مرت ساعات ولا طلعت الدكتوره الكل هجد ويستغفرون المخيم فضى الكل رجع بيته ويدعي عشان كيان حتى كوثر الي تكرها تدعي لها هيام بغرفتها منهاره من الي سوته والكل متوقع انها خايفه بس اما عند الجازي تبكي وتحلف انها مب هي والكل ماصدقها ويدعون عليها الا سيف خذها معه بعيد عنهم / الجازي بسألك وقفي بكي يرحم امك
الجازي شهقت/ والله موانا انها هي والله
سيف حضنها/ مصدقك والله مصدق بس شلون بيصدق عقاب والله يذبحك ويذبحني
الجازي/ عندي دليل بس تصحى كيان والله لاحطه بعيونهم
مسح على راسها ونزلو من السياره نامو بعد تعب وبكى من الجازي وخوف على كيان وسيف يهديها لين نامت
عند عقاب
جالس في البر مكان خالي مافيه احد طلع زقارته ونزلت دمعته مسحها وتلثم ب الشماغ وكتب بيت( يادمعة رجيتك لاتطيحين دمعتي سالت على خلي الي سكن قلبي واحتله هو انست الروح وبهجت فؤادي يالله من سابع سماك انزل علي رحمتك وارفق بقلب عبدك في مغليه تراه ان مات ماتت معه روحي ) بعد مرور ساعات جمع شتاته وراح للمستشفى كان مجهز نفسه لأي خبر يسمعه
كلهم فزو من جا / عقاب
عقاب/ نعم
الجود/ انت بخير فيك شي
قامت وضحى تحضنه/ انتبه لعمرك ترانا نحبك والله
حضنهم وجاب لهم مويه باس راس ابوه وحط راسه على يد امه/ للحين ماطلعت
منيره مسحت على راسه/ ايه للحين مالنا الا الدعاء ادعو
بعد مرور ست ساعات طلع الدكتور / الف سلامه عليكم جميعاً
فز عقاب/ شلونها
الدكتور/ لا الحمدلله كويسه وقف النزيف وبس عشر غرز في الراس تحتاج راحه وابغا توقعون على ورقة التنويم
الكل ضحك وحضنو بعض/ حمدالله حمدالله
سجد قايد وبتال رمى شماغه/ حااييي عينها حرم عقاب
الكل/ ههههههههههههههههههههههههههههههههههههههههههههه
عقاب/ عسى افراحنا دوم
الكل / اميييين
راح عقاب يكمل اجرائاتها بسرعه يبي يشوفها الحين قبل اي شي
خلص من الاجرائات وراح لها
دخل عقاب وضحك/ نايمه!
منيره ابتسمت/ ايه ياعمري
الترف/ ام العيون الوساع نايمه واحنا منخبصين
ضحك قايد/ قايلكم قطوه
الكل / ههههههههههههههههههههههههههههههههههههههههههههه
عقاب/ بس لاتزعجون زوجتي
قايد/ ورع استح
عقاب/ ترا الي جمبي زوجتك
قايد/ ويعني!
عقاب/ يعني افهمها
طارت عيون قايد/ انت طار عقلك ولا وش
منيره/ بس انت وياه عقاب عيب وش هالكلام
الجود ظحكت الترف/ ماش ياعقاب
عقاب ضحك وطالع فيها / اقومها
وضحى/ حرام عليك خلها ترتاح
كلهم واقفين عند راسها ينتضرونها تصحى بعد عشر دقايق فتحت عيونها بشويش وهمست/ ع. عقاب
شهقت وهي تسحب البطانيه على وجها/ ننادوووه نادو عقاااب
فز بسرعه ومسك يدها/ انا هنا عندك عندك
ناضرت فيه/ لاتخلوني تكفون مابي اموت
عقاب مسح على راسها / انتي بخير ياكيان بخيير بسم لله عليك
ابتسمت من باس يدها تنحنح قايد/ عساك بخير يابنتي
ظحكت / ابوي !
قايد راح وحضنها/ خوفتينا عليك يابعد ابوي وامي انتي
كيان/ بسم الله عليكم مامن خوف علي انا حرم عقاب
ضحكو عقاب والجود/ اخيراً
كيان بعبط/ وشو !
عقاب قبص خدها/ خلصنا من الليل
كيان / بس ترا حتا الليل حلو
ابتسم / الي تبين سميني
ظحكت/ بسميك عقاب
نزل يبوس راسها وتنحنح/ معليش بس ابي خصوصيه شوي مع زوجتي
قايد/ زوجناه وبلشنا به
طلعو وهم يضحكون عليه
عقاب قرب وباسها بقوه وبكل حب/ سلامات يام عزام سلامات
كيان انصدمت/ عقااب!
عقاب قرب منها/ عيونه وقلبه وروحه وكله
كيان قربت وباست خده/ خفت!؟
عقاب زفر/ شوفي حالتي انتي بس!
كان ثوبه كله تراب ويده دم وشعره محوس والشماغ على كتفه
ناضرت فيه وضحكت عقاب / تمونين يام عزام تمونين
كيان / مزيون الله يحفضك
عقاب/ تمدحين ولا تطقطقين!
كيان/ اكيد امدحك
ابتسم / اشتقتلك
كيان/ حتا انا من يصدق اننا بنموت في بعض قد كذا
تنهد وحط جبينه على جبينها وتخالطت انفاسهم في بعض/ تصدقين ليتك طلعتيلي اول وحده قبل الكل كان الحين عيالنا يلعبون حولنا
ضحكت/ من وين طالع بعزام انت
عقاب/ اول ولد بسميه عزام قولي تم بلا عناد
كيان ابتسمت/ لأجل الشوارب السود السمع والطاعه
ضحك عقاب/ ذي حقتي بعدين ترا عيوني سود قولي العيون
كيان/ تبشر وش تبي انت بس
حنضها وباس راسها
كيان/ كأننا خليناهم ينتضرون كثير
عقاب/ اي قولي مليت منك
كيان/ لا والله
ابتسم وراح يناديهم قايد/ لاكان رقدت بعد
عقاب/ والله ودي
رجفه بتال/ ورع شلونها
عقاب/ فل الفل
حسين/ خبل انت تكلم زين
عقاب/ طيبه حمدالله بس في حساب بصفيه وارجع وقفته وضحى/ اسمع من كيان السالفه اول بعدين
عقاب/ مابيها تضيق ياوضحى
وضحى/ اجل اصبر حرام الضلم ياعقاب
تنهد/ زين زييين
تطمنو عليها ورجعو منيره/ عقاب رح ارتاح انا بجلس
عقاب/ يمه رجلي على رجلك والله ماخليها
قايد/ ولد شف شكلك انت مخبوص رح تروش وصل وارقد وريح بخير هي
حاولو فيه غصب لين وافق/ بس بشوفها قبل
دخل ولاها نايمه باس شامتها الي تحت شفتها وطلع وهو مرتاح مره بتال/ يلا ياوحش
عقاب/ شعندك
بتال/ ابد سلامتك بس وراك معاند كانك بزر مهب طايره مرتك
عقاب/ وش دخلك الا بتطير عيونك وانت تطالع في بعض الناس ( يقصد الترف)
الترف توترت/ بنات انا بروح تبون شي دقو علي
عقاب/ يوديك بتال
ابتسمت الترف وهي داريه بنغزات عقاب/ لا ابوي برا سلمني على كيان
عقاب/ سلميني على بتال
الكل / ههههههههههههههههههههههههههههههههههههههههههههه
الترف/ وجع ياعقاب وجع عمي ذا صدق طاير عقله
ظحك قايد/ حتنا سلميني عليه
الترف ضحكت بقل حيله وطلعت
بتال/ يبه احرجتو البنت
قايد / لاتصدق عمرك بس
بتال/ سم
حسين يتطنز/ يبه احرجتو البنت خف علينا يابو قلب رهيف!
عقاب مات ضحك ركبو السياره وطول الوقت مناقر
نزل قايد ب العصا وفتح الباب الي ورا حسين وعقاب ميتين ضحك ومستلمين بتال طول الوقت نزل عليهم ولشطهم ب العصا / ورع بس انت وياه ولا والله لأنزلك طاعون وش عرضكم وطولكم وش خليتو للبزور هاه
عقاب/ ابشر
حسين/ يادلخ قل سم
عقاب/ كل تبن بس
مسك قايد راسه/ وقدامي بعد خذ شماغه ولف يدينهم
عقاب ضحك/ يبه ترا عمري٣٣ وتربط يدي
الكل / ههههههههههههههههههههههههههههههههههههههههههههه
قايد/ اص ولا كلمه راسي مصدع والله لانحركم
حسين/ لابس دام نحر بنسكت بس قلي كيف الترف
التفت قايد بعصبيه وصفق حسين كف والكل بعدها هجد وعقاب ماسك ضحكته لايفرشه ابوه وبتال معصب
الصبح عند كيان صحت وجات منيره/ صباح الخير ياقمر
كيان بأبتسامه تشلع القلب/ صباح النور مامي
منيره ضحكت / الله مامي !!
كيان/ عادي اقول؟!
منيره باست راسها/ الي تبين قولي احس اني صغيره لاقلتيها قوليها كل شوي
كيان / ابشرييي
دخلت النيرس معها الاكل كلت كيان وخذت جوالها تشوف اذا عقاب ارسل لها شي منيره تقرا قرآن لفت كيان/ مامي
منيره/ صدق الله العضيم، عيوني
كيان ابتسمت/ ع. عقاب هنا!
منيره ضحكت/ وش تبين فيه امس باليالله طلعناه للبيت
كيان/ بس ودي اشوفه حرام شكله واضح منخبص وخايف علي ودي اطمنه
منيره/ ارسليله صوره
كيان / صح
صورت وهي لابسه لبس العمليات وشعرها المموج صح وجها تعبان بس طالعه حلوه ابتسمت وصورة كتبت( تراني بخير شوف قاعده اكل ماوحشتك تجي!)
قام عقاب من صوت المنبه سكره وفتح جواله على اول صوره فز وابتسم من شاف الصوره( حي ذا الوجه جايك ياقمر)
قرتها وابسمت / يمه
منيره/ سمي
كيان/ متى خروجي
منيره/ اليوم ان شاءالله ولا بكره
كيان/ ابي البنات اشتقتلهم
انفتح الباب ولفو كلهم شهقت كيان من شافت سلوى ونوره بيدهم الورد حضنوها ويضحكون/ كيان شبلاكم!
نوره/ سلامات ياكيان بس من فاقش راستس جعله البلا
كيان ضحكت/ امييين
دخل عقاب وتغطو على طول/ سلام عليكم
قامت منيره تاخذ من يده الورد/ وعليكم السلام
خذت كيان الورد من منيره وشمته/ الله عقاب الورد المفضل عندي كيف عرفت
عقاب/ اجل ماعرف
راح يبوس يدها / كيفك اليوم
ابستمت / بخيير
الكل/ حمدالله
تنحنت سلوى/ سلام
عقاب لف/ معليش ماشفتكم وعليكم السلام انتي نوره
سلوى/ لا سلوى ذي نوره
عقاب/ حياكم
بعد على الكرسي وهو يطالع بكيان ويسمع سوالفها معهم جت منيره/ اطلع ياخذون راحتهم البنات
كيان/ لاخليه لايروح
منيره تنهدت/ بكيفكم!
ارسل عقاب لها بوسه واستحت
سلوى/ يابنت انا من اسولف معه
كيان/ اقول اسلمي بس
سلوى اقولتس ترا عدي ناوي ثانيه على راس نوير
نوره شهقت/ صادقه!!
سلوى/ ايييه وشفته في بيت سوير طالع ب بشته
مسكت كيان جوالها/ بألعن خامسه الحيوان
كلهم ماسكين الضحكه
رد / هلا والله ب الزين كيفك
كيان/ راسي مفقوش ولا جيت تقول اختي باتطمن بعدين وش لك بسوير هاااه ام القمل الخايسه ها
عدي/ معليش ياخالة ولدي معليش
كيان/ هاااه وش خالته اقول وش لك بسوير
ضحك/ مالي عندها شي بس فرحان ورحت اقهرها بولدي وش فيها
كيان/ اقول راسي يعورني ومالي خلق افكر وش تقول انت
نوره سحبت يد كيان وحطت بيدها ورقة الجنين / شوفي
فتحتها كيان وشهقت/ نوررههه
صاحت كيان وحضنو بعض وعدي مستااانس/ فهمتي الحين
خذت كيان الجوال/ تعال طيب اشتقتلك
عدي/ جايك جايك
نوره/ انتبه ل الطريق
عدي / ابشرييي
سكر وكيان قامت عقاب ضحك/. على وين
كيان / برقص
الكل/ ههههههههههههههههههههههههههههههههههههههههههههه
قامت ترقص وتصارخ بفرح/ اخيييراااً
مسكها عقاب وهو يضحك/ اهجدي
كيان/ بصير خالهههه
نوره دمعت عيونها/ الله لايفرق بينا
الكل/ امييين
منيره / مبرووك يتربى بعزكم
نوره/ يبارك فيك
دخلت الدكتوره/ لاماشاءالله في تحسن تقدري تطلعي
صفقت بحماس/ يلا
رجعو للبيت اذن المغرب منيره وكيان نامو من التعب والسهر
نزل عقاب / بسم الله
حسين/ افا خبصتك
عقاب / شعندك
حسين/ عندي ملاك تكفى طلبتك كلمها
عقاب/ دلخ انت مب كيان عطتك رقمها كلمها
حسين/ وان كرشتني
عقاب/ اطلب الله انا رايح
حسين/ على وين
عقاب/ بشوف الجمس اذا زين بنمشي البر ونمر عدي والعيال
حسين/ جووييي
رفع رجلينه على الطاوله وكتب/ اهلين ملاك انا حسين
ملاك وهي تطبخ وتدندن ردت/ هلا حسين شلونك مشكور على مساعدتك لي
ابتسم/ العفو ماسوينا شي
ملاك/ تبغى شي
حسين بنفسه/( يليل وش اقولها!) كتب ( وش تسوين )
ضحكت/ ( ازين رز تبي؟)
حسين صفق جبهته/ علي سؤال انا بعد( لا ب العافيه المهم بعد كم يوم جايك مع ابوي وان شاءالله اننا نشرفكم
شكت ملاك/ ( ياهلا وغلا تنورونا) خلت الي بيدها ودقت على طول على كيان / ملاك؟
ملاك/ سلامات ياروحي سمعت الي صارلك جعلها في خلف ولا فيك
كيان / اميين
ملاك/ وش فيه صوتس صحيتس؟
كيان/ لاعادي و شبغيتي
ملاك/ حسين كلمني تخيلي يسأل عن حالي وقال بنشرفك انا وابوي تكفين قولي الي في بالي
ضحكت/ ايه يالخبلا يحبتس ويبيتس
ملاك/ صدق يعني بصير معتس من الطبقه الغنيه
كشرت كيان/ ملاكوه!! انتي تحبينه ولا تحبين جيبه!؟
ملاك/ امزح وش فيتس والله
كيان/ اظبطي عمرتس بس
ملاك ضحكت/ ابشري طيب وش اسوي
كيان: معليك خليك ثقل ورزانه لاتصيرين مصرقعه مثلي
ملاك/ زين يلا سلام
عند العيال يجهزو سيارتهم للكشته رقى عقاب يشوف كيان اذا صحت فتح الباب ولاها ا
تسوي شعرها تألمت من لسعها الاستريت/ اوووتش
فز عقاب/ تعورتي
لفت وضحكت/ لاتخاف عادي متعوده مااصير كيان اذا ماحرقت نفسي
خذ الاستريت من يدها/ عطيني انا بسوي لك
كيان طالعت فيه بصدمه/ عقاب ماتعرف!!
عقاب/ شوفي بعيونك
سوا لها اول جهه وضحكت بصدمه/ تعرف اكثر منييي!!
عقاب ضحك ضحكة انتصار/ قلتلك
كشرت من جا في بالها هيام وبعدت عقاب/ وخر
عقاب رفع حاجبه/ شفيك!
بعدت شعرها عن كتفها/ مافيني شي بس كذا
عقاب سحبها لعنده/ قولي
كيان رفعت عيونها لفوق ماتبي تطالع فيه/ كنت اس
تسوي شعرها قبل؟!
عقاب ابتسم وسحبها لعنده حاوط خصرها/ لا كنت اسوي شعر الجود لانها نفسك دلخه تلسع نفسها
كيان ظربت صدره/ والله دلخه اجل !!
عقاب ضحك من قلبه وباس خدها/ امزح لاتزعلين والله اني اظيق لاظقتي
كيان ابتسمت ورفعت نفسها علشان تطوله وباست خده/ خلاص تراضينا
عقاب ظحك / لا مو ذي الرضاوه الي ابيها
قرب وباس شامتها الي عند عضمت الصدر الي فوق
ورفع راسه بعد شعرها وباس شامتها الي تحت شفتها / كذا !
كيان حبست انفاسها من كثر الخجل/عقاااب
عقاب حاوط خصرها/ لبيه
كيان/ تأخرت ينتضرونك
عقاب/ مافيها شي لو أتأخر ساعه بعد
كيان بتوتر/ يلا كمل شعري مو تقعد بدون فايده!!
ظحك/ تصريفاتك ذي قافطها والله ياهي تعجبني
تفشلت وغطت وجها/ خلااص
ضحك وباس راسها كمل لها شعرها ونزل
بتال/ شرايك لو انك نايم بعد ساعه !
عقاب / والله مهب شينه
حسين وهو يشيل/ فار عقلك انت من
ضحك عقاب/ شل وانت ساكت
ركبو سياراتهم وتوجهو للبر
دخلت الجود/ كياني صاحيه
لفت / تعالي وش عندتس
الجود/ بس بتطمن عليك شلونك
كيان/ بخير ياروحي
الجود/ حمدالله بقولك شي كيان واسمعيني زين تكفين
كيان حطت يدها على يد الجود/ لاتقولين تكفين امري
ابتسمت الجود/ اسمعي عقاب اخوي يوم انه مع هيام كان مغصوب عليها حبها مع الوقت بس مب كثر حبه لك انتي دخلتي قلبه في يوم وليله وهي خذت سنين عشان يحبها عشان كذا ارفقي بقلبه وحبيه بكل مافيك من حنيه وحب ترا ولد بدون حنان ام او ابو لولا الله ولا جدي وجدتي كان عقاب مسجون وماله ديار ضحكيه ونسيه لاتتمشكلون واجد تراه حنون وطيب تكفين لاتكسرين قلبه طلبتك
كيان دمعت عينها/ عقاب في عيوني لاتوصين يالجود انا كيان لو يرجع هيام ذبحتها وخليته حولي غصب الكيان لاحبت لاجن ولا انس بيقدرون عليها
ظحكت الجود/ اخ ياكيان ليتك اول وحده في حياته يازينك بس جعل من جابك في الجنه
كيان حضنتها/ امييين
دخلت وضحى بكوب قهوه/ اهلييين الحلو مروق
كيان/ فل الفل
كلهم/ ههههههههههههههههههههههههههههههههههههههههههههه
كيان/ شفيكم!؟
وضحى/ طلع عقاب سارقها منك
كيان/ اما يقولها!
الجود/ صاجنا فيها
ظحكت كيان/ طيب وش جدول اليوم طفشانه
وضحى/ الترف عندها اختبارات مافي الاحنا نروح نسوي كيك ونحوس في المطبخ ونطلع تهفنا الهواء ونشب نار
كيان/ يلا قومو
قامو يجهزون سوو الكيك وكلهم مليانين طحين وميتين ظحك كيان/ انا سويت القهوه وساعدت ب الكيك
الجود / حبيبتي سانتي تنضف
كيان/ اخ يالقهر نسيت عندكم شغالات
طلعو وهم لابسين فروه كيان بفروة عقاب الثانيه والباقي معهم جلسو حول النار وكيان معها العود تغني لهم وكانت ليله رائعه وخفيفه لهم ريحة الكيك والجمعه البسيطه كافيه تدفيهم مع صوت اوتار العود ولعب انامل كيان فيه كافله تطيرهم فووق
عند العيال
