دخل قايد واشر لمنيره تجي/ سم
قايد/ وين عيالك
منيره/ مدري عنهم عقاب دخل المكتب ولا عاد طلع وبتال وحسين في المزرعه
ظحكو من سمعو بكاء عقاب الصغير قايد/ يبيني!
منيره/ اقول توكل ركضت تاخذه قبل قايد جلست تلعبه وقايد يضحك
جميله/ تركي
تركي وهو شايل فرح/ عيوني
جميله/ جوعانه
تركي ظحك/ يخسى الجوع
جاب لها قرصان من عند امه/ كلي لين تشبعين
ضحكت وجلست تاكل وهو يتأملها
سلوى رمت حصى على سعود/ ولد
سعود صحى من النوم/ وجع
سلوى/ شبلاك في احد يرقد الحين تونا المغرب
سعود/ وش تبين
سلوى/ رح اخمد بس مابيك خلاص
سعود ظحك/ والله تقولين
سلوى/ بعزف لك تبي
ظحك/ اجل ماابي
خذ كرسي وجلس يتأملها وهي تعزف له دخل معها وقام يغني( من بعد مزح ولعب اهو صار حبك صحيح دخل معها صوت سعود اصبحت مغرم عيون وامسيت وقلبي طريح ظحكت/ والله تعرف
سعود/ شرايك
سلوى/ مزيون بسم الله عليك
سعود بغرور/ تسلمين
صكت الدريشه من سمعت صوت صيته تناديها تنزل/ خير
صيته/ بوجهتس ملاكوه جابت ولد
شهقت/ احلفي ماشاءالله ادري ياخبله
صيته/ وليه مانروح
سلوى/ بنروح بس طسي
صيته / وليييه جايبه فصفص وشاهي عشان نقرق اخر شي تطرديني
سلوى/ ياليل مطولك ادخلي
دخلت وهي تضحك/ والله عندتس بلا انا داريه
طيرت نعالها وجلست/ اسلمي
سلوى/ انتي الي اسلمي
دخل قايد على عقاب يقومه/ وراك نايم فيذا لايكون تعبان عقاب وهو يمسح على وجهه/ لا بس خذت غفوه ب الغلط
قايد/ رح نم بغرفتك ارتاح
طلع عقاب لف من لمح كيان معها الفوطه وترقص وتغني هي وضحى/ ناس تخون وناس تبيعني اه لو لعبت يازهر وتبدلت الاحوال ايواااههه
ضحكت كيان من قامت تتمايل وتهز خصرها وتلعب بشعرها ضحكت وضحى/ عقاب تعال ارقص
وقفت رقص كيان بخجل / اقول نضفي بس من اليوم ترقصين
وضحى شهقت/ ايا الكذابه
سدت كيان فمها / اي لا صح صادقه انا الي ارقص
عقاب رقى ببرود تام كانه مايشوفهم كيان/شفيه غريبه ماجا يسولف ولا يضحك
وضحى/ علمي علمك
دق جوالها / هلا وينك
سهم/ راجع بكره وباخذك معي
وضحى/ تمام انتبه لنفسك
سهم / طلبتك
ضحكت / آمر
سهم/ ابي بان كيك
وضحى/ ابشررر
سكرت وقامت تهز كتفها/ بيجي سهميييي
كيان/ حمدالله والشكر مفروض تبتسين منتب شايفه وجهي
الجود/ اي والله
كيان/ بسم الله وش قومتس انتي
الجود/ ياكلمه ردي مكانك توني امدحك يالخايسه
كيان/ نروح نسرق عقاب الصغير
الجود/ قدام
وضحى/ بس يامهبل خير
الجود/ مب شغلك
دخلو وهم يسحبون رجولهم بشويش جو ياخذونه وفزت ملاك برعب/ مننن!!
فزو بقوه وصقع رجل كيان ب الطاوله وصرخت قام عقاب يبكي فتحت النور ملاك / خير انتي وياها حسبي الله عليكم توني منومته
كيان بألم/ اههخ رجلي
رمت ملاك المنديل عليها/ طسو الله ياخذ عدوكم
طلعو وهم ميتين ظحك وعقاب عيا يسكت وملاك بلشت فيه
عقاب طلع البلكونه وطلع زقارته من بعد كيان ماكان يدخن كثير بس صار الحين ماهمه من عرف بحبها الاولي حس انه ماله قيمه عندها وتوجع كثيير
دخلت وهي تضحك/ الحلو صاحي
عقاب كان يهوجس مو لمها حضنته من ورا وفز/ وش تفكر فيه
عقاب بعد يدها/ بنام
طفى زقارته وانسدح كيان/ فيك شي ؟
عقاب/ طفي النور
كيان/ اكلمك
عقاب/ مابي اتكلم خلصنا
راحت تطفي النور وعجزت تنام تفكر بعقاب الي تغيرت معاملته كثير وبيوم وليله
الكل صحى جت كوثر وبناتها للغداء خلصت كيان من الشاور صحى عقاب خذ جواله شاف كم الساعه بدل وطلع على طول حتى ماسمح لها تقوله صباح الخير خذت اول فستان كان ابيض مشجر بأزرق ظيق وقصير فلت شعرها ونزلت تسلم
منيره/ شلونكم
كوثر/ بخييير تونا راجعين من جميله
الجازي/ بنتها بسم الله عليها قمر
كوثر/ تبارك الرحمن عقبال كيان
هيام/ صبي
صبت لها وخذتهم السوالف والضحك نوره/ الترف وينها
منيره/ مع بتال في المزرعه يقولون تغيير
الجازي / الله يوسع صدورهم ب العافيه
الكل/ اميين
قايد مسك عقاب من بغى يطيح/ بسم الله عليك تعال امش
مشى معه عقاب وهو ضايقه فيه الوسيعه مره انسدح على الكنب وتنهد بضيق قايد/ مانمت زين شكلك
عقاب/لا نايم بس ماكلت شي
قايد/ يخسى الجوع تعال كل من هالفاكهه
عقاب/ عطني
رمى عليه تفاح كلها وهو راسه ماليته الهواجيس قايد / ادري مهب وقتي بس ماودك بعيال
عقاب سكت
قايد/ ادري بك تحب الصغار وقلبك يتقطع عليهم حرام تظلم نفسك دام كيان ماتقدر
عقاب/ شعرفك انها ماتقدر
قايد/ طول ذي السنه ماجابت وش الواضح يعني !؟
عقاب زفر/ اتزوج ثانيه يعني!
قايد طلعت عيونه/ مدري عنك ودك انت
عقاب/ مدري بشوف بشوف شور امي
قايد/ الي يريحك بس ياويلك تطلق كيان تسمع
عقاب/ سم
جت منيره ب القهوه/ سلام
الكل/ وعليكم السلام
قايد/ جابك الله
منيره جلست/ وشو شعندكم
قايد/ عقاب يبي الثانيه
منيره/ ايييششش؟؟!!!
عقاب/ ايه ودي بعيال يمه
منيره بضيق/ بس كيان ياعقاب
عقاب/ شسوي يعني
منيره/ انت متأكد طيب
عقاب/ مليون ب الميه يمه
منيره/ الله يعين مدري وش اقول الصدق
عقاب/ زوجيني اي وحده اهم شي عيال ولا مابي شي ثاني والود ودي هيام يمه
قال هيام لانه يبي يقهر كيان مثل ماقهرته
منيره شهقت/هيام ماغيرها
عقاب/ اي يمه ابيها
منيره تنهدت/ ياويل قلبي ويلاه ياعقاب فكر مره ثانيه ياولدي
عقاب طلع / قلت كلمتي وخلصنا
قايد/ من بكره تخطبينها له خليه عشان بعدها يتحسف ويدري انه الزواج مب لعبه
منيره/ انت صاحي ..
قاطعها/ منيره !!
منيره/ سم
طلعت وهي ضايقه
كيان تركض وراها الجود ب القطوه شافت عقاب وتخبت وراه/ عقاب شفهاااا
عقاب بحده/ بس انتي وياها الجووود
فزت الجود بخوف ورمت القطوه/ شفيك نستهبل
بعد يد كيان ودخل جوا كيان/ يمه شفيه عقاب
منيره/ توه راجع اكيد نفسيته بتشين خلوه
كيان/ ياعمري عنه
دخلو يسولفون
وراحت كوثر هي والبنات وقفها قايد/ سلام
كوثر/ هلا والله
قايد/ بكره العصر عندكم ولا اليوم المغرب
كوثر/ الله يحيكم ابرك الساعات والله
وضحى تجهز شنطتها بتمشي سلمو عليها وراحت رجعو العيال الترف/هاااي
الجود/ شجابك
الترف/ انقلعي
الكل/ ههههههههههههههههههههههههههههههههههههههههههههه
كيان/وه الصغيرين اموت انا
خذوها وجلسو يلعبونها
نزل عقاب المجلس سلم وجلس بتال/ علومك شفيك طافي
عقاب/ سلامتك بس اليوم بخطب
حسين شرق ب القهوه/ وش!!!
عقاب/ الي سمعتوه
بتال/ ليه وش قصرت فيه حرمك
عقاب/ ابي عيال
حسين/ لاحول ولاقوة الا ب الله طيب ومنهي
عقاب زفر/ هيام
بتال مسح شنبه/ اتمنى انك تمزح
عقاب/ لاصادق وبتجون معي
بتال/ معليش والله مااروح تبي انت رح
حسين/ وانا معه
عقاب/ بكيفكم انا ماشي
طلع ولا قايد ينتضره/ جاهز
عقاب/ توكلنا على الله
كيان/ برقى اخذ غفوه صحوني
الجود/ ابشري
نزل وتمت الخطبه وهيام طايره من الفرحه جمان بضيق/ ترا بس عشان كيان ماتجيب بعدها بيرميك زي الكلبه
هيام بفرح/ قولي الي تقولينه خذته وطرررقققق
كوثر/ مبروووك
هيام حضنتها/ اخيييراً يمه
نزل عقاب بضيق الدنيا كلها
فزت كيان بحلم مزعج شربت مويه فتحت الدريشه تطالع الي يمرون فزت من انفتح الباب/ اهلاً اهلاً وش ذا الكشخه من له
عقاب نزل شماغه/ خطبت
كيان ضحكت/ مبروك من سعيدة الحض
عقاب زفر/ هيام
كيان/ تمزح صح
عقاب / لا صادق
كيان طيحت المويه الي بيدها/ عقاب ذي الامور ماينمزح فيها شفييك!!
عقاب تنهد/ ابي عيال ياكيان وانا تعبت
كيان/ طيب اصبر اصبر وانا وش اسوي طيب وين اروح فكر فيني
عقاب/ ليش افكر فيك ارجعي الديره ولا اقعدي ب البيت معززه مكرمه عند اهلك ترا بكل الحالتين
كيان رمت المخده عليه/ غبي ياعقاب غبي انت اخترت الشخص الغلط الشخص الي بيندمك والله لأخليك تبكي دم على فراقي والله
عقاب صرخ/ من نواف ياكيان منننن!!؟
كيان فزت/ وش نوافه من
عقاب تكتف / جاوبي شفيك
كيان مسحت دمعتها/ انا مااعرف من لاعب براسك ياعقاب تكلم زي الناس ياابني
عقاب طلع جواله/ اقري
قرت ودموعها تنزل / كذابه والله كذابه عمري ماحبيت والله غيرك ياعقاب تصدق الغريب على حبيبتك ليه ياعقاب ليه حرام عليك والله حرام هالشي مو بقدرتي اني احمل عمري مافكرت بجيبك عمري اهلي الي ماشفتهم من سنين داريتهم واعتنيت فيهم كانهم روحي وتقول فلوس لايلعب بك بليس ياعقاب
عقاب بضيق/ من الميت المشتاقتله هاه
كيان تجمعت الدموع بمحاجرها/ تصدق انت غبي وماتفهم شي عمرك لو ببرر مابتصدقني بس روح انت بطريق وانا بطريق عمرك لاتطري اسمي على لسانك ياويلك من ربك ياظالم
عقاب/ جاوبيييي!!
كيان شهقت/ لاتصارخ الله ياخذك لاتصارخ ابوي ابوووييي الي مات وانا مالي احد غيره ابوي
