عند البنات
الجود / بنات شرايكم نسمر نفس العيال
الترف/ كيف وين
وضحى/ ب السطح محد داري عنا
كيان / قدام معكم
جهزو السناكات والمشروبات والمنقد وجابو فرواتهم كيان/ بنات ماعندي فروه
الجود / لحضه بجيب لك
راحت اقرب غرفه وطلعت فروة عقاب
/خذي
كيان ضحكت/ شايفتني فيل وش طولها
الجود ضحكت/ يختي اهم شي الدفاء
كيان/ لاصادزه
رقو وفرشو مفرش ابيض وشموع وقعدت بنات
كيان ماتخفي انبهارها ب القصر الكبير المليان ب الخدم والعشم والملعب والحديقه الي برا كل مره تنصدم اكثر ب المكان وساعته والي ساكنين فيه غير مره غير لبسهم وعطورهم كل شي كان فخم
تعرفون الديكورات بسيطه وحلوه حيل
كيان/ الله الجو مره حلو
وضحى/ اي والله
كيان لفت/ الا بنات علموني عن بناتكم الخطيرات يعني الي لازم اتجنبهم وكذا
الجود وهي تصب/ عند الترف كل العلوم
الترف/ تعالي اقولك
جتها كيان / اسمعتس
الترف/ اول وحده وكلن يعرفها!
الجود وضحى / هياااممم
كيان ضحكت/ واضح انها خطيييره
الترف/ خطيره وبس !! اسمعي يابنت هيام تصير طليقة عقاب
شهقت كيان/ اما هو مطلق
وضحى/ ايييه من زمان وينك فيه انتي
كيان/ احسب انه للحين معها ايواه كملي
الترف/ المهم طليقته ومهووسه حيل بتاخذك تسحب حكي عن عقاب لاتعطينها وجه ابد
الثانيه جمان هذي بعد تحب عقاب تخيلي طالعه وهي كاشفه بتغريه ب مزرعتهه
كيان مسكت راسها/ ياخزياااهه ماتستحي ذي وجع الا وجعتين
الكل/ ههههههههههههههههههههههههههههههههههههههههههههه
الجود/ توك ماشفتي شي يام العيون الوساع
الترف/ اسمعي بس شريفه وسلمى طيبين وحبوبين بس شريفه تحب بتال بعد لاتعطينها وجه اذا سولفت عنه !
وعمه كوثر انتبهي منها تراها نقالت حكي وتموت في الحش وتبي عقاب لبنتها غصبب فا انتبهي منها وتعطي في الوجه بعد والباقي ماعليهم بس لاتحاشرينهم مره يعني خليك سطحيه معاهم
وضحى/ يا بنات البنت خافت معليتس ترانا ماناكل
كيان/ وش ذا الهبال كلهم يحبون ويروعون بسم الله الا اقول يا زين الجو بس
الجود/ صادزه
الكل / ههههههههههههههههههههههههههههههههههههههههههههه
الترف/ انتم وش عندكم فعاليات ب الديره احنا ماش هدنه وصجة حريم
تربعت كيان / اوووف والله سوالف قالت لهم عن سالفتها يوم تكفخ سوير واخوها وجاها عقاب
الجود وهي ميته ضحك/ يوه ماتحديتي الا عقاب
الترف/ مجنووونهههه
وضحى/ حمدالله إنك بقيتي حيه يابنت
كيان/ شدراني انا امشي واكفخ واخوتس ماقصر مصع اذني وجابني عندكم غصب
الترف/ هو الي جابك؟؟
كيان بفهاوه/ ايه هو قال امي منيره وانتم تبوني
الترف بهمس/ اجل امي منيره تبي كيان امم اقول اخوك الحقي عليه طار عقله شكل
الجود/ تهقين!!
كيان / شفيكم هو مساسر ماحب ذي الحركات
الجود/ سلامتك تبين شاهي
كيان/ صبي !
كملو جلستهم ونزلو يرقدون
قام حسين وهو بالمجلس/ بتال
بتال
ماصحى ورفسه/ ولد قم
بتال/ همم شتبي
حسين/ قم لايقوم عقاب نكلم كيان
بتال/ يلا امش
قامو وسمعهم عقاب بس سفه وهو باله في البنت الي شافها همس/ الترف!! شكلها هي اخ صدق
بتال/ اخوك شبلاه يحلم شكله قم بسرعه لايصحى
قامو بسرعه وطلعو بفروتهم
حسين/ ادق الحين !
بتال/ اخلصص
ارسل ( سلام)
كيان فزت من صوت الرساله(مين)
حسين/ ( انا حسين بغيتك بموضوع)
كيان/ ( شبغيت؟)!
حسين/ ( عندكم ب الديره بنت اسمها ملاك تعرفينها؟)
كيان بتفكير/ ( اييه شفيها)!!
حسين/ ( ودي ب القرب ابيك تكلمينها لي نخيتك )
كيان قامت/( تبشر ب السعد ياولد العم وملاك تنشرى)
حسين/ ( الله يجزاك خييير)
قام /يناقز اخيييرااً
بتال وهو متغطي ب الفروه يضحك عليه/ عندي موضوع بيجلطك
حسين/ قووول الي تبي
بتال/ حتنا بالي وحده
حسين/ تقوله صادق!!
بتال/ توقع
حسين/ ايييه عرفت عرفتتت
بتال/ قول
حسين/ الترف
بتال/ اي بالله جبتها !
حسين/ من متى!
بتال/ من وهي بزر وهي براسي
عقاب حس بضيقه/ وش مقعدكم هاه
حسين/ اءء
عقاب / دريت عنكم يالسرابيت اجل تحبون
بتال/ بسم لله تتسمع
عقاب/ للأسف مالحقت الا على سالفة الترف انت صدق تحبها
بتال/ ايه ليه!
عقاب/ بس اسأل يله نروح نصلي بس تأخرنا على الصلاة قم انت وياه
توضى وهو شال من راسه الترف من بعد كلام بتال وعرف بحبهم ماحب يدخل بينهم ويوجع قلب اخوه
صلو ورجعو يرقدون جا قايد/ نمتو!
عقاب/ نايمين الا انا شبغيت
قايد/ كيان بتروح لديره ساعه ساعتين وبترجع
ضحك عقاب من تذكر سالفة حسين عن ملاك/ بذي السرعه!!
قايد/ وش سرعته قم بس ودها
عقاب وهو يلبس ثوبه / ابشر ابشر
قام ولاها لابسه نقاب ومايل ضحك/ شبلاك انت!
عقاب/ نقابك مايل
كيان وهي تعدل فيه/ يليل كله من الجود ماتعرف اختك تلبس زي الاوادم مغير تضحك علي !
عقاب/ اركبي بس
ركبت وهي متفشله وتعدل فيه / شف كذا زين!
لف وهو يضحك/ لا مايل
كيان/ لاتستهبل!
عقاب/ لازين امزح معك
كيان/ اشوااا
وصلو لديره عقاب/ اي بيت ؟
اشرت على بيت بابه اخضر / هذا
نزلت ودقت الباب وفتحت ملاك/ مييين!!
كيان/ انا بنت سلطان
فزت ملاك/ كياااننن
حضنو بعض بحب/ وينتس يالقاطعه هاه
كيان/ يوووه سالفتي طويله بعدين وين قهوتكم
ملاك/ هذا هي زاهبه شوي بس ايه علومتس!
كيان/ يوووه من بعد ابوي وانا في بيت جدي قايد ب المدينه وش بيت الا قصر يوووه
ملاك شهقت/ صادقه قصررر!!
كيان/ ايه بالله وعندهم ولد شقردي يقاله حسين ماشاءالله هبت ريح
ملاك/ ماشاءالله
كيان بكذب/ عاد يقولن ان في مره في الديره ضاع اخوها ولقاه بس بدون ماتدري انه هو الي ساعدها وهو راعي خير بس بس ب السر بينه وبين رب العالمين ماشاءالله
ملاك فزت/ ماشاءالله من ذي
كيان/ عاد ماقالو تعرفينها؟
ملاك بتوتر/ هاه لاء ماعرفها
كيان/ بعطيتس رقم اختها علشان تدقين علي ماطلعت جوال عاد توني
ملاك/ عندتس جوال بعد!
كيان/ ايييه بس ماطلعت لي رقم توني
عطتها رقم حسين بدون لايدري حسين ولا هي كانت خطتها ونجحت
راحت ملاك تحط القهوه
وقامت كيان ترقص بفرح ب الحوش وتصفق قعدت بسرعه من شافت ملاك جايه/ عاد اعتذر السواق ينتضرني برا بروح
ملاك شهقت/ وشهو سواق بعد ماتستحين انتي جايه بسواق
كيان/ معليش انا بنت المدينه الحين
ملاك/ اووخسسس
ضحكت ملاك/ الله يسعدس ياكيان انتبهي لنفستس
بس انتضري شوي بتجي وحده يحبها قلبتس
كيان/ لايكون الي بالي
ملاك بهمس/ سويرر
طيرت كيان نعالها/ جت بوقتها وانا بنت ابوي بنته هيييين يام شووووشه تعالي
دخلت سوير/ شلونتس اشتقتلتس!
ملاك بحيا/ ياعمريي حياك
دخلت وشهقت سوير/ يمههه الجنيه فيذا شجابهااا!!!
كيان / اشتاقتلتس العافيه بلا يالخايسه يام القمل والصيبان
سوير/ وين بابكم انا رايحه دام ذي هنا والله مالي قعده
كيان تفلت عليها/ روحه بلى رده
شهقت سوير/ تتفلين علييي!!!
كيان/ ومن غيرتس نجس يالخايسههه هاه
ركضت سوير وسحبت عباة كيان وجرت شعرها / اجل انا تتفلين علي !!!
جت ملاك ودفتها وطبت عليها كيان وبقستها لين داخت/ انهيت المهمه جا وقتس ساعديني ماعرف للنقاب
ظحكت ملاك/ بنت المدينه اجل!
كيان/ امحق!!
عدلت نقابها وطلعت وهي يالله تتنفس من قوة التكفيخ
عقاب وهو يدخن/ خلصتي من الهوشه
كيان بعبط/ هاه وش هوشته تتوهم انت شكلك
عقاب/ ايييه بس لاتنسين الكلبشات هاه
كيان/ امر ثاني
عقاب/ ايه اركبي
ركبت وهي تهف على نفسها دق الجوال وردت/ هلا نوره
نوره/ تعالي غدانا زاهب
كيان/ وش غداه انا تغديت حمدالله
نوره/ وش غداكم ماشاءالله عند مين
كيان/ تغديت عند ملاك على سوير ام القمل والله ياطقيتها طق لين عضت الارض اجل تقول عني جنيه الي ماتستحي وملاك ماقصرت فرشناها فرش
نوره ماتت ضحك/ اجل فاتني
كيان/ اوووف فاتتس نص عمرتس
نوره/ يلا اجل سلام
سكرت ولا عقاب يطالع فيها من المرايه / يعني سويتي الي براسك!
وقف على جمب/ الى متى ماراح تفهمين المره الثانيه بسجنك ولا عندي فيك سامعه
كيان بخوف/ اخر مره والله معاد اعيدها والله
عقاب/ وصلك العلم عاد انتي اخبر !
كمل مشي وهي نزلت دمعتها ومسحتها بسرعه
وصلو ونزلت وهي معصبه/ لاتحسب اني خايفه منك يااليل بس عشاني محترمه عطيتك وجه ولا انت ماتخوف نمل
عقاب زفر/ ادخلي دام النفس طيبه بس
بتال / شسالفه
عقاب/ اقلب وجهك انت الثاني
بتال/ سم
دخلو وعقاب متنرفز منها / يمه
منيره/ هلا جيتو
عقاب/ ايه وادبي بنت سلطان لا اذبحها علميها شلون تسولف زي الناس وتمسك نفسها عن الطق في الاوادم ولا والله بنفسي اسجنها جاكم العلم
قايد/ وش مسويه
علمه عقاب قايد/ الله يعينا ان شاءالله كلميها يامنيره تسمع منك دامكم حريم وتعرفون لبعضكم وفي عزايم ولاني ناقص لاجو عيالي القاهم متكافخين كلميها الآن
منيره تنهدت/ ابشر ابشر بكلمها عقاب
عقاب/ سمي
مينره/ غداك في المطبخ
راح ياكل وجلس على الطاوله والجود تسوي قهوه/ لمين!؟
الجود/ هاه ل كيان تبي
عقاب/ اي سويلي معك
الجود/ من عيوني
ضحك/ تسلم عيونك
وضحى / ماشاءالله وانا بس هي تتغزل فيها
عقاب/ انتي عاد تعرفين مكانتك بقلبي مايحتاج
ضحكت وراحت تعطي القهوه لكيان/ وراك تأخرتي!
وضحى/ عقاب جا ورحت اسلم عليه تبين شي!
كيان/ لا بس امي منيره تبيني بكلمه واحس خايفه تعالي معي
وضحى/ من متى مناديتك
كيان / من شوي تعالي نخيتس
وضحى ضحكت/ لا تكفين روحي لاتتأخرين ترا بتعصب
كيان/ ادعيلي تكفين
راحت اول مافتحت الباب ولا منيره قاعده على السرير وعليها الجلال تسبح/ تعالي ياامي تعالي
اشرت لها تجلس جمبها
كيان/ وش بغيتي
منيره/ قالي عقاب كلام بس بسمع منك وش صار على الهوشه هاه
كيان بتوتر قالت لها السالفه ومنيره كاتمه الضحكه/ طيب طيب يعني هبال ماعندكم سالفه هذا الي فهمته
كيان/ بضبط!
منيره/ زييين حنا في بيتنا هنا مابي اي مشاكل مع عماتك ولا بناتهم مابي ابد ولا ودي اهوش عليك ابد حسبت بناتي ان هشت فا امسكي نفسك اذا مو عشانك عشاني انا ان كان لي قدر لو هاه عندك ياكيان !
كيان ابتسمت/ ابشري
منيره/ وعد!
كيان حضنتها/ وعدد
مسحت منيره على راسها / يلا تجهزي في عزيمه وريني لبسك اول وحده
كيان/ من عيييوني
ضحكت منيره وطلعت كيان/ اهخ ياعقاب اجل ذي معوره راسك ذي ذهبه !!
عند الرجال استقبلو عمامهم وسياراتهم كانت فخمه نزلو البنات يسلمون
هيام/ كيفك عقاب
عقاب / بخير وانتي
هيام/ بخير دامك بخير
زفر عقاب/ شلونك عمتي
الجوهره ام هيام وجمان/ بخير حمدالله
قايد/ حياكم حياكم
جو الصغار يركضون ويسلمون بحب قعدو ودخلو الصبابين يصبون عقاب/ يبه وشوله واحنا وش شغلتنا
قايد/ اليوم بريك ريحو واستانسو مرهه
بتال حب راسه/ تسلم يبه
حط قايد بجيبه خمس ميه/ والله ماترجع
بتال/ يبهه
مسكه عقاب/ خذها ولاباخذها
بتال/ انقلع بس لي
ظحك قايد/ مسوي فيها مرجله ياحنضل
كلهم ماتو ضحك/ ههههههههههههههههههههههههههههههههههههههههههههه
لف عقاب وانصدم انهم سمعو وبتال تفشل وقعد / يلا خذلك عمامك ولقو لهم سالفه
عقاب/ يارجال لاتعطيهم وجه
عند البنات وقفت هيام تنزل عباتها كانت لابسه احمر قصير من قدام ومن ورا طويل واكمامه قصيره وحاطه كحل ومتزينه طالعه حلوووه جتها شريفه/ كيفك هيومه
هيام/ هلا روحي تمام وانتو كيفكم
سلوى/ بنات بنت الديره هنا جت
ظحكت هيام/ ومن ذي بعد
سلوى / خبري خبرك بس تو سمعتهم يسولفون عنها
هيام/ لاكدينا خير ابي اطلع الترف عن عقاب تجي وحده ثانيه
شريفه/ يمهه الغيره تروعين
هيام/ اي حبيبتي الا عقابي
ظحكو وراحو يسلمون
عند كيان جلست بضيق وقررت تنام دخلت الجود/ هاااييي
كشرت/ كيان! شفيك
وضحى/ ناامتت!!
سحبت الترف البطانيه / بنت شفيك
كيان بزعل/ ماعندي فستان زي الاوادم واخاف يجاكروني بناتكم
الجود/ معليك منهم يخسون انتي تسوينهم قومي بس بنت سلطان تخاف
الترف/ قومي الله يصلحك بس عندي لك فستان مجنووون تعالي
سحبتها الغرفه وطلعت كم فستان اول واحد احمر على عنابي طويل وحبل والثاني اسود ماسك وحبل والثالث تنوره طويله بيضا مع بلوزه ماسكه بيضا بعد وطالع بطنها
كيان / ابي الاسود
الجود/ لا قبل اسود عندي لك واحد يهبللل
كيان / ابهريني
طلعت فستان احمرررر قصير فوق الركبه ومنفوش شوي وحبل من الاكتاف
كيان شهقت/ ياويلي ويلاه انهبلتي!!! تبين البس ذا
الترف/ والله انك جبتيهاااا بتصيرين ملكههه
دفتها وضحى/ يلا يلااا قدامي البسيه يلاههه
كيان بقل حيله/ بنات مره قصير
الكل طنشوها ودخلوها تلبس غصب ينتضرونها بحماس
طلعت وهي صدق تفتن الترف/ تبارك الرحمن يا كيان ماشاءالله تهبلييين
وضحى/ الله يعين عيون الناس
الجود/ تهبلييين
كيان دارت/ صدق!
الجود / الله مسرع خذتي كلامنا
كيان/ من عاشر قوماً صار منهم
وضحى/ مالك الا اسبوع ياكذبك
الكل/ ههههههههههههههههههههههههههههههههههههههههههههه
طلعو البنات وتركوها تتجهز براحتها حطت من عطرها المفضل وكحلها الي يبرز جمال عيونها السود الوساع الروج الاحمر الطاغي على ثغرها شعرها المموج شامتها الي قريب تحت شفتها كانت فاتنه بكل ماتعنيه الكلمه لبست كعبها ونزلت
