
شهقت كيان / كم الساعه!!
الترف / بسم الله عليك ٣ ليه
نزلت بسرعه / يوووههه نسيت دواء ابوي تلقينه معصب الحين ياويلتس ياكيان ياويلتس
نوره عضت شفتها بضيق/ تعالي يامي اقعدي ريحي
صرخت/ وش ارتاااح دواء ابوي ماتفهمون!!!
منيره راحت لها/ خلاص انا بعطيه تعالي
راحت لها/ هو وينه الحين بروح له
منيره/ ابوك عند الي الي ارحم مني ومنك ياكيان
كيان بغصه/ يعني هو صدز مهب حلم يووه ياسلطان ارتحت مني اجل ومن خبالي ارتحت من الناس وكلامهم ايييه الله يعين بس
منيره حضنتها/ صيحي طلعي الي بقلبك كله
كيان/ لاخلاص طلعته من يوم لبسته الابيض
نوره تحاول تغير الموضوع/ الا ماعرفناك علينا
كيان بحماس/ ايييه صح !! اظن تعرفوني مايحتاج
كلهم ضحكو/ اي اكيييد!!
منيره / انا منيره جدتهم وكبيرة العايله عيالي سلطان ابوك ومطلق و زوجي قايد ولي عيال واجد تعرفينهم بعدين كثار مره ذي نوره زوجة مطلق ذي مايحتاج صديقتي ومرت ولدي
وذي الترف خبلا بس تراها مزيونه
الكل/ ههههههههههههههههههههههههههههههههههههههههههههه
وذي وظحى والجود
كيان/ بس!
نوره/ لا في عقاب اكبر واحد ولد حاكم الله يرحمه وبتال الاوسط وحسين الصغير وفي ولدي صقر الي تو شفتيه تراه ملسون عليك فيه مسموح لك
ضحكت كيان/ جوي الملاسن ترا اشويه
الكل/ ههههههههههههههههههههههههههههههههههههههههههههه
دخل قايد/ الله يديم الضحك يارب
ركضت كيان تحضنه/ ابووييي
قايد/ امري
كيان/ لو ابي ارجع الديره كم يوم عادي
قايد/ عاديين وين تبين انتي بس
ابتسمت وحضنته بحب
منيره/ تعالي نسوي العشاء اجل
كيان/ عشاء ثلاث
منيره / يوووه اقصد فطور
كيان ضحكت/ معليه معليه
نوره/ خالتي شكلك كبرتي
كيان/ الا خالتي عاد مااسمحلتس!!
الترف/ ياحلو كلامك بس
جهزو الفطور وراحو للحديقه
ومنيره ونوره رقدو
الترف/ كيان بقولك شي بس لاتزعلين
كيان وهي تصب لها شاهي/ قولي
الترف/ برقعك لو تغيرينه وتلبسين نقاب نفسنا ازين لك يعني
كيان ضحكت/ عادي مايهم بكره نروح السوق واشتري جديد وبعد ابي لي فساتين جديده حقاتي كلهم خلاقين وابيكم تساعدوني!
صفقت الجود بحماس/ تمممم والله توقعتك بتعصبين
كيان/ ماقلتو شي غلط شدعوه حسبت خوات حنا مابينا
وضحى حضنتها / يازينتس
كلهم ضحكو كيان/ امداتس
وضحى/ حبيتك يختيي
جو العيال وفزت الجود/ صبر صبر البنات هنا
عقاب / بغمض
بتال/ حتنا منب فاضي اروح مع الجهه الثانيه
حسين حط الشماغ على عيونه هو والعيال من شافتهم كيان ماتت ضحك/ اشكالهم تضحك مهبل وراهم تسذا
الترف/ هم تسذا علشان مايشوفونا
الجودضحكت / معليك لايغرك اشكالهم تراني مسيطره
وضحى/ امحق
الترف/ بنات جاني نوم يلا مابقى شي ويقوم عمي ويصطرنا
كلهم قامو يرقدون
وقت العصر قامت الجود وراحت تصحي البنات علشان يروحون السوق يشترون ل كيان ولهم
الجود / كيان
كيان / همم
الجود / قومي يلا
كيان/ طيب قمت
قامت تغسل وتغير لبسها
دخلت الجود غرفة عقاب ولاه صاحي/ اوه الحلو صاحي
عقاب/ وش تبين بس!
الجود/ نبي السوق
عقاب/ انتي ومن
الجود/ انا والبنات كيان معنا ترا والترف بس
عقاب / زين يلا اجل الحين تأخير لو دقيقه بمشي
راحت ركض لبسو بسرعه ونزلو
ولا عقاب يدخن قربت كيان وعقد حاجبه كيان/ وع
عقاب / وش الي وع!
كيان/ السم الي بيدك ماتخاف ربك انت في نفسك يكتم ذا الي تموت!!
عقاب/ انا الي بموت ولا انتي شعليك
كيان تفشلت وركبت الترف/ وش لقفك انتي هاه
كيان/ يخيتي كتمني!
عقاب / وش تبون قهوه الكل قال طلبه وناضر ب المرايه ل جهة كيان / وام برقع شتبي!
كيان/ هاه
الترف / قهوه وش تبين
كيان/ ابي كولد برو
وضحى/ اخسس تعرف وانا احسبك ماتعرفين مجهزه ضحكتي!!
كيان بغرور/ ماعاش من يضحك علي وانا بنت سلطان اعرف الجن انا !
الكل / ههههههههههههههههههههههههههههههههههههههههههههه
الجود/ انشهد !
جا طلبهم ونزلو يشترون عقاب نزل معهم خايف عليهم
مر واحد ورمى رقمه على كيان / ياحلو انا فديت المفهيي!!
جاه عقاب وخنقه/ ورع رح لأهلك لا اتوطاك هنا رححح يارخمه!
الرجال/ اسفين والله معليش ابشر ابشر
راح وهو ياالله يقوى يتنفس
الجود/ كيان وانتي امشي زي الناس معنا بس مفهيه
كيان بعصبيه/ وش متوقعه يعني اول مره اطلع وابوي متوفي تبين اصحصح وارقص لتس؟!!
الجمها الرد وحست انها جت على الوتر الحساس
الترف بتوتر/ بنات في فستان عجبني بيناسب كيان تعالو نشوفه
دخلو يختارون وخذو كم فستان
كيان بتأفف/ ابي البيت
الجود/ اسفه والله
كيان/ مهب منتس بس خلاص طفشت ابي امي منيره
عقاب/ خلصو كلشي بعدين ! نرجع
هنا انهارت كيان/ قلت ابي امي منيره ماتفهممم!!
عقاب رفع حاجبه/ زين خلاص تعالي نوديك امشي يلا
مشت وهي تبكي طول الوقت نزلت بسرعه وراحت تدور منيره الجود/ اقعدي الحين اناديها
جلست وهي ضامه الوساده وتبكي جت منيره/ وينها! كيان ابوي شفيك تعالي ياامي تعالي
خذتها بحضنها / شفيك
كيان/ ابي نوره وسلوى ابي الديره ابيها
منيره/ هدي تعالي نامي لك شوي
كيان/ ابي الديره والله ماتغفى عيوني والله
منيره/ انا لله وانا اليه راجعون خلاص بنادي احد يوديك لحضه
راحت / قايد
قايد وهو يسبح/ سمي
قعدت جمبه/ كيان تبكي تبي الديره
قايد/ وش لها ب الديره وكل الخير عندها!!
منيره/ عشاني اسبوع بس والله قطعت قلبي
قايد استغفر/ قولي لها تجهز الله يعيني
راحت وقالت لها جهزت اغراضها بسرعه ونزلت
كيان / سانتي
سانتي/ نعم ماما
كيان/ وين البنات
سانتي/ موجود بس مشغوله
كيان / زين زين
ركبت السياره وصلت الديره / مع السلامه
قايد/ انتبهي لنفسك اسبوع وباخذك
كيان/ ابشر لاتوصي
راح وركضت لبيتهم ولا في عدي صرخت/ عديييي
عدي/ روحه وقلبه شلونتس!!
كيان/ بخير بخير درت نوره
عدي/ لا ماتدري بفاجأها
عدي يصير زوج نوره بس سافر من شهر
كيان بكت/ دريت عن ابوي
تنهد بضيق/ الله يرحمه هذا الي بقدر اقوله الله لايسامحه على الي سواه فيني
شهقت كيان / لا لا يا عدي لاتدعي هو عطاك عمره حرام
طبعاً سلطان كان يضرب عدي من وهو صغير ويكرهه وكان يطرده من البيت ويطقه ويطق امه معه وحرمه من الدراسه وكل شي ويوم قرر يتزوج طرده من البيت ولاعاد رجع من عقبها ابد تزوج وطلع من الديره عشان شغله ورجع على خبر وفاة ابوه ضاق بس بنفس الوقت ارتاح
عدي/ خلي عمني يقولون انتس طقاقه هو صحيح!!
كيان/ لا والله بس كم مره طقيت ولاعاد رجعت للطق ومسكت معهم طقاقه وطقاقه
عدي مسح على راسها/ بعدي والله بأختي زين تبين شي
كيان/ على وين
عدي/ نوره من لي غيرها
ظحكت / روح روح
عند العيال
عقاب جاه اتصال/ سم طال عمرك
الفهد/ تعال في مهمه عندك
عقاب/ سم جايك
بتال فز/ على وين!
عقاب/ عندي مهمه اخلصها وارجع
بتال/ بحفضه انتبه لعمرك
طلع بعد مالبس بدلته وراح
حسين وهو يقطع الذبيحه/ ياثور انت وياه ساعدوني!
سعود / قرف مستحيل
قايد/ نعنبوك يالخكري قطع مع الرجال قطع الله وجهك يالمخنز
سعود بخوف/ ابشر ابشر بس امزح
بتال/ ههههههههههههههههههههههههههههههههههههههههههههه
هبلك ابوي والله بعدي فيه يستاهل
قايد/ تعال انت معه بعد
بتال/ ابشر
رفع ثوبه وانحاش
قايد عصب/ بتااااللل الله يرجكم من بيقطع هالحين لو عقاب فيه بلحاله خلص خمس مره وحده
حسين/ ايه وينه عقاب ماجا
قايد/ قطع وانت ساكت بس
عند البنات
جميله/ الا وين كيان بنت عمي سلطان
الجود/ راحت اسبوع وبتجي تظبط امورها ونفسيتها تقول
الترف/ اي والله ازين لها مسيكينه
جميله/ احسها حبوبه مدري ليه!
منيره/ اي والله انها تهبل وسنعه هبت ريح مع انها بس يومين جلست الا واضح انها شقرديه
نوره/ صادقه ماشاءالله ومزيووونه قسم انها موتن حمر
وضحى/ اي بالله في هذي صدقتي تبارك الرحمن
شريفه/ بنات تعالو العيال راحو
قامو يتمشون وفرشو برا جلستهم
قايد/ يازين الجو ومقابل هالوجه الحسن
منيره استحت/ تسلم ياعيني
الكل/ اووووهههه
قايد/ اقول صبي انتي وياها
جميله/ ابشررر
وضحى/ يمه وين عقاب ماشفته اليوم
هيام من جا طاري عقاب وهي تحس قلبها فراشات سهت وهي تصب وعبت الفنجان كله صرخت من حرقها القهوه فز قايد/ بسم الله عليك شفييك!!!
نوره/ جيبو عسل بسرعه
راحت الجود ركض تجيب عسل
منيره / شجاك
هيام وهي تصيح/ لهيت وانكب علي
جابو العسل وحطته على يدها وهي تبكي
عند عدي في الديره
طق الباب نوره/ مييين!
عدي مارد
فتحت/ نعم
دف الباب وصرخت بخوف سكر فمها وشهقت/ عدييي
ظحك وحضنها وهي تبكي/ اشتقتلك يالقاطع
عدي/ اكثر قسم اخ يانوره
شالها ودار فيها وهو يظحك نوره/ نزلني يالخبل
ظحك ونزلها حط يده على كتفها ومشى فيها لصاله/ ابي عشاء من يدينك جااايع
نوره/ تبشرر
عند كيان طلعت من غرفة ابوها وهي تصيح خذت الجوال ودقت على صيته / هلا
كيان/ في هوشه!
صيته/ هلابتس تعالي بيتي توني بتجهز للجلد تعالي بخفخ سوير واخوها الخايس حزام
كيان ضحكت/ يلا جايتس سلام
سكرت ولبست عباتها وطلعت لبيت صيته / مشينا
صيته/ توكلنا على الله
كيان طقت الباب بكل قوتها/ افتحييي ياملعونة الخير
سوير/ خير خييير ان شاءالله نعم
صيته/ وجع نعامة ترفستس انتي واخوتس يالخايسه تعالييي
ساره من بعد حكي سلطان معها جحدت صداقتها مع كيان
سحبتها مع شعرها وبقستها وكيان ترجفها مع وجها وبطنها طلع حزام/ وخرو عنها الله ياخذكم وخرووو
حاول يبعدها ومسكت كيان يده ولفتها لين انكسرت وصرخ بألم / يدييييي
وصيته غبرتها طلعت من قوة التكفيخ في سوير جا خلف بيفزع
مسكت كيان خلف وبقسته مع بطنه واستفرغ تقرفت وصرخو هي وصيته من تعبت عبيهم استفراغ كيان ركضت خذت حصى وفقشت راس حزام من شافته بيقوم وطاح من نزف راسه وشهقت صيته/ ذبحتي الرجال يالخبلا
كيان/ ازين خليه وانا بنت ابوي ماخاف الا من ربي امشي نتروش الله يطمله
صيته وهي تظحك/ اعشقتس تفهميني قسم
رجعت للبيت وهي مستانسهه تروشت وطلعت من الحمام ولا سلوى في وجها/ بسم الله الرحمن شجابتس
سلوى/ معلومه الشرطه يدورونتس وش مسويه!!
مسكت كيان راسها/ مااااتتت!!؟؟
سلوى عضت عباتها/ يعني انتي الي ذابحته صدز ياويلتس ياسلوى ويلاااه انتي مهبوله والله يذبحونتس اهله والله
فزو برعب من سمعو صوت الدوريه شهقت كيان / يدورونيييي
سلوى/ توزي فوق السطح بسرعههه
كيان/ وانا بنت ابوي تحسبين بخاف والله يهبون والله هو الي بدا الملعون
سلوى / مو وقت هياط ياكيان امشييي
كيان لبست عباتها بسرعه وتربعت/ هاذي جلستي وابن امه يقولي قومي والله مااقوم والله
طلع عدي بخرشه/ شسالفه!
عقاب في السياره يدخن رفع حاجبه/ انت عدي!؟
عدي/ الله الله من انت من بغيتو
نزل عقاب يسلم/ علومك ياولد العم
عدي/ بخييير بس من انت
عقاب/ ولد عمك حاكم
عدي/ ياهلا والله ومرحبا اقلطو حياكم
عقاب/ ابد وصلت عزيمتك بس بغينا نحقق معك بموضوع اختك لها دخل فيه جاوب بصراحه لان ماحب الف والدوران
عدي بخوف/ امر
عقاب/ متى اخر مره شفتها
عدي / اليوم
عقاب/ يعني هي في البيت !؟
عدي/ ايه وراه
عقاب مسك الميكرفون / حاوطو البيت حالاً
عقاب لف عليه/ انتهى التحقيق اشكرك لصراحتك
عدي مسكه/ هييي شسالفه وش مسويه اختي
عقاب/ قضيه اعتداء وضرب معليش خلني بشغلي لا ارفعها للمحاكم وتشوف الهياط زين
عدي/ سم معليش بس
قاطعه وعلى طول رفسو الباب ودخلو
دخل عقاب ولاها في نص الحوش متربعه وسلوى تسحبها/ يابنت بيدخلون !!!
شهقت من رفسو الباب وبعدت
عقاب/ امشي معنا ! قدامي يلا
كيان وهي متربعه/ تخسي واعلى مافي خيلك اركبه
ظحك عقاب/ قويه ماشاءالله عليك امشي ب الطيب ازين لك
كيان/ معصي ماسويت شي !
عقاب طلع زقارته/ حزام ال جاسر تعرفينه!
توترت/ اء لا لا ماعرفه شفيه
ظحك/ اها ماتعرفينه كلبشوها وان شاءالله تعرفينه ب السجن !
سلوى ركضت/ الا الا تعرفه وضربته اليوم وكفخته هو واخته وصيته والله لاناخذونها تكفون
قامت كيان وصفقت راسها/ اسكتيي يالملقوفه اصص
سلوى بكت / يامهبوله بتنسجنييين !!!
دخل عدي وهو يصرخ / وش مسويه انتي هاه
مدت كيان يدها ببرود وكلبشوها شطفت عقاب وعطته نضره/ انت عقاب وانا كيان بعرفك عن نفسي انا وحده بايعتها يعني ماخاف من شي الا من الله لو ايش مسويه بأنكر ولا عندي في احد
عقاب ظحك/ وانا عقاب اخلي الاطرم يحكي
طلعت وهي مرتعبه من عقاب بس تسوي نفسها قويه
