Oops! This image does not follow our content guidelines. To continue publishing, please remove it or upload a different image.
حكاية المطر
البارت الخامس والثلاثين
الكاتبه امل مهدي
*************
سميتك نفس لو ينكطع ما عيش
وسميتـــــــك حبيبــي وروحـــي سميتـــك
عفت النـــاس كلهـــا ومـا عشكــت انســـان
بـــس انـــت اعجبتنـي و حيــل حبيتــك
*
*******************
ايهم _
من كالتلي شمس اسمه حارث
المتقدم الورف وعاجبه السلام
وديحاول يقنعها
ضاقت الدنيا بعيني وحسيت راح تروح مني مره ثانيه
رحت العمر جنت مختنك
واحس روحي مجتف اشلون اوصللها
وخلص بهيج وضع لازم ما أكابر لازم احط الكرامه على جهه هاي ورف هاي كلبي الينبض بداخلي
لازم اتصرف ورجعها الذكريات لقائنا الأول واعيد الصدفه والقدر الجمعني بيها
ولأول مره حسيت الحظ كان حليفي
التقيتها بنفس الموقف الجمعنه اول مره والسماء كانت تزخ المطر رذاذ وكأنها تحاول تصحي مشاعرنا من جديد
شفت بعيونها الحب الجنت ادور عليه
شفت اللهفه والأشواق متغلفه
بخجل وتكابر مثلي....
اعترفنه البعضنه بصدق حبنه وشعورنه الماتغير بيوم
يومين اسأل عن حارث اني وعمر ووصلتله..
عمر _ خلي انزل وياك
ايهم _ ماكو داعي اني وحدي احجي ويا
عمر _ متعرف شنو ردة فعله
اخاف يطاول عليك
ايهم _ هن كلمتين اكولهن اله عود اذا حجه اني اصرف....!!
عمر _ كيفك....
ايهم _ دخلت للمكتب مكتوب شركة الحارث
حقه سلام مقتنع بي صاحب شركه..
السلام عليكم
_ وعليكم السلام تفضل...
ايهم _ اريد حارث صاحب الشركه
_ قصدك استاذ حارث
تفضل شعندك
ايهم _ افضل اشوفه واحجي ويا
_ ها لحظه منو انكله
ايهم _ طلعت الكارت ونطيتهيا...قرى وراح دخل عليه شويه وطلع كال
تفضل استاذ ايهم
ايهم _ تمشيت كم خطوه ودخلت المكتب فخم يتوسطه
شاب نهاية الثلاثين
سلمت وعرفت نفسي
حارث _ وكفت مرحبا بي
كل ضني جايني بشغل
ايهم _ ما اريد أطول عليك
انته اتقدمت تخطب الانسانه التخصني
حارث _ فاجأني ......!!!!
اشلون تخصك وضحلي
ايهم _ ورف تخصني واني متقدمله قبلك
حارث _ اذا متقدمله لعد ليش
ما نخطبتو..
ايهم _ اكو اشكال بينه ينحل
عن قريب
حارث _ والاشكال من ناحيته لو هيه...
ايهم _ اني وياها متفقين على الزواج
حارث _ شنو بينكم علاقه....؟؟؟؟
ايهم _ تكدر تكول هيج وتقدمت وارفضت جان اكو اشكال بيني وبين سلام
وراح اتقدمله عن قريب وللعلم هاي المره الرابعه
