مدت كيان يدها ببرود وكلبشوها شطفت عقاب وعطته نضره/ انت عقاب وانا كيان بعرفك عن نفسي انا وحده بايعتها يعني ماخاف من شي الا من الله لو ايش مسويه بأنكر ولا عندي في احد
عقاب ظحك/ وانا عقاب اخلي الاطرم يحكي
طلعت وهي مرتعبه من عقاب بس تسوي نفسها قويه
وصلو ونزل عدي / عقاب تكفى ياولد العم اختي
عقاب ظحك/ قضيتها تنازلو عنها بس ذا عقاب لها علشان لاتسوي شي ثاني مره وتخاف
ظحك عدي وزفر براحه/ الله يجزاك خير ماقصرت باخذها اجل
راح عقاب يفتح الباب وانصدم انها جالسه تبكي
كيان/ عدييي
عدي/ تبتسين وانا اخوتس!
كيان/ هو حي ولا ميت
عدي/ حي حي والله حي
كيان/ يدي تعورني فكوها
قرب عقاب يفكها/ اجل تقولين قويه
كيان بصوت مبحوح/ اقلب وجهك بس!!
نزلت وراحت طلع عقاب الزقاره يدخن دق على الفهد/ خلصنا من المهمه
الفهد/ امدا ! مو طلق نار ومدري وش
عقاب ضحك/ لالا بنت عمي متمشكله وخلصنا من السالفه تنازلو
الفهد/ زيين زين اجل توكل على الله بيتكم
عقاب/ يلا سلام
سكر وهو في باله كيان زفر وهمس بنفسه/ ( ياعقاب اعقل تراها خبلا اعقل)
رجع البيت وتنهد بضيق / يمه
منيره / متى جيت
عقاب / من شوي
مدت رجولها / تعال
انسدح على رجلها/ يمه اقري على قلبي تكفين
منيره/ شفيه قلبك ياامي هيام انساها خلاص
عقاب/ مقدر يمه مقدر
منيره تنهدت بضيق وجلست تقرا عليه لين نام
طلعت ولا الجود جايه بحماس/ يمه وين عقاب لاتقولين نام!!
منيره/ اي والله نام شتبين
الجود بزعل/ سويت له كيكه الي يحبها وسحب علي!!
منيره/ انا اذوقها ولا تزعلين
الجود/ نام مره
منيره/ بسابع نومه
جا بتال ونغز جمبها/ وانا !
الجود صرخت/ بسم الله خوفتني انت مالك شي انقلع
بتال/ افا
خذت كيكه وحطتها بفمه/ خذ
بتال وفمه مليان/ اوريييك
الجود/ههههههههههههههههههههههههههههههههههههههههههههه
ابلع اول بعدين تكلم !! غبيييي
منيره/ بس انت وياها يلا نوم
دخلو ينامون
حسين دخل على بتال بطانيته/ في مكان؟
بتال/ تعال شفيك
حسين/ بقول بس لاتعلم
بتال ضحك/ وش عندك
حسين/ احب وحده من زمان
شهق بتال/ مننن!
حسين ظحك/ ياولد لاتخوفني اول شي عطني الامان
بتال/ عطيتك قول
حسين/ احب وحده اسمها ملاك من الديره
بتال/ امااانههه اعرفها انا!
حسين/ لا شفتها ب الغلط وحبيتها ياخي وابي احد يتوسط لي علشان نعرف بعض زين ولو قلت لعقاب اخاف يفرشني
بتال/ تحبها رح اخطبها مب حركات المبزره انت جاد؟
حسين/ اي بالله
بتال/ عندي !
حسين/ كيييف!!
بتال/ رح كلم كيان تتوسط لك
حسين فز/ يلعن شكلك كيف جبتها زين ابي رقمها
بتال/ ناخذه من ابوي الحين وكلمها العصر ذي الجنيه صاحيه تلقاها
نقز حسين بفرح / يلا امش
ظحك بتال وراحو للغرفة حقت ابوهم
نرجع ب الزمن شوي من سالفة كيان من عرفو انها تطق عصبو ولما كانو راجعين ب السياره اخو ملاك الصغير ظاع دورته مالقته لبست عباتها وطلعت تركض ب الشارع بدون طرحه تدوره وتصيح سمع الصوت الي ينادي وراح بيتلقف لمح سواد شعرها وراح بيصد بس شبص من ركضت له/ اخوي اخوي الصغير شفته
فهى حسين بوجها عيونها الوساع وسمارها الي يسحر/ هاه لاء مين
فز من صرخت/ فراس وينك ياغبي ادورك
فراس/ رحت البقاله ليه تبكين
من لمح حسين خلف فز ونزل شماغه عليها/ يابنتت هوب ماتشوفين الرجال
ملاك جلست تغطي شعرها وجها ب الشماغ/ ا اسفه والله مادريت مشكور
وراحت وهو للحين سرحان جا من وراه عقاب/ ولددد اعجل بنمشي
حسين/ جاي جاييي
دخلو الغرفه وشغلو فلاش الجوال
حسين/ ولد بشويش !!
بتال/ اص اص
يمشون على اطراف اصابعهم سحب بتال الجوال من تحت الوساده بشويش فز من قام ابوه يكح بقوه وصفق ب الابجوره وطاحت مسك حسين راسه ويدور الباب بينحاش ويمسكه قايد / وش تسوي انت وياه هااااههه
بتال وزا الجوال ورا ظهره/ ي. يبه كنا نبي مويه عطشانين
قايد/ مويه عند راسي ياحمار رح نم يلا
خذ العصا ولشطهم مع رجولهم طلعو وهم ميتين ظحك بتال/ امسك ياحمار كله منك
حسين نقز/ جبتههه والله انك كفووو حي عينك ياذيب
بتال/ تسلم بس بكره نوم يلا
حسين/ ابشررر
خذو الرقم ورجعو الجوال ونامو
من بكره الصبح في الديره
قامت كيان وراحت عند الغنم مع عدي شال الغنمه وقام يلحقها وهي تصارخ / بعدها عنيييي
عدي/ بنت الديره متهاوشه مع ضابط وجالده رجال تخاف من عنز
كيان/ اقلب وجهك بس تخووف بعدها وحط لهم الاكل خن نلحق على نوير لاتموت مشتاقه
ضحك/ ايييه قولي تبين الفكه من اخوتس
كيان/ ايه ابي الفكه وش بتسووي
خذ العصا بمزح ولحقها ركضت لين السياره وجت براسها فكره انها تسوق فتحت الباب وركبت قدام / عدي
عدي / انزلي بس مافي داري عن الي براستس مافي سواقه يعني مافيييه انسي
زعلت وقفلت بيبان السياره صرخ عدي/ بنتتت انزلي ياغبيه
طنشت وشغلت السياره ظحكت وصفقت من اشتغلت مسكت الدركسون ودعست بانزين بقوه ودعست السياره وصرخت ولا قدامها شبك النياق وجات مسرعه وصدمت فيه وهجو النياق وهي تصيح وانفك الايرباق بوجها والسياره راحت فيها والنياق هجو وعدي يصارخ ورا راح يركض فتح الباب وبلياالله شافها دايخه وجها دم شهق بخوف وقام يرجف/ ك كياااننن بنت اصحي
كيان دايخه ماردت عليه ارتاع زود ويصفق وجها ماتصحى مسك راسه ودق على عقاب / ولد
عقاب فز/ بسم الله من انت شتبي
عدي / انا عدي ولد عمك تكفى تعال بسرعهه
عقاب قام يلبس بسرعه/ شفيك !!! ولد
عدي/ ك. ك. كيااان اختي ماتتت ماتتحرك الحقنييي
فز عقاب بسرعه وخذ مفتاحه ونزل ركض قايد/ ولد بشويش شفيك الفطور مهب طاير
طنشه عقاب وفتح السياره ودعس بانزين بسرعه على الديره
منيره/ هو شفيييه!
الجود/ يمه لايكون هيام مسويه مسلسل انها تعبانه علشان يروح لها و ولدك الخروف راح!!
وضحى/ تخسييين عقاب اعقل من كذا
قايد / الجود اعقلي لا اخلي العصا ترقص على ضهرك
الجود / سم ابشر
اول ماوصل ولا عدي ماسك راسه وشايل كيان ومغطي وجها
عقاب/ سلامات سلامات
عدي عيونه دمعت/ م. ماتتتت!!!
عقاب/ جبها السياره بشوف نبضبها بسرعههه
ركبوها وشاف عقاب نبضها من يدها/ لالا ماتت في نبض فييه
عدي/ تقوله صادز يلا على المستشفى سريع تكفى
عقاب/ وش السالفه شلون صار كلذا !
عدي بدا يحكي له السالفه وعقاب كاتم الضحكه/ وانت غبي تعطيها
عدي/ يارجال هي الخبلا خذتها ماعطيتها
وصلو وجو الدكاتره بسرعه ودخلوها الغرفه بسرعه يشيكون على علاماتها الحيويه / لا لا كويس في نبض حمدالله!! وعلامتها الحويه كويسه كمان بس في كم جروح خفيفه وبتطلع الان مافي مشكله
عدي زفر براحه/ حمدالله الله يطمنتس
عقاب/ مافي رجعه ل الديره مكانها عندنا يا عدي
عدي/ لا ياخوك والله تبلشكم خلها عندي
ظحك عقاب/ خليناها عندك وشف وش صار امي تبيها والله وانت شف شورها
عدي / بشوف بشوف
راح لها عدي / سلامات سلامات
غطت وجها من شافت عقاب بيدخل
عدي وهو كاتم الضحكه/ سويقه ماشاءالله
كيان سحبت علبة المويه ورمتها عليه/ ايه اضحك اضحك بدال لاتقول بسم الله عليتس تضحك اوريييك!!!
عقاب ضحك/ سلامات
كيان / وانت معه شتبي! هاه ماكفاك تبي تدخلني السجن
عقاب/ باقي مادخلتك ان كان ودك ب السجن عادي اخوك موافق ولا
عدي / ماعندك مشكله
كيان بكت / هذا الي ناقص تبيع اختك
عدي / كيان هو تبتسين امزح والله
كيان / لاتمزح والله لأروح لامي منيره واقولها عنكم والله
عقاب/ يمه لاتكفين
كيان / لاتطنز يارجال
عقاب/ افا نسيتي اسمي
كيان / شبي ب اسمك تدري بسميك اليل
عقاب / ليه!
كيان/ بس كذا لأنك متوحش وكريه ومسوي قوي
عدي ظحك بوهقه/ كيااان
كيان / ايش!!
عقاب بحده/ عدي امسك لسان اختك لااقصه
وطلع
كيان / ونفسيه بعد
عدي/ بنت اعتذري ترا هو من بعد الله الي لحق عليتس ولا كان ميته
كيان/ معصي واطلع برا
طلع عدي واعتذر من عقاب/ معليه بمشيها بس ترا مكانها بيتنا ياعدي وانت بعد
عدي/ ابشر ابشر
طلعت وخذوها للبيت فزت منيره/ عقاب شفيك
لفت من لمحة بنت/ هيااممم!!
عقاب زفر/ كيان يايمه كيان!
راحت لها ركض ورقى عقاب
منيره/ كيان شفيك!!
كيان قالت لها السالفه والبنات ب اليالله يمسكون ضحكتهم فكوها ضحك كيان/ وش الي يظحك انتي وياها
الترف/ انتي خبلا ماتعرفين تسوقين وش له الهياط
بكت كيان / يمه ترا عقاب وعدي تطنزو علي عليك فيهم
ظحكت منيره/ ابشري بي
نوره/ ياحلوك عساك عاد بتقعدين عندنا
كيان/ وانا لي غيركم
صفقت الجود بحماس / مابغيتي وحشتينا
ابتسمت بحب وراحت تبدل لبسها نزلت وهي لابسه فستان ابيض ماسك على جسمها وحبل وحاطه شال ابيض على كتفها
نوره/ هلا هلا بالحلو كيفك
كيان/ فل الفل
الجود/ الله الله وش هالزين تهبلين
بتال تنحنح
الجود/ لحضه
وضحى/ كيان ادخلي المطبخ
راحت ركض المطبخ وشهقت من شافت عقاب بوجها
فهى بوجها وهي بلمت فزو كلهم من دخلت وضحى/ تعالي راح بتال
طلع عقاب بسرعه / لعنه من ذي
حسين/ ولد شفيك
عقاب/ هاه وش مافيني شي امش نوجب الرجال بس
حسين / يالله
راحو يقهوون الرجال لين المغرب واخيراً راحو انسدحو على الكنب وغفو من التعب دخل قايد وابتسم من شافهم مهلوكين وطفى النور وطلع يرقد
عند البنات
الجود / بنات شرايكم نسمر نفس العيال
الترف/ كيف وين
وضحى/ ب السطح محد داري عنا
كيان / قدام معكم
جهزو السناكات والمشروبات والمنقد وجابو فرواتهم كيان/ بنات ماعندي فروه
الجود / لحضه بجيب لك
راحت اقرب غرفه وطلعت فروة عقاب
/خذي
كيان ضحكت/ شايفتني فيل وش طولها
الجود ضحكت/ يختي اهم شي الدفاء
كيان/ لاصادزه
