وضحى/ متى اخر مره شفناها اظن لمن كانت ب الثانوي حتى مره وحده
الترف/ اي يقولون عمي مانعها من الدراسه والمدن
نوره/ ارحمها والله متعلقه ب ابوها مره لو تركها من لها مايفكر
منيره/ اي والله تقطع القلب
نوره/ ماتفكرون نسوي عزيمه ونعزمهم
منيره/ وييين مايجون قبلهم يتعذرون يبونا نجيهم بس
نوره تنهدت/ الله المستعان
في الديره
سلطان/ كيااان
كيان / سم
سلطان/ ترا عيال عمتس بيفلحون عندنا جهزي الفرش في السطح
كيان / ابشر وانا برقد عند نوره
سلطان/ زين
راحت وفرشت في السطح المراقد وجهزت العشاء تعشو وخلصو ورقو يرقدون حسين/ نضامهم كئيب ولا احد ينام الحين
عقاب/ هذا النوم الصح
بتال/ اي والله
انسدح/ اوف والله النومه حلوه ماتوقعت
حسين راح يجرب/ اي والله
عقاب/ بزارين انتم ارقدو بس والله يوم متعب
رقدو كلهم
اما عند كيان لبست بجامه كانت مخبيتها عن ابوها وكانت شورت حرير بيضا وطلعت العود حقها وراحت لنوره
تطق الباب وقالت بهمس/ نوره نوره
فتحت الباب/ جيتي تعالي تعالي
اول مادخلت ولا في سلوى مجهزه العده
كيان وش ذا ضحكت نوره/ بنسمر اليوم
نقزت بفرح/ اماااانه
نوره/ والله روحي غيري بجامتس لاتنلعنين من الحريم
راحت تبدل ولبست جلابيه حمراء ونزلت ب العود حقها
وبدت تدق ب العود وتغني ( لكتب على اوراق الشجر سافر حبيبي وهجر .. ياحبيبي دخلك عود..بيكفي غياب وسفر.. لكتب على المفارق الله يعين اللي مفارق .. ويا مرسالي اللي مارق . ودي لحبيبي ودي لحبيييي خبر.. وبدو يرددون وراها / لكتب على اوراق الشجر سافر حبيبي وهجر .. ياحبيييبي دخلك عود.. بيكفي غياب وسفر .. ياحبيبي دخلك عود وتعالت اصوات التصفيق والحماس
نوره/ صوتك يهبل تكفين مره ثانيه
الكل / اي تكفييين
استحت كيان/ والله حلقي تعبان مقدر مره الجايه
سلوى / عمري المستحييي
جابو الحطب والنار وبدو يطقون ويرقصون بحماس
( حيا الله اللي يغيب ويسرع الرده . حيا الله الي يغيب ويسرع الرده
اللي يجيني الى منه تبطاني
البيت ذا خابرن مظنوني يعده
وان غبت بالبيت ذا قام وتولاني
فز عقاب / عيال
بتال/ همم
عقاب / تسمعون
حسين/ ايش
بتال فز / سامرييي!!
عقاب/ اييه اسمع
حسين قام يهز كتفه
عقاب/ يحمار مو كذا
فزو من سمعو صراخ سلطان / كيااان
رقى سلطان / هي وينها ذي بتذبحني
عقاب/ شبلاك
سلطان/ كيان مدري وينها مهب فيه وبيأذن الفجر مارجعت
قايد/ يارجال تعوذ من ابليس
سلطان / اص اص
بدا يتسمع وابتسم / ايييه ايييه
قايد/ سامري وقت الفجر ؟!!
سلطان/ ذي كيان اكيييد
قايد/ بنت وش لها ب السامري!
سلطان/ جنيه ذي جنيييه وخر بس وخر جب العصا
نزل بعصاه والعيال وراه يهدونه
انفتح الباب ولا معها العود شبصت مكانها بخوف / ي . يبه
سلطان مسك راسه/ العود شيسوي معك من وين جايييه هاااه
كيان بتوتر/ عند نوره ليه!
سحبت العود ورا ضهرها
ومسك يدها ولفها لين طقت ضلوعها وصرخت بألم / ااااءءء يديييييي
سلطان سحب اذنها/ مره ثانيه فكري بس تروحين تتمرقصين ولا تدقين عود فشلتيني الله يفشلك انقلعيييي
قايد مسكه/ انا ماشي للبيت بنتك نزلت روسنا يا سلطان
سلطان/ ماعاد لي وجه الله يحفضكم
دخل وهو منزل راسه بضيق
حسين/ مسيكينه والله
عقاب/ ازين تتعلم كلها كسور ترا
بتال/ صادق
ذي السالفه كانت قدييمه كانت اعمارهم ب العشرينات من بعدها ماطبو الديره وسلطان صاير عصبي ب زياده
