في الديره عند سلوى
تتمشى وبيدها ببسي وتغني ( بيني وبينك فارق السن موجود هذا الي مالي عليه استطاعه.. ياليت عمري كثر عمرك بلا زود الاصل واحد وكلنا من جماعه شهقت من نغزت جملها صيته/ يمههه بنت خبصتيني
صيته ضحكت/ الله يالصوت المهبول علومك
سلوى/ بخير وانتي ابد ادور لي عود خاطري اصير زي كيان افرغ طاقتي تفريييغ
صيته/ اعلمتس تراي اعرف!
سلوى/ صادزه!
صيته/ انا مدربه كيان ونوير الله ياخذها
سلوى/ امييين بس تسذوبه كيان مادربتيها
صيته/ امزح معتس بس نوير كيان كنت اعطيها نصايح بس وهي تطبق ماشاءالله ماكاانت تحتاج بس تجي وتطربني وتروح
سلوى/ اف اشتقتلها
صيته / اقول امشي ندور لنا عود
دخلو ساحه مليانه رجال وحريم وكل واحد فاتح دكانه يبيع ب النص شايب يعزف على كرسيه ويغني وقفو يسمعون ويورقون صيته/ الله
سلوى/ تبارك الرحمن
مشو لدكان ابو علي/ سلام
ابو علي/ وعليكم السلام خير
سلوى/ ابي عود
ضحك ابو علي/ وش لتس فيه اقول على المطبخ بس
سلوى/ اقول بتعطيني ولا ظف وجهك ترا ماملا كرشتك الا حرمه ولا كان رجلك والقبر يالي ماتستحي!!!
ابو علي شرق ب الشاهي/ منب معطيك الخلا انتي وياها يلاه!
صيته/ وجع اهيب ياذا الشيبه!
سلوى تهف على نفسها/ يليل بقعد ادور مره ثانيه
صيته/ هونيها نتونس اذا مالقينا نروح مره ثانيه
سلوى/ يالله
سعود / يبه
قايد/ سم
سعود قام يبوس راسه/ انا ماشي
قايد رفع حاجبه/ ويين؟!
سعود/ الديره امي الجوهره رجعت تقول ماجازت لها المدينه شريت لها بيت وعلى الفاضي قلت ان تزوجت خذته لي ولمرتي
قايد/ الله يعينك ياولدي ابد الله يوفقك بس متى راجع
سعود/ والله مدري على حسب دوامي انا خذت اجازه اسبوع وربك يحلها
عقاب قام يسلم عليه/ انتبه لعمرك ولاتقطعنا
سعود ابتسم/ والله ياانك بتوحشني
ضحك عقاب/ ان شاءالله ترجع مع مرتك
سعود ضحك/ امييين
الكل/ ههههههههههههههههههههههههههههههههههههههههههههه
سلمو عليه ودعوه وطلع للديره
كان بيتهم ب الديره كبييير وسيع وكشخه مره كان واضح انه بيت ال سياف لبق سعود جيبه ونزل فزت الجوهره من سمعت صوت مفاتيحه/ هلا هلا بنضر عيني
ضحك سعود/ هلا فيك علومك عساك مرتاحه
الجوهره/ بخييير وانت شلونك
سعود/ حمدالله
صبت له قهوه/ ابوك من توفى مافتحنا دكانه اقول وش رايك تفتحه
تنهد/ يمه تكفين الدكان مره وحده والله مالي خلق
الجوهره/ ولد استح دكان ابوك وش عندك
سعود/ زين زين وين بناتي
ضحكت/ الحين بناديهم
سعود/ برقالهم
فجر اصغر وحده عمرها ٢١
العنودعمرها٢٤ متزوجه ولد عمها تركي يحبها ويموت فيها وعندها ولد اسمه راكان بس مسافر مع ابوها اسبانيا عشان يتعلم كيف يتكلم اسباني وياخذ خبرات عمره ١٠سنوات
فجر وهي تبرد اضافرها/ متى بيجي رجلك
العنود/ وجع مليتي مني
فجر ضحكت/ لا والله بس وحشني راكان مررره
العنود بضيق/ والله حتنا
فجر غمزت/ التنهيده هذي علشان تركي ولا ولدك
ضحكت العنود بحيا/ والله كلهم اف !!
فزو من انفتح الباب ونقزو بسرعه يحضنون سعود/ بشويش بشويش!!
العنود ضحكت/ اشتقتلككك
فجر/ وخري بحضنه زين
الجوهره/ وخرو عنه عورتوه
بعدو وهم يضحكون/ تكفى قل بتجلس
سعود/ اييه بغثكم غثث
فجر/ احلا غثه
العنود/ تكفى اذا رحت الدكان جب لي بسكوتي المفضل
سعود/ ابشرييي
طلع الدكان وهو مروق فتحه ومرت صيته وشافت سعود وهو يفتح الدكان لمحت عود وفزت ركض لبيت سلوى/ من!!
صيته/ انا
فتحت / شجابتس
صيته/ البسي عباتس وتعالي لقيت دكان قريب يبيع عود وبخور و مسجل واشياء. تهووول
شهقت سلوى/ اماااانه مسجل بعد
صيته/ ايييه اعجاب
ركضت تلبس عباتها وطلعت / يلا
وصلو ولا سعود ينضف من التراب لانه من فتره مافتحوه/ سلام
لف سعود / وعليكم السلام
فزت صيته وهمست/ يمه مزيووون
سلوى/ ياويل قلبي!!
سعود رفع حاجبه/ وش بغيتو؟!
سلوى نزلت عباتها الي فوق راسها وبانت عيونها الوساع المكحلات/ ابي عود اصلي عندك
تنحنح سعود/ اي عندي اي واحد تبين
اشرت على اول واحد / هذا
نزله لها/بس بنضفه قبل
نضفه لها وهي تتأمل صيته/ بنت من اكلم انا
سلوى/ ها وش قلتي ماسمعت
صيته/ الله يخلف اقول تعرفين سوير الخايسه تبي تبيع تخيلي
سلوى/ هو وش تبيع بعد!
صيته/ شناط وتخيلي كلها تقليد وتلعب على الناس انها اصليه!
سلوى/ هييين ان ماخربت شغلها مااكون سلوى بنت ابوي
مد لها سعود العود/ سمي
سلوى/ تسلم يعطيك العافيه
سعود/ الله يعافيك ان شاءالله لكم جيه ثانيه
سلوى ابتسمت/ ان شاءالله
صيته/ يلا مع السلامه
نغزتها سلوى/ ذا لي
صيته/ خذيه مابيه
سلوى ضحكت/ والله مزيون ياويل قلبتس ياسلوى
صيته/ بيتكم بس الله يخلف على ذا الراس يالخبلا
راحت سلوى بيتهم وفتحت الدريشه تطل على بيت ال سياف ظحكت من جا في بالها انها تعيش في بيت نفس كذا طلعت فجر وفزت سلوى لبست عباتها ونزلت/ سلام
شهقت فجر/ بسم الله!!
ضحكت سلوى/ اسفه بسم الله عليتس
فجر/ خير من انتي نعم روعتيني
سلوى/ اسفه يختي قلنا بس تعرفين للعود
ضحكت فجر/ ايه اعرف ليه؟
سلوى جت في بالها فكره انها تصير صديقتها منها تعلمها ومنها تكسب ناس اغنياء وتحقق احلامها
سلوى/ تعلميني توني شاريته وماعرف
فجر/ اي عادي تعالي عندي واعلمك
سلوى بفشله/ لا لا تعالي بيتنا
فجر/ يلا الحين تراني فاضيه ماعندك مشكله انتي؟!
سلوى بفرح/ حياتس
دخلت فجر بيتهم وابتسمت من بساطة البيت وديكوره الغريب / تعيشين لحالك
سلوى وهي تفصخ برقعها/ ايه ابوي مهب داري عني تزوج بعد وفاة امي وماعاد شفته ابد
فجر / معلينا وين اجلس فيه
اشرت لها على الفرشه الي ب الحوش / هنا يفصح عباتي واجيتس
دخلت سلوى تتعطر ولبست قميص روز احمر قلت شعرها الاسود وحطت روج احمر وطلعت فزت فجر من شافتها/ ماشاءالله تهبلييين
سلوى بحيا/ تسلمين يلا نبداء
فجر/ يلا
مسكت العود تعلمها واذن المغرب ولاهم خالصين
خذت سلوى العود وبدت تعزف وتغني/ يناعم العود ياسيد الملاح فجر ضحكت وبدت تغني يناعس الطرف ارحم حالتي ياليت للغرام حاكم والله لأشتكي ضحكو كلهم فجر قامت/ يلا انا بمشي تأخرت
سلوى/ الله معتس
طلعت فجر اول مادخلت البيت وركضت الجوهره وهي مرعوبه/ انتي وينك خوفتينا عليييك!!!
فجر/ يمه وحده جتني تبيني اعلمها العزف ونسيت اقولكم
جا سعود/ مهبوله انتي ومن ذي ؟
فجر/ مدري ياخي اسمها سلوى طلعت وجتني والبنت صراحه حبوبه
سعود بصراخ / بلا خرابيط ماتعرفينها ولاتعرفك وش ذا الثقه لو سوت لك شي !!!
الجوهره/ منتب صاحيه قسم بالله
فجر بكت/ خلاص اسفه بعدين ب الديره كلن يعرف جاره والبنت قريبه لمنا وش فيها لو صاحبتها!!
سعود/ ماقلنا شي صاحبي وسوي الي تبين بس طمنينا تكلمي قولي انا بروح وانا بجي مب تسيب سلامات تروحين وتجين بكيفك خوفتينا عليك ياثوره!!
العنود راحت تحضنها/ غبيه انتي !!
الجوهره/ مره ثانيه تعلمينا سامعه ويلا نوم تأخر الوقت
سعود/ تونا يمه
الجوهره / اقول قلت نوم انا يلا
دخلو يرقدون
طلعت كيان بروبها وخذت كتاب تقرا دخل عقاب وهو تعبان مره فصخ لبسه وخذ دش سريع وطلع لبس بجامه وكيان لاهيه بكتابها مادرت عنه مره منسجمه ظحك عقاب وقبص خشمها/ انا جيت
فزت / عقابي وينك تأخرت
ضحك/ توك تدرين عني!؟
كيان ضحكت/ والله منسجمه اسفه حبيبي!!
عقاب/ عشان حبيبي ذي بسامحك
سكرت كتابها من انسدح جنبها سحب يدها وحطها على صدره كيان/ شفيك
عقاب/ تعبان
كيان قربت تلمس جبهته/ ماعندك حراره
عقاب/ تعبت شغل يام عزام والله هلكنا اليوم مره
كيان/ قوه ياعمري عادي التعب لعيون عزامنا راحه
ضحك عقاب/ انشهد خلاص طبت اصلاً
ضحكت/ ياحلوك وانت تضحك
عقاب ابتسم وباس يدها ونام على طول
خلص الاسبوع برضا على الجميع وحب من الكل وقوة صداقة سلوى وفجر وصارت سلوى معها مره وسالت فكرت انها تستغلها
ليلة الخميس تحديداً زواج بتال وحسين
جات ملاك من الديره لبيت ال سياف الكل تجمع ولبس وجا وقت تجهيز العرسان
ملاك تضحك/ خايفه بنات
كيان/ معليك بس فكري انك بتكونين ملكة الحفله
الترف/ وانا؟؟
كيان/ انت عاد مايحتاج نعزز لتس مرتاحه يالعوبا
الكل/ ههههههههههههههههههههههههههههههههههههههههههههه
نوره/ بس الا بنتي عاد
الجود/ يلا جهزوهم بسرعه وكيان انزلي معي نسلم على الضيوف يلا
نزلت كيان والجود يسلمون
كيان لابسه كحلي بدون اكمام وضحى سكري بأكمام قصيره والجود اصفر بأكمام قصيره وكبير شوي جميله بنفسجي فاتح
تجمع الكل بدو رقص وطق والكل فرحان ويرقص عند الرجال بتال وحسين مستانسين يصورون ويرقصون كلشي سووه عقاب/ مجنن انتم اركدو
بتال/ يارجال خلنا مستانسين
قايد ميت ضحك/ مهبل ركدهم ياعقاب لايموتون
سعود ميت ضحك/ عساها دوم
حسين/ شف الي يفهم
عند الحريم الكل فز من بدات الزفه نزلو الترف وكيان مع بعض كلهم طالعين يهبلون نوره تزغرط وتبكي وملاك نزلت دمعتها من لمحت فارس وكان يصفق ويضحك
نزلو وتعالت التصفيقات والزغاريط جلسو الترف/ تبكين!!
ملاك/ مقدرت ابي امي
الترف نادت امها تجي نوره/ مبروك ياقمرات
جت نوره تحضن ملاك/ مبروك ياعمري
ملاك/ يبارك فييك
منيره/ مبروك ياجميلات
الكل/ يبارك فيك
قامو يبوسون راس منيره
راحت الجود ل الدي جي / شغلي اغنية الزين
دخلت كيان وهي لابسه لبس شعبي اصفر وحاطه الشيله على راسها والذهب ماليها اشتغلت الاغنيه وبدت ترقص وتلفح بشعرها دخلو الطقاقات من وراها واعتلت الزغاريط من قامو معها الجود وضحى ( فسحو الميدان جن بنات ال سياف المها الوايليات الاصايل تمميات النسب والزين كله العبن بين العذارى ب الجدايل )
بكت ملاك من شافت كيان ترقص بحب وفرحانه لها صديقة عمرها كسرت الحواجز بس عشان تفرحها بيومها قامت ملاك ودخلت ب الرقص معهم وقامت وراها الترف وبدا الهبال والرقص
والكل فرحان
انتهى العرس بحب على الجميع طلعو بسياراتهم للفندق اول ماوصل حسين لف من شالت العبايه وهي مستحيه / ماشاءالله تبارك الله
سكتت بحيا حسين ضحك/ وش تبين تاكلين
ملاك/ اي شي
ضحك حسين/ تبين بخاري
ضحكت/ لا ابي شي خفيف سلطه تكفي
حسين/ تبشرين
جابو لهم العشاء وكلو وحسين وده يسمع صوتها زياده/ كيف اخوك فارس
ملاك/ بخير حمدالله وشكرا ساعدتني ذاك اليوم
حسين/ ابد ماسوينا شي
عند بتال والترف
نزلت عباتها وضحك/ ماتغيرتي
الترف/ خير شقصدك
ضحك/ اقول بس وش تبين تاكلين
الترف/ مابي شي
بتال/ حتنا يكفي وجهك يشبعني
الترف ضحكت/ وش ذا الرومنسيه الخايسه يابتال حرام عليك
ابتسم/ اقول طفي النور
شرقت ب المويه/ بتااال
ضحك/ امزح معك يختي
الترف رمت عليه الوساده
راحت تغير لبست فستان ابيض ستان وفاكه شعرها فز من شافها وراح يسحبها من خصرها صنمت الترف بخجل/ بتال اعقل!
بتال/ طالعي فيني
ناضرت فيه بخجل/ بتااال
بتال/ عيونه وروحه
الترف/ تحبني؟
بتال ابتسم وحط يدها على قلبه وكان قلبه يدق بقوه/ اموت فيك يامجنونه
باسها بحب و..🐸
عند حسين وملاك خلصو اكل حسين/ ملاكي
فزت وهي لابسه فستان اسود ستان/ هلا
حسين/ تعالي جمبي بحاكيك
جت/ اسمعك
مسك يدها ورص عليها/ اسمعي هنا حياتنا غير مره عنكم اي شي بتسوينه بتروحين له كلميني امي وابوي لا اوصيك مالي غيرهم احترميهم وحبيهم كانهم اهلك مرهه وصل
ملاك رصت على يده وابتسمت/ لاتوصي ولا تخاف اهلك اهلي ياحسين
حسين باس راسها وضحك/ بعدي والله
نامو بحب ورضى من الاثنين ماحب حسين يتسرع بمشاعره معها ويندفع كان يبي يشوفها ويعرفها اكثر وهي بعد
رجع سعود الديره مع امه وخواته
الكل نام بعد تعب
الصباح جا حسين هو وملاك بدري رحبو فيهم بحب فضحت ملاك عباتها وراحت تسلم على قايد/ شلونك عمي
قايد/ هلا وغلا
منيره/ ماشاءالله تبارك الرحمن وش هالزين
ملاك بحيا/ تسلمين
حسين/ ب المجلس انا اذا بغيتي شي ارسلي لي
ملاك / زين
فزت من شافت كيان حضنو بعض وضحكت كيان/ كيفك وكيف اول يوم زواج
تفشلت ملاك/ بنننت
الكل/ ههههههههههههههههههههههههههههههههههههههههههههه
كيان/ امزح معتس
ملاك/ اوريتس
جو الجود وضحى/ هلا ب الحلو كيفك
ملاك/ فل الفل
قايد/ بعد انتي
ملاك ضحكت/ من بعدي
منيره/ انا وعقاب
ملاك ضحكت/ ساحرتنا بنت سلطان
الجود/ اعوذ ب الله وش مسويه ياكيان اعترفي
كيان/ اقول انطمي بس زعلانه عليتس
الجود/ افاااء وش مسويه انا
كيان/ امس ماكلت زين تدغدغيني خبلا انتي
الكل / ههههههههههههههههههههههههههههههههههههههههههههه
قايد/ خبلا انتي وشو له تدغدغينها
وضحى/ يبه ضحكتها تونس
ملاك/ اتفق
منيره/ الا كيان عاد بنتي ذي
كلام/ وانا؟
ضحك قايد/ انتي عاد عاد
منيره/ والله كلكم بناتي
وضحى/ كان معاريسنا الثانين تأخرو!
قايد/ وانتي وش دخلك فيهم
وضحى/ سم
الكل كاتم ضحكته
عند العيال ب المجلس قام عقاب يحضن حسين / الا وين معرسنا الثاني تأخر
ضحك حسين/ شكله سواها
عقاب ضحك بلخمه/ وجع ياحسين خير !!
حسين/ امزح والله صب قهوه
عقاب ابتسم/ اي ضيع الموضوع منب بتال تمزح معي بمشيها
حسين ضحك بوهقه
فزو من دخل بتال/ سلام عليكم
ماتو ضحك حسين/ لو طارين المليون
بتال/ وش فيكم
عقاب/ وش الي مأخرك
بتال/ ابد الطريق زحمه
حسين/ اهااا وانا جاي بطياره شكلي
عقاب/ يوووه زحمه اجل
بتال/ كلو تراب انت وياه يالي ماتستحون
الكل/ ههههههههههههههههههههههههههههههههههههههههههههه
مسكوه طقطقه
ودخل قايد يتقهوى وسكتو بتال/ يبه شف عيالك ادبهم ولا والله لأجلدهم
قايد/ اقول صب قهوه بس
صب له وهو يضحك
قامو معه يعاونونه من جو رجال
عند سلوى فتحت الدريشه وبيدها العود تعزف
فتح سعود الدريشه وفز من لمح شعرها الاسود وبلم يناضر من بان وجها وعيونها المكحله صد من جات عينه بعينها وسكرت الدريشه بسرعه/ ايا الي مايستحي ياويلي شافنيي!!!
سعود صفق جبهته/ لعنه
فز من انفتح الباب فجر ضحكت/ شفيك !
سعود/ مافيني شي خبصتيني بشويش شتبين
فجر/ ابي البسكوت حقي قبل تروح الدكان
سعود/ ابشري
نزل الدكان يفتحه وجت سلوى بتاخذ بخور/ سلام
فز سعود/ وعليكم السلام وش بغيتي
جت عينه بعينها وحس بشعور غريب وهي بعد صد بسرعه سلوى تنحنحت/ ابي بخور قوي ويكتم
ضحك سعود/ وليه يكتم!
سلوى بضيق/ بذبح نفسي عندك ولا اطس
سعود/ عندي
سلوى/ عطني
قعد سعود على الكرسي / بعطيك بس لأي غرض؟
سلوى/ ليه شايفني تحت السن القانوني تراه بخور مهب سكار
ضحك سعود/ تقولين بتذبحين نفسك يعيني عشان لاصارت جريمه مالي دخل ب الموضوع
ضحكت/ يرجال امزح بس عندنا جلسة سامري بس لحضه وشوله تسأل وانا ليش اجاوب عطني بس!!
سعود ضحك/ مدري عنك !
سلوى بفشله خذت البخور وراحت
وهو قعد يهوجس فيها وبعيونها القتاله
سلوى كلمت كيان وملاك يجون بس اعتذرو
صيته/ هاه وش قالو
سلوى بنرفزه/ اعتذرو
صيته/ معليتس والله نفلها ونادي صديقتس الجديده
سلوى فزت/ اي والله يلا مشينا
اذن المغرب طقت سلوى الباب وفتح سعود لابس ثوب كحلي والشماغ على كتفه عرفها من عيونها/ هلا
سلوى بتوتر/ اء فجر هنا نبيها
سعود تكى على الباب/ وش تبون فيها
صيته/ في سامري اليوم ودنا تجي ونتونس
سعود/ معصي مافيه
سلوى/ تكفى طلبتك
سعود/ لا يلا بيتكم انتي وياها
سلوى/ تكفى ياخييي
سعود/ لاتقولين تكفى!
جت فجر/ ميين
سلوى/ تعالي شوفي اخوتس معيي ناخذتس
فجر/ على وين
سعود/ فجر ادخلي
صيته / جلسة سامري وعود وحركات
فجر فزت/ تكفى عشاني ياسعود
سعود زفر / طيب بس ياويلك تتأخرين بجي واخذك الساعه حدعش انتي في البيت وصل
فجر/ وصل
ركضت تاخذ عباتها ونادت معها العنود / وش الله بلشني معكم اخر عمري اروح سامري
ضحكت سلوى/ اوووه والله اشوا انتس جيتي برقص لعيونتس
طلعت عيون سعود وتنحنح طلعو وسكر الباب وراح يرقد وهو مشلوع قلبه
وصلو والكل مجتمع ويرقص دخلو معهم ب الرقص وفلوها
ملاك / كياني
كيان وهي منسدحه على الكنب بتعب/ هاه
ملاك/ عدي شلونه من بعد نوره
كيان/ يوه تكفين ماودي احتسي بذا الموضوع ابد اخ بس
ملاك/ ياعمري عليه زين انا بقوم ارقد لي شوي
كيان/ حتنا تعبانه مدري شجايني
ملاك/ بسم الله عليتس
رقو
حسين لف من جت/ انا ماشي ترا
ملاك/ وين؟
ابتسم/ بروح لنادي اتمرن شوي انا وعقاب تبين شي
ملاك/ لا سلامتك بس متى راجع
انسدحت على السرير
حسين وهو يلبس ساعته/ المغرب عندك تبين شي
ملاك/ ابي ايسكريم فانيلا ونوع لي شتوكلت
حسين/ ابشري
طلع وهو مستانس انها بدت تاخذ وتعطي معه ولا تستحي
