Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
حكاية المطر الكاتبه امل مهدي البارت الرابع عشر ************ وانا عندي نقص من علي تغيب جن عندي قصيدة وما مكملها
رائد ابو فتيان ***********
ايهم _ نزلت اليوم وگبل رحت ال مي بالمستشفى كلت اسويلها مفاجئه حاولت اكون مشتاق او اوهم نفسي انه مشتاقله حتى ابعد ورف عن فكري اكثر وقتي بالمقر جنت اتصالات مستمره وياها اخلص وقت والهي روحي فاتحتها بتقديم موعد الزواج وفاجاتني بعدم موافقتها بحجة نحتاج وقت التحضيرات للعرس طول وطلبت اعوفها من تجهز يالله نحجي بتفاصيل العرس ولليوم ما مفتهم شنو التحضيرات اشو السوك كلشي بي ونجيبه جاهز حتى الاكل واني ما ناقشتها خليها على راحتها
دخلت المستشفي بيدي باقة ورد وصلت غرفته ماكو... سالت كالو طالعه اضايقت وبصراحه فشلت واني جاي وبيدي باقة الورد صعدت السياره وتصلت عليها لكيته بالمطعم ويه صديقاتها اطتني العنوان ورحت عليها دخلت المطعم لكيتها هيه وصديقاته اثنين واطباء اثنين واحد ما شايفه والثاني دكتور انور ما احبه ابد سلمت عليهم عادي اما مي تلكتني فرحانه حضنتني وباستني ظلينه كاعدين ساعه سوالف ومجاملات وبصراحه اني هذا الجو من الرسميات ما احبه ترخصت منهم واخذت مي ورجعت للسياره رغم عندي ثقه بيها بس ما احب الانفتاح العايشه بي ايهم _ انتي اشلون تبوسيني بمكان عام مي _ غير خطيبي شنو المانع هاي شبيك ايهم شويه انفتح غير افكارك انزعجت يومي ما مشه مثل ما اريد ردت نكعد ابمكان الوحدنه بس هيه دايما تفرض عليه الكعده الجماعيه مع اصدقاءها ثاني يوم اتفقنه اروحلها للبيت
ورحت خالتي وزوجه ما كانو موجودين بس اختها اساور وطلعتلي مي بقمة اناقتها وجمالها وعطرها اليصطر اكذب اذا اكول ما حركت مشاعري وغرائزي كرجل خصوصا من اقتربت مني وحضنتني وباستني بس هاي المره بالبيت هههه يعني اني هم بادلته الحضن اساورا كعدت يمنه اشويه وصعدت بغرفتها وتركتنه الوحدنه انفردنه بكلام غزل ما يخله من الاحضان والتقبيل جرأته كانت تقلقني احسها مو بريئه دخلت المطبخ تحضر الغده ودخلت وياها اشاركها ونحجي ونشاقه ونضحك سوالي اكل شكد جان بسيط بس لذيذ بشكل كنت بمنتها السعاده وياها
وبنص ما نشتغل ومندمجين اجاها اتصال من دكتور انور ورطها تحل مكان صديقتها بالخفاره وقررت تتركني وتروح بحجة مديري وعيب أرفض
