طلعت عيون سعود وتنحنح طلعو وسكر الباب وراح يرقد وهو مشلوع قلبه
وصلو والكل مجتمع ويرقص دخلو معهم ب الرقص وفلوها
ملاك / كياني
كيان وهي منسدحه على الكنب بتعب/ هاه
ملاك/ عدي شلونه من بعد نوره
كيان/ يوه تكفين ماودي احتسي بذا الموضوع ابد اخ بس
ملاك/ ياعمري عليه زين انا بقوم ارقد لي شوي
كيان/ حتنا تعبانه مدري شجايني
ملاك/ بسم الله عليتس
رقو
حسين لف من جت/ انا ماشي ترا
ملاك/ وين؟
ابتسم/ بروح لنادي اتمرن شوي انا وعقاب تبين شي
ملاك/ لا سلامتك بس متى راجع
انسدحت على السرير
حسين وهو يلبس ساعته/ المغرب عندك تبين شي
ملاك/ ابي ايسكريم فانيلا ونوع لي شتوكلت
حسين/ ابشري
طلع وهو مستانس انها بدت تاخذ وتعطي معه ولا تستحي
طلعو للنادي
كيان متلحفه وتكح طق الباب/ مييين
ملاك/ انا عادي ادخل؟!
كيان جلست/ تعالي مافي احد
دخلت ولا جناحها كبييير وفخم / ماشاءالله يالخايسه وانا معطيني صغيره
كيان ضحكت/ انا حرم عقاب حبيبتي
ملاك/ ماعلينا انتي شفيتس
كيان بضيق/ احس عقاب بدا يتغير علي ماقالي اليوم انه بيطلع ولا جا يسأل عني اذا انا بخير ولا
ملاك/ انتي سألتي عنه طيب
كيان/ لا
ملاك/ دبشه انتي هو تبين يسأل عنتس وانتي مادريتي عنه بعد هو يبي منك
كيان زفرت/ تكفين صكي ع الموضوع برقد
تلحفت وطلعت ملاك بقل حيله
عقاب/ حسينوه
حسين وهو يشيل الحديد/ هاه
عقاب/ ابي اجيب هديه لكيان بفاجأها اليوم بزعلها شوي بعدين براضيها وش اجيب تكفى
بتال ضحك/ عشنااا ونجيب هدايا بعد
حسين / مدري بس احس ورد من ابو ليلى لان اول شي جبته لها ورده من عنده
عقاب ابتسم/ اخخ بس
بتال/ جبلها عقد الماس ولا ودها براند وتختار
عقاب بتفكير/ بسويهم كلهم تستاهل بنت سلطان
حسين/ اخوك طاح ومحد سمى عليه ياولد
عقاب ضحك/ تبي اهد حيلك انت فليتها ترا
حسين/ نمزح ياخوي
بتال/ اقول تمرن انت وياه
قامت ملاك/ خالتي
منيره/ هلا
ملاك/ بيجي احد
منيره وهي تشيل الشاهي/ اي ام راضي بتجيني قومي كيان والبنات
ملاك/ ابشري
قامو كلهم
الجود/ اخ يازين النوم زيناه
كيان/ اي والله حسبي الله عليتس ياملاكوه
ملاك ضحكت/ شدخلني وجع
وضحى/. اص بس
منيره/ قومو تجهزو بيجون حريم وعمتكم كوثر بتجي
الكل شهق
الجود/ تخسييي والله ماتطب البيت
وضحى/ يمه صادقه
منيره/ ولا كلمه انا منب ناقصه زعل وحوسه تراضو وترانا اهل انتهى
كيان/ يمه انا بغيت اموت مستوعبه وش ذا الحتسي!!
منيره زفرت/ بس ياكيان خلصنا
كيان/ لا ماخلصنا خل يجي عقاب بس اتحدى اذا هو راضي
منيره/ الكل راضي مابعد كلمتي كلمه ثانيه عيالي ابيهم حولي انا كبرت وبموت ابي الكل حولي وهم تأدبو خلصنا
ملاك/ بسم الله عليتس
كيان رقت بزعل كلمت عقاب ولا رد رمت الجوال وراحت تتروش
الجود/ وضحوه
وضحى/ هلا
الجود/ امي عقلها راكب راسها على عمي براهيم وكوثروه
وضحى بضيق/ تكفين قضينا ارضي ب الامر الواقع
الجود/ يعمري كيان صدق
ملاك دخلت/ سلام
الكل ابتسم من دخلت/ تعالي
جلست/ بنات من بيجي يعني عشان اشوف وش البس
الجود/ عيال عمي براهيم وعمه نوره والجوهره وعمي راشد و صديقات امي يعني اكشخي
وضحى/ تبين اسوي شعرك ولا ماعندك مشكله مع العاملات
ملاك قامت/ لا عادي
طلعت وراحت لكيان راسها مصدع وقفت وهي تحس نفسها بتدوخ تمسكت ب الباب وطلعت بروبها دخلت ملاك وفزت/ كيان شفييتس
كيان تمسكت بيد ملاك/ مدري مدري راسي يدور
جلستها / بسم الله عليتس كلتي شي؟
كيان/ لاء
ملاك تنهدت/ ولييش
كيان/ مهب وقتك تهوشين اطلعي بألبس
ملاك/ معصي بجيب لتس اكل اول
نزلت ملاك تجيب اكل وفزت من حاوط خصرها حسين/ شعندك ب المطبخ
ملاك/ حسيين بعد!
حسين/ تعبان توني جاي ابيك
ملاك/ تأخرت
حسين/ شسوي بهذلنا عقاب بكيانه
ملاك/ شعنده!
حسين قالها
ملاك ضحكت/ الله ينصر كيان عليه وليش يزعل بنتنا ماش
ضحك حسين/ اي والله ماش !
ملاك لفت عليه من باس كتفها/ بس اعقل بروح اودي لكيان اكل وبلبس لاتقروشني
رفع يده / ابشري يااميرتي
ضحكت وراحت تودي ل كيان اكل
ملاك/ خلصيه كله ولا تبقى نقطه
كيان/ تعالي شرايتس ننادي سلوى
ملاك/ اي تكفين تهقين يوافقون
كيان/ اكيد بكلمها وانتي روحي اجهزي
راحت ملاك كيان/ حي هالصوت شلونتس
سلوى وهي تتمكيج/ ابد فاضيه وجالسه احط لي مكياج اتونس
ضحكت كيان/ عازمتك بيت حمولتي تدلينه حياتس
سلوى ضحكت/ وش الطاري ولا واحشتس
بكت كيان/ سلوى والله اني احبتس اشتقت لنوير الله ياخذها تكفين تعالي نتونس بلا عبط
سلوى/ بسم الله عليتس تبتسين!! ابشري والله لأجي
كيان/ يازينتس بس يلا سلام
لفت سلوى ولا تلمح سعود يركب واهله ماشين ل المدينه ضحكت من شافته محرك تحس اول ماتشوفه بطنها فراشات قامت تدور وقفت تلبس
سعود/ يمه عمي ابراهيم جاي ترا
الجوهره / الله ياخذه جعله السم
العنود/ يمه بسم الله وش هالدعاوي
فجر/ اميين ابرك خليه
سعود/ فجر الا شلون صديقتك
فجر ضحكت/ قصدك سلوى
مد يده وقبصها تأوهت بألم/ بخير بخير الله ياخذك
الجوهره/ من سلوى ذي
العنود / يمه سلمى مو سلوى صديقة فجر
كتم ضحكته سعود
والجوهره سكتت ومستغربه من وضعهم يضحكون ولا تدري وش السالفه
لبست سلوى فستان ابيض ماسك من عند خصرها وطايح من تحت وشعرها مموج وحاطه كحل وروج احمر جهزت وطلعت للمدينه
عند الجازي لابسه فستان اسود ماسك وروج احمر وفاله شعرها تركي وراها يبكي شالته وباست خده/ ليه البكي ياماما هاه
دخل سيف وابتسم/ حي هالوجه وش هالزين
ابتسمت ودارت/ كيف!!
عض شفته وضحك/ قمر اخ الله يعين قلبي يالجازي
حطت تركي وخذت عطرها تتعطر/ شفيه قلبك
حاوط خصرها وحضنها بقوه / ناويه تذبحيني انتي
ظحكت ولفت/ تركي شوف بابا
ضحكو من صرخ تركي /ياعمري على الفزعه وه قلبي
راح سيف يشيله / الله ينصرني عليك انت وامك
هيام/ جوجو
جمان/ همم
هيام/ تهقين القى شخص احبه ويحبني
جمان/ ان شاءالله بس لاتفكرين خلاص تكفين فكينا من المشاكل والبهذله خلاص
هيام/ الله يعين بس
دخلت كوثر/ يلا ابوكم برا ينتضر
طلعو
عند كيان لبست فستان وردي فاتح ماسك من عند الخصر وطايح من تحت فاله شعرها وحاطه قلوس وردي وميكب خفيف فزت من دخل عقاب وهو يكلم الفهد يأجل مهمته بلع ريقه من شافها بكامل زينتها تجاهلها وجلس على الكنب ينبش بأوراقه سحبت كيان الاوراق/ انا هنا
عقاب رفع عينه/ هاتي الاوراق
كيان/ لاء
عقاب وقف وسحب من يدها الاوراق/ ماتوبين من حركات الاطفال انتي !
كيان/ شفيك انت هاه اتصل عليك ماترد ولا كانك تشوفني شعندك وش هالحركات ياعقاب بفهم وش صاير
عقاب تنهد/ سلامتك بس مشغول ماعندي وقت لك
دمعت عينها/ وقتك من له غيري اجل هاه شكراً والله مره شكراً ياعقاب
صفقت ب الباب وطلعت وهي ضايقه
عقاب مسك راسه وتنهد/ لعنه وش سويت ياعقاب
دق على بتال/ الله ياخذك زعلت
بتال ضحك/ وش دخلني انت ثور احد قالك تزودها بعدين قلت تبي تزعلها شفيك ماقويت على زعلها يالخفيف
سكر عقاب وهو ضايق
جا حسين/ شعندك تبوسم!
بتال/ اخوك الخفيف ضاق من زعلها وحط حرته فيني
حسين/ الله يعينهم على بعض بس عليه حركات ذي الضعيفه بلشت فيه
قايد/ ولد امش الرجال جو
دخلو يقلطون الضيوف ونزل معهم عقاب فزو من دخل سعود وراه سيف وعمهم ابراهيم
سلمو وقعدو سيف/ ماوحشتك!
عقاب ضحك/ انت بذات لو تبي روحي عطيتك
سيف/ يابعد الدنيا انت
سعود/ الله على الرومنسيه حقتكم
عقاب/ كل تراب وصب بس
سعود/ سم
امتلى المجلس ب الرجال والضحك والنفس الطيبه
برا فارس وصقر يلعبون ب الكوره صقر/ كيفك فراس
فراس / حمدالله شرايك نروح البقاله مع عمي عقاب
فراس اخو ملاك يقول عمي من باب الاحترام
صقر ضحك/ اما بقاله نروح كوفي نروق ولا نلعب بلاستيشن
فراس/ وش بلاستيشن
ضحك صقر وقام يشرح له
دخلو المجلس يلعبون وجت جميله/ ورع
صقر/ يليل شتبين
جميله/ ناد ابوي قله يجيبون العشاء نحطه في حافضات يلا
قام يقوله وناداه بتال همس بأذنه ينادي الترف ضحك صقر وراح يناديها قابل كيان وهي تلعب بشعرها ضحكت من شافته وصد بحيا/ تعال صقر
راح لها/ نادي الترف بتال يبيها
مدت يدها تسلم / ابي العب بلاستيشن عادي تعلمني
ضحك/ تبشرين تعالي
كيان / صبر انادي الترف واجي
الترف تنتضر بتال ب السيب شهقت من سحبها لحضنه/ خوفتني
ضحك/ بسم الله عليييك
طقت كتفه/ انت وينك
بتال/ ب النادي بعدين رجعت ونمت ب المجلس اسف بس ماعلينا وش ذا الملح
دارت/ كيف بس
ظحك وباس خدها لف من صرخ حسين/ بتااال
راح وهو يلعن فيه/ تبن ياقاتل اللذات
ضحك حسين/ ياخوي امش بس بلشت فيك انت واخوك
دخلت الترف وهي مروقه جلسو يتقهوون وفزو من دخلت سلوى قامو يسلمون عليها وخذتها منيره جمبها/ شلونك
سلوى بحيا/ بخير وانتم وين كياني ماشفتها
منيره تنهدت/ مدري عنها شوي وبتجي
لفت سلوى من حست بنضرات حولها رفعت راسها ولا فجر تناديها للمطبخ
راحت وحضنو بعض/ كيفك
سلوى/ بخيير وانتي وش هالصدف الحلوه
فجر / اي والله
دخل سعود بصحن الرز وفز من شاف سلوى وبلم من شافها بزينتها عرفها من عيونها وصد بسرعه من ضحكت فجر/ خييير اطلع
طلع بسرعه وهو يضحك وتفشلت سلوى/ شافني الله ياخذتس
فجر ميته ضحك/شدخلني!!
العنود/ بنت انتي وياها يلا القهوه
راحو يتقهوون
ملاك/ وين كيان
الجود/ مدري عنها دقي عليها شوفي
الجازي/ كيفكم بنات
وضحى/ اهلا بالزين بخير
الجود/ تكفين عطيني ياه وه
ضحت الجازي وعطتها تركي
هيام وجمان بمكان لحالهم يطالعون طول الوقت متحسفين من فعلتهم مره
دخلت كيان المجلس/ هايي
صقر فز / فراس قم خل كيان تجي جمبي
قام فراس وضحكت/ ترا مااعرف علمني
صقر/ معليك بعلمك
جلس يعلمها لين بدات تلعب سجلت عليه هدف وصرخت بحماس ضحك فراس/ اجلدييه
كيان/ كفك
ظحك صقر من سجل عليها وضربته/ ليييه توني بأفرح اوريييك
كملو لعب ولف صقر/ اسمعي الي يخسر له عقاب
كيان/ ايش هو
صقر/ تلعبين معنا كوره بفستانك والكعب
ضحكت/ بسسس تراني لعيبه ماانصحك
صقر/ نشوف
فراس/ انا الحكم
صقر/ لا انت معي وكلنا عليها مو تقول لعيبه
كملو لعب وخسرت كيان/ مره ثانيه تكفى
صقر/ مافييي يلا
فراس ميت ضحك
كيان/ خير انت وش الي يضحك
صقر/ تعالي ورينا العب نشوف
طلعو الحوش وبدو يلعبون في الملعب شات صقر الكوره وسجل هدف راح يحتفل/ سييييي
كيان/ الله مسوي فيها كرستيانو اوريكم
شاتت الكوره بقوه وتصطحت بيت الناس صرخو الحريم من انكب الشاهي والبيالات شهقت كيان وماتو ضحك عليها ركضو جوا بسرعه وهم ميتين ضحك فزو من انفتح الباب منيره/ كيان هو وش تسوين تعالي الحريم ينتضرونك على القهوه قومي
قامت وهي مخروشه
مسكت يدها مينره/ مابيك تزعلين ياكيان مني
كيان ضحكت/ شدعوه اخسي ازعل عليك
ابتسمت منيره ودخلو يسلمون جات الجازي/ كيفك
كيان ضحكت/ الجازي!!
الجازي/ اسمعي ترا لازم تجين ايت يوم
كيان/ ابشري
لفت من شافت تركي مع كوثر / عطيني اياه
كوثر/ ماتشوفينه معي!
الجازي/ هاتيه
خذته الجازي وبدت تلعبه وهو يظحك كيان/ يازيييينه تكفييين
خذته وبدت تلعبه ومستانسه فيه
عند الرجال قام عقاب من انطق الباب/ خير
الرجال وثوبه مليان شاهي/ خير بوجهك ان شاءالله سلامات امسكو عيالكم ناضر ثوبي كله شاهي
علمه الرجال ب السالفه وعقاب كاتم ضحكته هو وسيف/ ابشر ابشر
راح وفكوها ضحك سيف/ مافيه الا صقر امش نغسله
رفس عقاب باب المجلس/ ورععع
فز صقر هو وفراس برعب/ وش!!
سيف ميت ظحك من وجيهم / وش مسوين هاه
صقر/والله ماسوينا شي نلعب
عقاب/ من لاعب ب الكوره
ضحك فراس/ هاذيك البنت شسمها !!؟
صقر/ ايي طلعت السالفه كذا حرمك يالدلخ لعبت معنا وصطحت الكوره
عقاب ماصدقه/ لاقيني بلفه انت وياه تحطها بحرمي هاه
سيف/ تحطها بحرم عقاب يالنزغه
شال عقاب صقر وكفخه هو وسيف على فراس معه دخل قايد المجلس ولا عقاب فوق صقر وسيف على فراس ميتين ظحك صفق العصا على الباب/ ولددد
فزو برعب وبعدو عنهم/ سم
قايد/ خير ان شاءالله حاطين حيلكم بذا الضعوف هاه
صقر/ اي عمي عليك فيهم بغيت اموت
لطشهم ب العصا لين عضو الارض / بعدين سلامات مغير سعود الي يشيل عشا الرجال وش حيثك انت وياه هاه
سيف بألم/ ابشر
طلعو وهم ميتين ظحك عدل سيف شماغه وراح عقاب للمغاسل يعدل شماغه وثوبه لمح ضل جنبه لف برعب الجود/ شفيك خفت!!
عقاب زفر/ لعنه قسم حسبت وحده من بنات عمي ابراهيم
ضحكت/ مسببين لك عقده ياعمري!!
عقاب/ لعنه شتبين
الجود/ مو انا الي ابي زوجتك
تكى على المغسله/ وش تبي زوجتي
الجود/ تقول مشتهيه فراوله
عقاب/ قوليلها يقول معصي
الجود/ وراااه
عقاب/ ابوي جايب من المزرعه ست كراتين
الجود/ امانه
عقاب/ والله ب الثلاجه الاخيره
راح للرجال وهي قالت لكيان
كيان/ يقول معصي بعد اوريه
الجود/ عليك فيه شايف عمره ذي الايام مدري شجايه
كيان رقت بزعل/ ياربي شسوي فيه ذا هين ياعقاب
طلعت كل ملابسه ورمتها على الارض وشالت عطوره من التسريحه وحطتهم ب الارض وطلعت وهي مستانسه نزلت تحت ولا نص الحريم راحو بقي الترف وامها
الترف/ وين طسيتي
كيان/ مب شغلتس
الجود/ بنات برقى اغير وخن نطلع نغير جو
كيان/ ياليل توني نازله
منيره/ ارقي وش ذا العجز هو !!
كيان قامت/ ابشري
لبست بجامه بيضا وعليها رسمة فراوله صغار ورفعت شعرها مسحت الميكب ونزلت ولا البنات برا قابلها صقر وهو زعلان/ كله منك
كيان / شفيك!
فراس/ طقنا عقاب وسيف عشان الجار طق الباب متضايق من انكب عليه الشاهي وطارت الصينيه بوجهه
ضحكت كيان بصوت عالي ركعت وهي ميته ضحك/ مقدر حسبي الله
صقر/ بفهم وش الي يضحك هاه
كيان تحاول تكتم ضحكتها/ طارت بوجهه الصينيه!!
فراس/ حمدالله والشكر مهبوله انتي
كيان/ صقر تكفى لاتعلمه انه انا
صقر/ قلتله ماصدق بس صار عندي اثبات
طلع جواله وهو يسجل صوتها طلع لسانه وشهقت كيان/ لا تكفى
ركض صقر وراه فراس يعلمون فكت كيان الشال عنها وركضت وراهم بسرعه / تعال ياحمار انت وياه
نوره/ هو شفيهم
الترف/ مهبل ولقو بعض
الجود ضحكت/ تلقينهم يلعبون
وضحى/ مبزره قسم اي اسلمي
بدات الترف تحكي قصتها مع بنات المدرسه وبلاويهم وهم متحمسين/ اقولك تخيلي وصلت فيهم يقصون شعور بعض ويهددون ب السحر الله ياخذهم
شهقو كلهم
نوره/ اي والله عشان كذا نقلت الترف على طول
وضحى/ حسبي الله عليهم
الجود/ يمه غيرو السالفه بديت اخاف وجع يالترف
الكل/ ههههههههههههههههههههههههههههههههههههههههههههه
الترف/ يوووه توك ماشفتي شي
في المجلس العيال رقو يرقدون وعقاب في المجلس متكي ويسمع لخالد عبدالرحمن ومعه الشاهي فز من انفتح الباب بقوه صقر رمى الجوال عليه/ شف المقطع واحكم
عقاب/ سلامات مهبول انت لو الجوال فاقش راسي يالخبل
صقر/ اسفين بس بسرعه !!!
عقاب عقد حاجبه من شاف تسجيل صوتي/ وش ذا
فجأه دخلت كيان وتنقز على عقاب / جبههه
خذته وهي تلهث وراحت بتركض سحبها عقاب/ على وين حبيبتي شعندك
كيان تحاول تبعد يده/ فكني!!
صقر راح بيسحب الجوال من يدها/ وخرررر
سحبت يدها ب القوه منه وركضت بسرعه وراها صقر وفراس جالس يشرح لعقاب عن سالفة التسجيل
صقعت كيان بنوره وطاحت فوقها/ بسم الله الرحمن الرحيم كيااان !!!
كيان قامت/ اسفه اسفه تعورتي
نوره ماتت ضحك/ شجايك اليوم النشاط فل الفل اهجدي ابوي نايم
كيان فزت من شافت صقر قريب لمها وركضت جوا توزت في مكتب قايد وصقر يصوت/ اطلعي والله لأوريك ياكيان والله
كيان تحاول تكتم نفسها من دخل المكتب يدورها
عقاب/ مبزره انتم وش هالحركات
فراس وهو شوي ويبكي/ والله مالي دخل هي سوت والله
عقاب رحمه/ خلاص مصدقك بروح لها اهاوشها معليك
فراس/ طيب
طلع عقاب/ يااااولدد
نوره/ تعال مافي احد خواتك رقو يرقدون والترف معهم
عقاب بحده / وين كيان
نوره ضحكت/ توها خابزتني مغير تراكض وطاحت فوقي هي وصقر من اليوم مراكض تلاقيهم جوا
عقاب/ زين زييين
دخل ولا كيان تحاول تبعد صقر / والله لأجيبلك بلاستيشن فايف والله بس بعد عني
صقر/ انقلعي مابي جيبي جوالي
سحب عقاب من يدها الجوال بسرعه/ سلامات انت وياها !!
كيان وقفت بخوف/ وشو نلعب صح صقر؟
صقر/ كذاابه!!
عقاب/ بسس افتح جوالك اشوف
راح صقر يفتح الجوال وكيان واقفه بخوف تناضر فراس
انفتح التسجيل وسمع عقاب ضحكها على الرجال الين وقت ماخافت من عقاب وركض صقر / يعني كيان السبب؟
كيان/ ايه انا وش عندك
عقاب ناضرها وبعدت عينها بخوف/ عيدي وش قلتي
كيان سكتت عقاب/ صقر طس انت وياه غرفكم يلا
رقو الغرفه ولف صقر بخوف/ ب الغلط شاتتها والله تكفى عشاني لاتهاوشها ياعقاب
عقاب صرخ/ غرفتك انت وياه
فزو برعب رقو بسرعه وهم خايفين على كيان
لف عقاب عليها/ جيبي شناطك وانزلي لي تحت انتضرك
كيان بخوف/ ليه؟
عقاب/ سمعتي وش قلت ولا اعيد !
كيان/ انت صاحي وش فيك علي هاه
عقاب جلس/ انتضرك لاتتأخرين
كيان/ وش اسوي بشناطي!
عقاب/ تطسين معي لبيتكم
كيان من تجمعت دموعها بمحاجرها/ كيف يعني وش قاعد تقول انت ؟!!
رفع عقاب حاجبه/ بدينا ب الدراما ولا كلمه ويلا
كيان بعدت شعرها عن وجها/ اي اصلا ازين تفتك مني ومن وجهي الي يجيب العثه ومن قصري الي قد النمله ومن كلامي الخايس والسين حقتي ومن طبخي الخايس وش تبي فيني اصلاً حتا بعيوبي كثيره عليك ياعقاب بس هين اوريك !!
رقت وهي تضرب برجلها الارض
ضحك عقاب / اخخخ قصدك عيوبك الي اموت عليها وتجيب راسي ياكيان
عند بتال/ ترف
الترف وهي نصها نوم/ اي كمل اسمعك
ضحك/ ايه واضح نومي بس
سحبها لحضنه ونامو
حسين / ملاكي
ملاك وهي ترتب شناطها / عيونها
حسين / متأكده تبين ابها مو لندن
ملاك ضحكت/ اي مكان معك بس
حسين / اخخ بس
ضحكت/ بس خلاص مقدر اخيراً خلصت شناطي
حسين/ من قال بتنامين
عقدت حاجبها/ هاه
حسين/ تعالي حضني نامي
ضحكت وراحت لحضنه وهو جالس يلعب بشعرها لين نامو
عند كيان
رمت نفسها على السرير وجلست تبكي طلعت الي بقلبها وقامت تشيل اغراضها وترمي اي شي بوجها لعقاب لبست عباتها ونزلت/ يلا ياسواقي ودني بيتي
ضحك عقاب/ روحي لسواقك شجايبك عندي
زفرت/ عقااااب بس عاد
عقاب رفع حاجبه/ جربي ترفعين صوتك مره ثانيه!!
كيان بضيق/ ودني ياعقاب
قام/ اي ادب
طلعو شغل السياره وعيونه عليها ركبت ورا/ تعالي قدام
كيان/ مابي
عقاب/ بنتتت!!!
كيان رمت يدها / وش تبي انت ب الضبط هااااه!!!
زفر وفك الحزام فتح باب السياره شالها وهي تحاول تبعده/ وخر عني مابيك وخررر!!! اكرهك اكرهككك
ركبها غصب وقفل الباب ركب وهي تمثل القوه بسكوتها طول الوقت عقدت حاجبها من غير طريق بيتها/ وين بتوديني انت!؟
عقاب/ اي مكان يوسع حبي لك ياكيان
عقدت حاجبها بعدم فهم/ خلصني وين !!!
عقاب/ لاتخليني اندم على قراري بتمشى شوي الين اوصل لقرار افضل لنا احنا الاثنين بعدين اوديك بيتكم
كيان سدحت المرتبه/ لاخلصت علمني اصغرط على كل الاجوبه اما لاء او ايه تراها ماتفرق معي لاتخاف على مشاعري لان من ذي الدقيقه تراني كارهتك ارتاح ياليل
عقاب تنهد وكمل الطريق
