Ups! Gambar ini tidak mengikuti Pedoman Konten kami. Untuk melanjutkan publikasi, hapuslah gambar ini atau unggah gambar lain.
حكاية المطر
الكاتبه (( امل مهدي ))
البارت السادس
***************
كولوله اكدر اوصله
بس انتم روحوله
وباليعجبكم اشتردون كولوله
واذا يذكر ايامي
بوجها لا تضحكون
وعلى رجعتنه واهس
لا تسوله....
رائد ابو فتيان
************
ورف....
دك المنبه...
كعدت ما بودي افارك فراشي
بس لازم اكوم دوام عندي
واجاني صوت امي خطيه متطلع الا تطمن اني كعدت...
_ ورف كعدتي
ورف _ اي ماما كاعده
عسريع غسلت وبدلت ونزلت جوه
تريكت وطلعت ويه ماما اليوم سلام بالبيت ماكو داعي نقفل الباب ونحتار بالمفتاح
اتمشيت للشارع العام لكيت ابو الخط صعدت اني اخر وحده اصعد
واخر وحده يوصلني
يزن _ هلو بنات اشلونكم
شمس _ هلو انته شنو قصتك اشو هواي اتغيب
يزن _مو كلتلكم ابويه مريض
_ بعددده ما صار زين
_ لا والله حيل تعبان واني واخويه نتناوب عليه شنسوي
_ الله يشافي انشالله
_ تشكرين شموسه شنو اليوم ورف ساكته
اني من شفت يزن ارتبكت ظليت اتلفت منا ومنا تخيلت حسين يشوفني
حتى يزن انتبه عليه
_ لا ما كو شي... بس هواي ادروس دتفوتك دير بالك
_ الله كريم تدبر باخر السنه
تجون نشرب شي...؟؟
شمس يله امشو للكافتريا
ورف _ روحو وانتو جيبولي شي وياكم
شَمس _ باوعت مو عوايدها شنو ليش متجين ويانه
شمس تقراني احتاريت شطلع عذر
_ شبيج اريد اكعد بالشمس بردانه
شمس _ امشي يزن... تركناها ومشينه
يزن _ اشو ورف مو على بعضه...
_ ما بيها شي
_ حسيت ما حبت وجودي
_ هاي شبيك صاير تتحسس
هيه ضايجه عدها ضرف بالبيت
_ ها عبالي
اني ما متعوده اخالف او اكذب
سلام وامي منطيني كل الثقه
والامان ولهذا ما احب اسوي شي
همه ما يرضون عليه
حسين نفس الشي حسيت اسوي جريمه من احجي ويه يزن وهو نبهني ما احجي ويه ولد وتاكيده
بالسؤال عن الرسام هم ترك عندي خوف من الموضوع
خلاني حتى اخاف اكله لان حسيت يكبرالموضوع ويعظمه
