حبيبتي.... ويبقى الهدوء عتابي الوحيد ... بعد أن خاب ضني بك مؤلم عندما اشتاق ان احادثك كي أخبرك تفاصيل يومي ثم أتراجع..... لأنني أشعر انك تغيرتي ولن تحتاجي سماعي فالاشتياق.... هو غصة تأتي بغير اوانها لتمزق القلب ....
اتصلت بشمس _ الو هلو ايهم ايهم _ دخيل الله سويلي حل اريد احجي ويه ورف
شمس _ شسويلها متقبل اداوم تكول مبقى شي للامتحانات وكته اجي ايهم _ روحيله الخاطري كوليلها اخوها وافق ليش هيه ترفض اريد احجي وياها لازم تفتح مبايلها ولو انتي اتصلي عليه من مبايلج احجي وياها شمس _ تمام اليوم اروح واحجي وياها
شمس خلصت محاضرات وطلعت للخط وصلت بيت ورف دكيت الباب ...فتحتلي مسره شمس _ هلو مسره وين ورف مسره _ بغرفتها تلكتني خاله هدى شمس _ هلو خاله اشلون صارت ورف هدى _ مافهمت اشبيها نوبه زينه نوبه مريضه وما تقبل تروح الطبيب شمس _ اني اشوفها لا يظل بالج صعدت الغرفتها ...دكيت الباب ودخلت لكيتها كاعده وصافنه ... هلو فوفه وين الحلو صافن ورف _ ابتسمت حبيبتي وهاي يوميه اظلين جايتني ليش تكلفين نفسج
شمس _ اوكفي شويه طلعت راسها باوعت محد على الدرج دخلت وقفلت الباب ولزمت مبايلها اتصلت ما ادري عليمن شويه ودك مبايلها قربت المبايل مني احجي ورف _ منو واجاني صوته ايهم _اشلونج ورف ورف _ .......!!! اخزر بشمس ايهم _ هنت عليج تكطعين بيا جاوبي...ليش متردين تحجين ويايه اسمعيني اسأليني ليش انهيتي البيناتنه بهالسرعه ورف_ نزلت دموعي بسكته واني استمعله ليش مكلتلي انته خاطب ايهم _ من سمعت صوتها أمنت ورتاحيت... أريدها بس تسمع مني ما ادري اصدكين لو لا نسيت....!!! يمكن لان ما حسيت اني خاطب بوقتها من كثر الاختلاف والمشاكل البينه فتره مرت عليه كنت بأمس الحاجه الشخص ينسيني حبج جنت احترك من داخلي واني اشوفج ويه خطيبج كنت مأيس ان تكونين الي بيوم من الايام غلطه وصارت عبالي اكدر انساج بس مكدرت ورف _ لا تكول ما حبيته وهيه بهالجمال والمستوى
