Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
حكاية المطر الكاتبه امل مهدي البارت الواحد والثلاثين ***************** انه وي شوفتك داس اعله جفني الليل... وموبجدامة داسة بحافر المهرة
رائد ابو فتيان ***************** ايهم _
تلاشت مني جميع الكلمات وانا احاول نطق جمله واحده تعبر عن سوء ما اشعر بي لو الوجع العصر كلبي وهو يرفضني بنظراته مو بس بالكلام...
من كال ما اصيرلك وكفت ردت احجي بس ابوي ابصفي لزمني من ايدي وعصرها التفتت عليه كالي لا تسرع اصبر ولاتفقد الأمل خلينه ويا خط رجعه....
سلام _ شفته وكف ردت اشوف شيسوي اتمنه يغلط باي تصرف حتى احجي البكلبي بس ما صدر منه أي شي غير حجه ويا ابو وكعد
ظلو الكاعدين يحاولون وياي حتى اغير قراري وانه كلمتي وحده ما انطيها... حتى عمي ابو نزار بدأ يحاول يقنعني احجي وياهم وسؤال براسي اشلون عرفو بطلاك ورف مستحيل صدفه قبل يومين يطلك حسين واليوم جايين يخطبون.... وبالي كله بورف اصير عدها علاقه ويه ايهم.....!!!!
كل شي عرف عني ومعاند كل يوم يمر احس روحي تنسحب مني وافقد الأمل كانه ادور بدوامه كل ما اريد اطلع منه ارجع النفس المكان.. ابو ايهم _ هذا الموضوع بعد ينسد ما ريدك تحجي شنو خلصن البنات شبيها يختلف عن غيرها ايهم _ المختلف اني رايدها لو هيه لو ما اتزوج ابو ايهم _ عنك ما تزوجت من هاي اللحظه اني مالي شغل بيك مستحيل اكعد بعد اليوم كبال اخوها واتوسل ينطينياها عوفها ماينطيها
علياء _ خليني اشوفلك بت حلال تناسبك كافي انشلع كلبك وانته ترسمها وتركض وراها ايهم _ ما اكدر ...ما اكدرررر تفهمون شنو ما اكدر اذا اخوها يرفض مو معناها هيه ما تستاهل ... ابو ايهم _ ولك الناس تتمنى تناسبنه شنو الخلقه ما خلق غيرها ادري تحبها بس ماكو امل ليش تظل تنتظر وتضيع عمرك ما تصير لك افهم....!!!!
ايهم _ صعدت الغرفتي الدنيا طالعه من عيني سلام ذلني وما ادري ليش هلكد حاقد عليه ... انهاريت وتخيلت نتفارك وتصير لغيري...متحملت مستحيل اعوفها كمت اصيح بعلو صوتي مستحيل وبدون شعور ضربت المرايه بأيدي مره مرتين ثلاثه اطشر الكزاز بكل مكان وجرح ايدي والدم يقطر بغزاره واني ما حاس لا بوجع ولا مهتم للنزف لان الألم العصر كلبي جان اقوه انفتح الباب ...محمد وامي علياء _ يمه وليدي وبدت تصرخ محمد _ بسرعه سحب المنشفه ولفها على ايدي هاي اسويت ايهم تخبلت شبيك ايهم _ كعدت بالكاع مهدود حيلي ولأول مره دموعي تنزل وابجي علياء _ ليش يمه عيب تبجي انته رجال محمد _ لازم اروح للمستشفى هاي ايدك متشككة اخاف الوريد انضرب ايهم _ عوفوني اطلعو بره ما بيه شي محمد _ لا تعاند كوم ويايه كوه بدلته ملابسه التلوثت بالدم وطلعنه للمستشفى من وصلنه بده يصفر وجها دخلنه الطوارء ومن شالو المنشفه كان منظر الدم مو طبيعي بسرعه الأطباء حولو عمليات لان الوريد انفتح بالكزاز وسبب كل هذا النزف من بعد ساعه خلصت العمليه واحتاج بطلين دم طلع ولازم يبقى تحت المراقبه يوم كامل في المستشفى
