كيان شهقت/ لاتصارخ الله ياخذك لاتصارخ ابوي ابوووييي الي مات وانا مالي احد غيره ابوي
عقاب زفر/ هاه
كيان بكت/ شفت شفت لو آنك جيت تسألني بس انت صعبتها علينا كلنا انا عزيزة نفس ياعقاب كبريائي مايسمح لي اقعد دقيقه وحده بمشي ولا برحعلك حتى بأحلامك انساني وتزوج حبك الاول واسعد فيه وجب عيالك الي متشفق عليهم روح
عقاب/ كيان لحضه
طلعت ملابسها وحطتها ب الشنطه مسك ذراعها/ بنت
صرخت / بعد عنيييي
عقاب/ تعبان قسم ب الله شفت الموت لاتخليني يابنت الناس عجزت افكر عجزت استوعب يوم كان كانه سنه من شفت الرساله طلع الشيب براسي
كيان/ احسن احسن خليييك
خذت عباتها/ تدل بيتنا ورقة الطلاق توصلني
جلس على السرير من حس بألم في كل جسمه تأوه بألم وطلعت كيان وهي تبكي
الجود/ كيان شفيك
كيان / اسألي اخوك خطب هيام
الجود شهقت/ ايييششس؟؟؟؟
لبست عباتها وطلعت لحقتها الترف/ طيب تفاهمو مايصير كذا
كيان/ مالك دخل وخري
ركبت السياره مع السواق ونزلت الديره وهي تحس بثقل في صدرها وضيق وقفها عند بيت سلوى نزلت وهي منهاره تبكي ب الحوش فزت سلوى من صوت البكاء ونزلت ركض/ مننن؟؟؟
كيان/ سلوووى
سلوى/ بسم الله عليتس قومي قومي
قامت وهي تبكي وتشاهق سلوى/ اسكتي واشرحي لي وش صار
بعد ساعه من الصياح هدت وعلمتها الي صار حضنتها سلوى ونامت كيان من البكاء على رجولها بكت سلوى من الي صار لها ماتحملت تشوف كيان ضعيفه كذا
غطتها ونامت وهي حاضنتها
رقت الجود رفست الباب/ كلام كيان صح؟؟!!
عقاب وهو طايح على الارض بألم شهقت من شافته وركضت تنادي قايد / بسم الله عليك نادي حسين يساعدني نوقفه بسرععههه
ركضت تناديهم وجو وهم مخروشين/ شفيييه
رفعوه على السرير وجسمه كله معرق وحرارته مرتفعه
جابو له كمادات خفت حرارته
منيره/ شجاه وين كيان عنه
الجود وهي تبكي/ كيان راحت تقول عقاب خاطب
قايد مسك راسه ومنيره نزلت راسها بضيق/ اخ انا وش اسوي بعمري كله منك ياقايد كان رفضت ليش كذا ليييش
عقاب بصوت مبحوح/ افصخو الخطبه مابيها مابيهاااا
قايد/ بكيفك هو تحسب كل شي بهواك هاه
بتال/ بس بس يايبه بنفصخها وخلصنا
منيره/ ياويلك تنطق بحرف هو من اول مابغاها
عقاب/ يمه كلشي صار بسرعه فهمتها غلط وخلاص انا مابي الا كيان
منيره/ طيب بروح اكلمها اشوف وين راحت البنت مالها غيرنا ارتاح
نام وهو قلبه متقطع ومكسور
كلمت كيان بس ماردت
رجع حسين وقال ل ملاك الي صار عشان تقول لكيان الي صار وترجع
الصباح تروش عقاب ونزل / سلام عليكم
الكل / وعليكم السلام
قايد/ فصخناها
عقاب/ زين انا ماشي
منيره/ على وين
عقاب / مشوار وراجع
الجود/انتبه لنفسك
عقاب/ حسين قم ودني مااقوى
حسين/ يلا امش
ركبو حسين/ وين تبي
عقاب/ بيت سيف
سلوى/ كيان قومي
كيان صحت / كم الساعه
سلوى/ الساعه ست المغرب يلا يكفي نوم
كيان/ زين زيين
جهزت سلوى القهوه / كيفك الحين
كيان دمعت عيونها/ شلوني اظن واضح اني مو بخير ابد ياسلوى اخ بس لو اعرف من ارسل الرساله بس
سلوى/ بتعرفين بتعرفين ان شاءالله بس تبين الطلاق جاده
كيان/ مدري مدري احس اني ضايعه
سلوى/ تعوذي من ابليس لاترجعين له الحين شوفي هو بيتمم الخطبه ولا قبل بعدها شوفي مع ان شوري تبقين معه عقاب يحبتس
كيان/ ماذبحني الا حبه اخ بس
طق الباب صيته/ افتحو
فتحت وفزت كيان/ صييتهه
قامو يسلمون على بعض بشوق/ شلونتس
كيان/ حمدالله وانتي
صيته/ من شفتس صرت بخير
خذتهم السوالف والضحك لفت كيان/ صيته
صيته/ هلا
كيان/ ابيك تدورين لي وحده مرسله لعقاب رساله كذب وخربت بيتي
شهقت صيته/ امااانه صادزه وانا اقول وش جابتس
ضحكت كيان/ وجع
صيته/ ماطلبتي شي يالأميره ابشري بعزتس
كيان/ كفو بروح اسوي الشاهي ونكمل سوالف
سيف/ كلكم غلطانين انت فهمت غلط وهي ماتفهمتك الي تسويه راضها ياعقاب هي عزيزة نفس جب لها شي يسوى
عقاب زفر/ لو تبي روحي عطيتها بس قويه ياسيف مقدرت عليها
سيف ضحك/ اخيراً احد قواك ياعقاب
عقاب/ والله انك فاضي ياسيف
سيف/ نمزح ياخوي بس جب لها ذهب ورح اعتذر لها ولا اطلب الله اذا مارضت اذبح عمرك
رمى عقاب المخده عليه/ وجع ياحمار
ملاك/ طيب بكلمها اشوف
صيته/ كيييان
كيان وهي ف المطبخ/ نععممم
صيته/ ملاك تتصل عليتس
سلوى/ عطيني اوديه لها
كيان/ هلا
ملاك/ كياني شلونتس
كيان/ بخير ياروحي وانتي
ملاك/ حمدالله بكلمك في موضوع فاضيه
كيان/ افضى لعيونتس وش عندتس
ملاك ضحكت/ عقاب ..
قاطعتها كيان/ اذا على عقاب اجل مع السلامه
ملاك / صبر صبر اسمعي طيب
كيان بضيق / اخلصي
ملاك/ امس تعب ب الحيل رفعوه العيال و عمي من الارض ب اليالله يبيك وشاريك ياكيان وتراه فصح خطبته من هيام على طول من طلعتي
كيان بفرح وحزن بنفس الوقت/ اذا كان بخاطره كلمه ويبي رضاي يدل البيت يا ملاك سلام
سكرت ورجعت تقول لهم صيته/ ياعمري يبيتس يالثوره
كيان/ يدل البيت خلصنا عاد يودي لي ملاك تحسي عنه مب عقاب ذا
سلوى/ عجيبه والله
اذن المغرب
حسين يلعب عقاب ويضحك معاه/ يلبيه اموت على السمار انا
ملاك/ جيناتي ماتمزح
ظحك حسين/ اي والله اخ بس
نزل عقاب هو وبتال الديره عقاب / انتضرني لا تمشي
طق عقاب الباب جت كيان ويدها مليانه صابون/ ميييين!!
فز عقاب/ عقاب
كيان بضيق/ خير شتبي
عقاب/ افتحي الباب
كيان/ لاء منب فاتحه عندك شي قول ماعندك الخلا
عقاب ضحك/ ترا بطمر الجدار
كيان/ ايه احسن عشان تتكسر
عقاب ضحك ورقى على البلك وطل عليها من الجدار/ وخري لاانقز عليك
كيان شهقت/ مهبول انت والله إنك منتب صاحي انزل انزل بفتح لك
نزل وهو يضحك كيان/ وش الي يضحكك هاه
عقاب/ ليش متغطيه!
كيان/ مب شغلك اخلص
عقاب/ عند الباب؟
كيان/ شرايك يعني بمجلسنا !
عقاب/ ازين لو غرفتك
رمت عليه الليفه/ والله لو ماتقول الي عندك وتخلصني
قاطعها/ فضحت خطبتي من هيام
كيان/ والمطلوب؟
عقاب ابتسم/ ترجعين لي
كيان/ بذي السهوله؟
عقاب حط بيدها اكياس براندات وذهب / تكفي؟
كيان بزعل/ لاء
عقاب ابتسم/ اسف
كيان رفعت راسها/ ايش؟
عقاب/ اسف مليون مره سامحيني ياروح عقاب
كيان ظحكت/ ادري ان صعبه عليك تقول كلمة اسف بس ادري بغلاتي عندك واشوف نفسي سامحتك ياعقاب !
فز/ صادقه!!!
كيان ظحكت/ انا لي غيرك ؟
شالها ودار فيها / اخ الله ياخذني عنك
كيان ظحكت/ نزلنييي
نزلها / يلا تجين معي
كيان/ والله مشتاقه لبيت ابوي اجلس وبكره نمشي عندك شي؟
عقاب/ لا بجلس
كيان ظحكت/ اجهز الشاهي ؟
عقاب/ بطني مليان شربت لين اذنت
كيان ضحكت/ اجل امش نام ترتاح شوي
دخلو الغرفه ظحك عقاب من شاف صورها وهي صغيره/ ياربي وش ذا من يومك نتفه
كيان / بدينا ب الشماته !
عقاب باس راسها/ بس مزيونه
ظحكت/ ادري
دخلت تبدل وطلعت ولاه منسدح ويشوف البوم صورها ويتأمل كيان/شرايك
عقاب/ قمر تعالي بحضني
جت وهي تحس نفسها بتطير فرح/ بسألك وجاوب بصراحه
عقاب باس يدها/ اسمعك
كيان/ صدق خطبتها لاني ماجبت عيال لين الحين ؟
عقاب تنهد/ لاء بس من عرفت كل الي فكرت فيه اني ولا شي عندك انقهرت قهر الدنيا قلت بأوجعك على قد جرحي منك بس طلع كل شي غلط ومو صحيح حبي اكبر من اني افكر بشي كاتبه ربي وانا مااعترض على الي كاتبه ربي لنا ابد
كيان/ تحبني؟
عقاب ظحك وحط راسها بصدرها/ كلمة احبك شويه على كثر الي بقلبي انا مااحبك وبس انتي لو تبين قلبي عطيتك
كيان جلست تلعب بشعره وحضنها بقوه و..🐸
هيام بصراخ/ كيييف لعب عيال هو
ابراهيم/ عمك يقول خطبك بدون علمه وهو رافض
كوثر/ زين ليييه
ابراهيم/ مدري بس يقولون كيان ماتحمل وشاف اقرب وحده وهي بنتك المطفوقه
كوثر/ هيييهه هيه بكيفهم هم
هيام ببكاء/ ليش حظي كذا ليه؟؟؟!
جمان/ من اول هو ميت على زوجته
هيام/ انتي اش ولا كلمههه
حسين/ انا طالع تبين شي
ملاك ابتسمت/ سلامتك
حسين/ نامي وارتاحي وصل
ملاك/ ابشر
منيره / الترف
الترف/ هلا
منيره/ جميله ودي نفاسها لوها حاطته هنا ازين لها
الجود/ يمه عندها عمه الجوهره
الترف/ايه وهي مستانسه وهذا اهم شي
منيره/ مدري عنكم عاد بس ماجازلي ابد
الجود/ تكفين يكفينا عقاب وصياحه بعد بزر ثاني
الكل/ ههههههههههههههههههههههههههههههههههههههههههههه
قامو يرقدون من طفى قايد الانوار الترف/ تصبحون على خير
الكل/وانتي من اهله
صحى عقاب من جواله الي ماوقف اتصالات/ هلا
حسين/سحبت علي اشوف عساكم تذابحتو
عقاب ظحك/ انا الي بذبحك وش تبي
حسين/ بس بتطمن لايكون ازعجتك
عقاب/ لا بخير تطمن
سكر حسين ولف عقاب يطالع كيان شعرها المحوس على وجها متلحفه ب البطانيه بعد شعرها وباس راسها ورجع ينام بحضنها
الصباح صحت كيان ولفت تدور عقاب فزت من دخل وغطت نفسها بسرعه ضحك عقاب/ وش تغطين في شي جديد ماشفته؟!
كيان بإحراج/ عقااابب
ضحك/ تعالي يلا الفطور ياقمري
كيان ظحكت/ انت مسويه؟
عقاب/ اجل
بدلت كيان وطلعت ولاه فاصخ تيشرته ومركز يرتب الصحن بشكل احترافي ظحكت/ الله شيفنا الحلو وش مسوي
ابتسم/ تعالي شوفي
جت ولاه مجهز الطاوله وحاط مفرش ابيض وشموع كيان ابتسمت ودمعت عيونها من جمال عقاب واهتمامه في التفاصيل الي تجيب راسه/ الله ياعقاب مره جمييل كل شي حلو منك
سحبها لحضنه/ لأجل العيون السود السمع والطاعه يابنت سلطان
كيان ظحكت/ دام قلت بنت سلطان اجل انك زعلان علي قول
عقاب ابتسم وقرب خده تبوسه ظحكت/ نونو انت
عقاب/ اوريك
كيان ظحكت / لا امزح
عقاب/ تمزحين اجل هاه
سحبها ودغدها بقوه لين ماتت ظحك/ خلااااص!!!
عقاب ميت ضحك/ واحد صفر
كيان/ انقلع بس
سحب اذنها/ ماتوبين
كيان/لاء
سحب الكرسي وجلسها / ب العافيه
كلو وطلع عقاب للمدينه مع كيان
