السلام عليكم
اشلونكم حبايبي ابدأ وياكم بسم الله
قصتي الجديده
( حكاية المطر )المشهد الأول
-------------التفتت عليها
ايهم....
اختي ممكن الموبايل اخابر بي
رصيدي خلص وعندي اتصال
مهمورف_ من حاجاني التفتت عليه وظليت محتاره لحظه اشلون انطي مبايلي
اخاف ياخذه وينهزم اني ما اعرفه
وكلشي يصير
وكأنه هو فهم لان شافني مترددهايهم_ عادي اختي ما ريده
ورف_ خجلت من تصرفي كلتله
لا هاك خابرايهم_ لعد انت اكتبي خلي بيدج
ورف_
الصدك انحرجت منه
ردلي الرقم واني اتصلت
هاكايهم_ افتحي سبيكر احجي من يمي
ورف..... لا هاك..... وهلمره باوعتله بدون خوف شاب طويل يطلع بنهاية العشرين شكله حلو ومرتبايهم_ باوعتله بابتسامه اطمنه مايخالف
اذا فتح خط اخذهورف_ فتحت سبيكر عدت الاتصال مرتين ومحد رد
ايهم_ ها هيه اشكرج
سكتنه دقيقه والمطر مستمرايهم _ هاي مو كيات ليش ما تصعدين
ورف_ كوستر بس توصل منطقتنه
ايهم_ ها.. انت طالبه
ورف_ اي نعم... باوعت للساعه صارت ٣
ايهم_ نسيت احمد والسياره...
شغلت
كل تفكيري هاي البنيه اشكد حلوه
اني أكدر اصعد تكسي بس ما ردت اعوفه الا تصعد كدامي
وكفت اباوع المطر مستمر بقوه والشوارع بده يزيد المي بيها
وهيه بمكانه تباوع للشارع ابقلق
ما تحركت
اجو ٤ شباب يركظون وحتمو من المطر بالمظله
كعدو على المصطبه يتشاقون وصوتهم عالي والفاظهم سوقيه
وخصوصا من شافو بنيه ووحدها
يمهم
وكفت واخزر بيهم
احس صارت مسوليتي
دك موبايله....
ورف _ الو سلام تحاجي وتباوع من الجام واخيرا اجت كوستر
لا لا تجي هيانه الكوستر اجتي
سلام_ لعد تلكيني ابراس الشارع
جايب الشمسيه الج
ورف_ انشالله راح اصعد
يله الله وياك
وكفت الكوستر...
باوعت اتقدمت هيه اول وحده
وصعدت واشوف ذوله الاربعه
هم صعدو وصارو وراها بالظبط
بخانة الوره
ما كدرت ابقه واكف صعدت وراهم
-----------------
المشهد الثانيكوثر.....!!!!
أيهم _ اشو سكتي كولي اي شيكوثر _ بعد وكت على الزواج
أيهم _ ليش شنو المانع واحنه ثنينه انحب بعضنه
كوثر _ احنه اصدقاء
أيهم _ شنو شنو أصدقاء لزمته
من كتفه بقوه كل هذا الصار بينه وتكولين اصدقاء شنو انت عندج احد غيريكوثر _ شبيك أيهم اليوم انت مو طبيعي
أيهم _ اني كلش طبيعي وجاي أعرض عليج الزواجكوثر _ واني ما ازوج... كالته وهيه
تدفعني وتشمر ايدي من كتفه
أيهم _ ماتحملت ضربته راشدي
لزمت خدهه برطمت مثل الطفل
ضربته مره لاخ
اشو هاي رفعت ايدهه وضربتني....حقير نذل
واني بعد ما شفت بعيني موتته كتل ...والله لعلمچ النذل والحقير ياهوه
وعفته وطلعت...
هاي التجربه الأولى إلى مع النساء
حبيته بصدق جنت اعتقد هيه هم
تبادلني نفس الشعور بس طلعت
مخليتني بنك يصرف عليه
وتتونس براحته بالوقت الجنت اخاف عليه من نفسي
بختصار حسيت اني جنت زوج
ومضحوك عليه
واني جنت امنع نفسي واخاف عليهعمر _ شوفه شوفه الأخوك بعده يباوع على الشاشه
يمعود الفلم خلص وين صافن
محمد _ أيهم الفلم خلص
كاله بصوت عالي وهو حاط ايدي
على حلكه يحصر صوته
أيهم _ لاااا
عمر _ لا بلله !!! على اساس جنت اتابعه عمي انت غركان اتلاحك اخوك محمد
محمد _ بالعافيه عليه شسويله يعني
أيهم _ شيخلصه وياك عمر راح اظل اتنگ علما اطيرهه
عمر _ اكوم اروح لا انگ ولا الي شغل
رفع ادي مسلم
يابه شكرا على السهره---------------
المشهد الثالثصيطره وكفونه
وطلبو هوياتنهانطيناهم الهويات كل ضنه هاي تابعه الجيش
كلهم مغطين وجهم بكليته سوده
تقدم واحد منهم وكال انزلو
عمر _ ليش احنه مهندسين شنو متقره
المسلح_ التفتت عليه خزرته
قريت وعرفت انتو مهندسين نفط
انزلو وايديكم ليفوك
ايهم _ لبسهم عسكري حجيهم عراقي بس ملثمين بكليتات سود
نزلنه واحنه واحد يباوع على الثاني ما نعرف شنو فلمهمبكر _ اذا تردون تتاكدون اتصلو بهذا الرقم احنه جنه باجتماع وهسه راجعين
المسلح _ ماكو داعي احنه ندري جنت باجتماع
يله على السياراتعمر _ اني ما اتحرك منا
وين ماخذينهبكر _ انتو مو جيش صح...؟؟
المسلح _ صح ويله بسرعه اصعدو
ايهم _ منو انتو احنه مدنين
باي حق تاخذونهالمسلح _ صاح يله على السيارهههه
بكر كان طويل وجسمه رياضي
جيت على واحد منهم وراد ياخذ السلاح مالته
تلاوه ويا ثارت طلقه ضربت بكر برجله
وكع بالكاع وبين الصياح والهوسه اللتمو علينه
شدو ادينه
وصعدونه تحت تهديد السلاح
مشت بينه السياره واحنه عيونه على بكر ظل لازم رجله
ويتألم
مشت السياره بطريق ترابي
قليله بيوت وبعيده ومهجوره
تيهنه هسه احنه وين مندري
نعرف اكو عمليات وجيش واكو داعش
بس احنه شلنه علاقه نبقى مدنينحوالي ساعه تمشي السياره إلى أن وصلنه بيت كبير وحوالي زرع وبي كم رجال مسلح وملثم
جبيرهم الاخذنه كان بالصدر نزل وتلكا واحد كاله
ها جبتوهم
المسلح _ اشرله براسه وضحك احنه ارجال كول وفعل------------------
أعزائي أحبائي عشاق القصص
التصويت والتعليق مهم
اتمنه الكل يشارك
تحية حب واحترام مني لكم
ودمتم سالمينالكاتبه امل مهدي