بتال/ اشوفك مروق
عقاب/ اوووف
بتال/ ولد لايكون هيام ترا بذبحك
عقاب/ وينك وين هيام !!
ظحك بتال/ طحت على وجهك اجل جبل مايهزك ريح !!
عقاب/ ياولد رحت فيها الله يعيني
ظحكو وبدو يتعشون
طلعت كيان وسلمو عليها ويباركون
هيام/ كيان تعالي بقولك شي
كيان/ اسمعك
هيام/ يعني كلمه من بنت لبنت بنصحك نصيحه ترا عقاب مايحب الحلا بكل انواعه بس يغصب نفسه على البان كيك عشان ماتزعل وضحى ويحب امه كثييير وابوه واخوانه يدخن مليون مره وذا الشي يضره انتبهي له ولصحته و لازم تقومينه بدري ل الصلاة ولا بيعصب منك و بعد ايشش!! اممم ايه لاتعاندينه اي شي قولي تم وابشر ويشيلك بعيونه يحب الطبخ بس ولا مره بتشوفينه يطبخ لانه عقاب ب اختصار و
قاطعتها كيان/ خلصتي ؟!
هيام / لا صبر بقي شي بتذكر
كيان/ لاتتذكرين ولا اذكرتس على شحم واقطعي مابقى الا انتي تنصحني ياصخله !!
هيام / ايه صح مايحب الي يتكلم ب الاتس يتنرفز !
كيان / بتعضين على شحمه ولا افرك وجهتس ب الارض!!
جت كوثر/ هيااام تعالي يلا بنمشي
هيام/ يمه صبببر ماخلصت
دفتها كيان / يلا بيتكم يلا !!
راحت هيام وهي كلها قهر في كيان طلعت وهي تسبق خطواتها نزلت دمعتها/ والله مااخليكم والله
نزلت كيان كعبها/ بسس تعبت خلاص
قايد/ قوه
كيان/ الله يقويك
قايد/ اتفقتو متى الزواج
كيان/ ها
خجلت من تذكرت مسكته لها وفهت
ضحك قايد/ كيان يابنت وين رحتي
كيان/ لا موجوده بس مااتفقنا لسا حلو بعد شهر
قايد/ لاشهر ولا خرابيط قالي اتفقتو اسبوع
كيان / اييي صح نسيت
قايد / شكل فيك نوم روحي ارقدي
كيان عصبت/ زين زين
رقت وهي منفسه / اسبوع وش اسوي فيها ذي!!
دخلت غرفة الجود / بنت
الجود/ بسم لله وش فيك
كيان/ عطيني جوالك !!
الجود/ ليه من مزعلك!
كيان/ كلمي عقاب الحين وعطيني الجوال
الجود/ امداك تشتاقين!!
كيان/ يابنتتت
الجود/ طيب طيب خذي
عقاب وقدامه النار معه الفهد وثنيان / هلا جودي. وش بغيتي
كيان بحده/ عقابب!!
قام / سلام عليكم
كيان/ الله لايسلم في عدوك !!
عقاب/ افا شفيك من مزعلك
كيان/ صاحي انت ولا مجنون اسبوع وش اسوي فيها هاه !!
عقاب / لاتصدقين عمرك ترا كله زواج وبعدين عندي مهمه في روسيا وباخذك معي علشان كذا
كيان/ لا والله في مليون بنت فوق راسي يبون يشوفون زواجي وانا ابيه كبير ونفس الي براسي
عقاب/ وش الي براسك
كيان/ مايخصك كلامي مع امي منيره
عقاب/ زين ليش داقه علي!
كيان بفشله/ اذلف مابي منك شي اصلاً
ظحك وسكر وهو مروق كملو سمرتهم وكيان من العصبيه عجزت تنام
نزلت تاخذ لها كوب قهوه راحت تشوف فلم لين نامت على الكنب
دخل عقاب ولا منيره نزلت / جابك الله قومها عجزت فيها ماتقوم
عقاب عقد حاجبه/ من
منيره/ كيان شفها على الكنب
راح يقومها ماصحت حط يده على جبهتها/ يمه حاره جيبي كماده!
راحت ركض تجيب بدت تهلوس/ والله لأوريتس ياهيام والله اعلمتس شلون تنصحين بنت سلطان والله انتي واليل
عقاب ابتسم/ وش فيه الليل لايكون مزعلك
كيان بكت/ غبي مايفهم شي بس يزعلني بس! ويقهرني
عقاب مسح دمعتها وباسها / اوريك فيه معليك
جات منيره/ شفيها
همس/ يمه تهلوس بشيلها الغرفه ساعديني
رفعتها منيره وشالها
حطها على السرير وجاب الكماده ومنيره تقرا عليها طلع ينام وهو يفكر انه يوقف مناقر معها
الصبح كيان صحت وراسها تحس بينفجر خذت حبوب وصحصحت شوي نزلت وباست راس قايد ودخلت المطبخ تحوس جات سانتي/ مدام كم مره في قول اطلع برا مافي افهم انتي
كيان/ اقول اذلفي بس
رفعت شعرها وحطت الطحين وبدت تشوف المقطع كيف يسوون الكيك وتطبق
نزل عقاب / ماشاءالله على السنع
كيان/ شرايك بس
عقاب/ سنعه
ظحكت منيره/ توها متهاوشه مع سانتي تراها
قايد/ لا انحاشت ترا السبه ذي القطوه يقصد كيان
كيان / عمييي وش قطوته
قايد/ قطوة المطابخ قبلك تحوسين
كيان/ والله ماتذوق من كيكتي
رفع حاجبه عقاب وكان بيهوش عليها بس قاطعه قايد/ من زينها ماتعرفين تسويين
كيان / نشوف وان فزت وش لي
قايد/ لك عنز
ضحكت كيان / لا والله ابي ورد كثييير
سرح عقاب في ضحكتها وابتسم قايد لف عليه / انت وش رايك
عقاب/ اقول تستاهل عنز
قايد/ اجل تم عنز
كيان بزعل/ طيب طيب اوريكم والله ماتذوق حتا انت
عقاب/ يبه يرضيك
قايد/ لا ب الله
منيره / اقول خلوها بنتي عاد
صفقت كيان/ كفو امييي عليك فيهم
منيره/ يلا انت وياه شغلك
راحو وهم يضحكون
جهزت كيكتها راحت للمطبخ وهي تكح والبيت كله ريحته حرق جت سانتي وهي تضحك/ مدام انتي مافي مخ مااعرف سوي كيكه انا بس سوي مره ثانيه
سحبت كيان شعر سانتي/ اقووول يابنت اسمعي لاتحطين راستس براسي سامعه !!
سانتي / برا مطبخ مافي اعرف انتي برا يلا مدام
خذت كيان الشبشب وكفختها فيه دخل عقاب وهو يكح من شاف كيان تطق سانتي من قلب صرخ/ كيااان
فزت برعب / نعم
عقاب/ بزر انتي وش ذا الحركات ماتعرفين لاتدخلين مطبخ
كيان/ هي الي بدت بعدين شدخلك اعرف ولا ماعرف هاه لاترفع صوتك !!
عقاب زفر/ برا المطبخ انتي وياها يلا
طلعو وكيان تتحلطم عقاب/ وقفي حلطمه ولا مب ازين لك
كيان/ لاتصدق عمرك بس
عقاب/ كيااان
دخل قايد/ شفيكم هذا وانتم بعد ماتزوجتو
كيان/ عمي بقولك شي وقل تم
قايد/ تم
كيان/ ابي عرسي في الديره
قايد/ ابشري وتم مرتين
عقاب/ تعالي نضفي الي حستيه يلا
كيان/ عمي شفه
قايد/ اسمعي كلام رجلك
قامت بتأفف/ عشان عمي بس ولا والله مااقوم
عقاب بهمس/ لا قويه ماشاءالله !!
كيان/ بعدك ماعرفتني
ضحك عقاب وراح يتقهوى
الجود/ اف وش ذا الريحه
وضحى/ اف !!
كيان/ سويت كيكه وانحرقت
الكل/ ههههههههههههههههههههههههههههههههههههههههههههه
منيره/ بزينك على المفاطيح بس
عقاب ضحك / انشهد
كيان / يمههه انا عمري ماسويت ذبيحه تدرين في حياتي كلها حتى لحم مااكل
منيره/ صادقه!!
كيان / اي والله بس سلوى تجي تقطع هي و نوره علشان ابوي اول واقول انا الي سويت قالت بزعل يظربني اذا ماعرفت عاد وابكي ولا يوقف ضرب الا اذا جا عدي يساعدني واخذ العود واروح اعزف ولا ارقص كنت اموت تعب من الظرب بس شسوي ابوي
عضت منيره شفتها بضيق/ معليه الله يرحمه
نزلت دمعت كيان ومسحتها/ ايه ماعلينا وش جدولكم اليوم
فتح قايد ذراعه / تعالي ياكيان وانا ابوك
راحت ل حضنه بقوه وبكت/ تعبني يا يبه تعبني والله
عقاب تنهد / يمه ترا كيان تبي عرسها في الديره
فزت كيان/ ايه وابي طق وسامري والسحليتين لا تعزمونهم
منيره ضحكت / ابشري
مرت الايام بحب من عقاب ل كيان ومناقر من الاثنين
ليلة العرس جهزو كيان ومشو ل الديره
ولا الفرش مفروشه والطقاقين جاهزين يرحبون والعقود والبخور شغل صح كان والحريم الي يدخلون بزينتهم
دخلو غرفه يلبسون كيان/ كيف اجوائنا
الجود/ شي جديد انا عجبني صراحه
وضحى/ حتا انا صدق
منيره/ يلا خلصو
عند الرجال سلمو وبعدها بدا الطق والسامري قام قايد يرقص وسط ذهول من عياله اشر لهم يجون معه يرقصون قام عقاب ببشته ويرقص كان فنان وغطى عليهم ب الرقص والكل مصدوم بتال/ انت عقاب ولا واحد ثاني
عقاب// انا الليل يابتال
حسين/حاييي بنت سلطان الي خلتك ترقص
الكل/ ههههههههههههههههههههههههههههههههههههههههههههه
عند كيان شافته يرقص وفز قلبها وضحكت دخلت الجود/ بنت يلا
كيان / جايه طلعت وبدو يطقون والبنات يرقصون بحب
ونوره وسلوى يرقصون قدامها وهي مستانسه حييلل
خلص العرس بسلام وقعدو بعد ماراحو المعازيم كيان/ الي يطقون بعدهم فيه؟
منيره/ ايه وراه
كيان/ ناديهم بسرعه
راحت تنادي الطقاقات يجون همست لهم يغنون اغنيه خاصه كيان/ نادو عقاب سريع
قامت الجود / عقاب عقااب
جا سيف/ من بغيتي
فزت برعب/ ابي عقاب ناده
جا عقاب/ سمي
الجود/ كيان تبيك تعال
اول مادخل بدو الطق ( ليتك معي ساهر ليل الهوى. كله مانوم انا وانت لأجل الحب سهراني . ترا السهر مع حبيبك يبري العله . الي صرت شفق وهو عليك شفقاني
بدات ترقص كيان وسحبته يرقص معها عقاب/ بنت
كيان / مره وحده معي ماتضر
سحبها لصدره وبدو يرقصون ويظحكون سوا وقفو رقص. بعد تعب/ ماهقيتك تقوى ترقص زود والله متعافي
عقاب لف/ اذكري ربك !
ظحكت كيان/ لاء
خذ المويه وشرق فيها كشرت وفزت/ والله امزح ماشاءالله
ضحك من قلب/ ملعونه انتي ماتخافين الله فيني
كيان/ تستاهل !!
جت منيره وهي مستانسه/ عساها دوم يارب
عقاب/ امييين
ودعهم خذ كيان بعد ما بدلت وراحو روسيا بطيارته الخاصه
كيان / عقاب
عقاب/ هلا
كيان/ برد في بطانيه
راح جاب لها ونامت على طول
وصلو روسيا وريحو شوي قبل مهمة عقاب
بعد غيبوبة العرس الكل صحى
الجود/ وضحى تعرفين سيف ولد جيرانا
وضحى / شفيه
الجود/ يخوف يختي كانه عقاب تحسينه غامض ويروع امس حاكاني بغيت اموت
وضحى/ حسيتي بأحساس كيان الحين لاتلومينها
الترف/ علاقتهم حلوه بس مااحسهم ماخذين الموضوع بجديه احسهم اصحاب اكثر
نوره/ وهذا الي يضيق الصدر الله يعين بس
صحت كيان ولفت تدور عقاب/ صحيت
عقاب/ ايه عندي مهمه
كيان / تخليني لحالي مجنون
عقاب/ قفلي الباب كم ساعه وبرجع ليه الخوف
كيان/ لا تتأخر
عقاب/ ابشري
باس راسها وطلع
بعد كم ساعه طول عقاب وخافت وهي تنتضر عقاب فزت من صوت المطر والرعود شهقت وجلست تصيح خذت جوالها ولفت نفسها ب البطانيه / ( عقاب وينك)!!
عقاب قراها ولا رد
ارسلت/( انا خايفه تعال بموت)
وقف مهمته وطلع لها بسرعه فتح الباب ولاهل ماسكه راسها وتبكي بخوف عقاب راح لها يصحيها/ كيان هييي!!!
كيان ماردت عليه وهي تحاول تلقط لها نفس عرف انها مرت بنوبة هلع فصخ جكيته وحضنها/ انا هنا خلاص عندك انا عندك
كيان وقفت بكي/ ليه طولت ليييه خفت ياعقاب خفت
فز/ وش قلتي
مسك وجها/ عيدي ماسمعت
ضحكت/ الليل قلت
زفر/ يعني انتي بخير الحين !
كيان ظربت كتفه / وين رحت طول الوقت
عقاب/ معليش بس مناضر جميله في شقراء وفيه بنيه يعني تعرفين
قاطعته وهي تكشر بوجهه/ ليه جيت اصلاً كان طسيت عند الشقراء على قولتك !!
ظحك وسحبها من خصرها كيان/ اليل
عقاب/ عيونه
كيان مسكة وجهه/ نام بكره دوام ويوم طويل نام
عقاب دفن راسه بعنقها/ قولي اسمي
كيان/ اليل
عقاب عض شفته / كيييان
ضحكت/ اذا جا الوقت المناسب بقول
عقاب/ متى !
كيان/ لمن اثق انك تنسى بنت بليس
عقاب/ نسيتها
كيان/ مااصدق
عقاب/ اكثر من كذا انتي بحضني وبين يدي مايكفيك
كيان/ لا مايكفي
عقاب تنهد/ كيان
كيان/ عيوني
ضحك/ ولعنه نامي
كيان ابتسمت / انت اول
عقاب/ الله يعيني عليك بس
نامت كيان وقام يصلي الوتر فرش سجادته وقام يدعي انه مايضلم كيان كثف الدعاء وقال ( يارب انك تحبها لاتجعلني اظلمها وحببني فيها يارب) سجد ونزلت دمعته ودعاء لخواته وان الله يجبر قلبه
طلع البلكونه وزقارته بفمه جاه اتصال من الفهد/ عقاب
عقاب/ سم
الفهد/ تقدر ترجع مهمتك حولوها
عقاب / ابشر
سكر ورجع ينام
الصبح في المدينه الكل صحى
حسين/ بتال
بتال/ همم
حسين/ تهقى اكلم امي عن ملاك اليوم ولا انتضر لاجت كيان
بتال/ ان كان تبي شوري انتضر كيان تجي تضبطك
حسين/ زيين
الترف طلعت / بتال
فز/ سمي
الترف/ عادي توديني بيتنا
قام/ ابشري يلا
ركبت وبتال صاد/ تبين قهوه شي
الترف/ لا الله يعافيك
الصمت كان سيد الرحله نزلت وهو قلبه معها تنهد وشغل ( لا لا تضايقون الترف لاتضايقونه
دق جواله/ سم يبه
قايد/ بيجي فلاح قله يجيب معه العود
انصدم بتال/ هاااه
قايد/ وش فيك العود اصمخ انت عشان عقاب بيجي اليوم من روسيا
بتال ضحك/ ابشر ابشررر
دق على فلاح/ هلا فوفو
فلاح/ ابك وش فوفو انت
بتال / اسمع الشيبه يقول جب عودك شكله مروق جبه معك زين
فلاح/ زين زيين
سكر وهو مستانس مرههه
البيت ينضفونه ويجهزون غرفة كيان وعقاب
صحى عقاب ولا نور الشمس بعينه الستاره كلها مفتوحه والانوار مشغله زفر بعصبيه/ كيااان
ماسمعته وبيدها ورد ابيض تغني ( عين تشربك شوف وعين تضماك.. لاذبحني ضماك ولارويتك.. ان طلبت الغلا . قلت الغلا جاك . وان سكنت الخفوق البيت بيتك ) قامت تتمايل وتغني وعقاب مستمتع غمض عيونه واستغفر وهو يضحك خلصت ورفعة الفازه على الطاوله عقاب/ كيان
كيان لفت/ هلا
عقاب/ كم الساعه
كيان بخوف/ اذن العصر
قام بسرعه/ وراه ماصحيتيني !!!
كيان/ مادريت وانت ماتقوم شسوي ولا بغيت ازعجك
عقاب بحده/ ازعجيني سوي كل شي بس لاتفوتني الصلاة المره الثانيه و الله مااعديها ياكيان
كيان/ خفت يمه
عقاب بعد البطانيه عنه وقام مسك فكها/ تبين اوريك كيف اهد فكك!!؟
كيان بعدت/ وخر عني مو هيام انا انا كيان بنت سلطان لو قلبك حي للصلاة كان قمت مب تنتضر اقومك!
عقاب سحب شعرها/جربي تجيبين طاريها على لسانك شوفي وش بيصير!!
راح للحمام وهي رمت الي بيدها وبكت/ اكرهههك
قالها بنية انه يكره طاريها بس هي فهمت انه مايبيها تغلط على هيام
رجعو للمدينه والصمت سيد الرحله
