Oops! This image does not follow our content guidelines. To continue publishing, please remove it or upload a different image.
حكاية المطر الكاتبه (( امل مهدي)) البارت العاشر ********** من كل كلبي احبها وما مجاملها... حبيبتي وانه رجالها وخلها بعد شيفضها مغرور حب مغرور التحرمها انه احللها
رائد ابو فتيان **********
حسين....
نهى... هاي شنو شعده غسق ابيتنه من الصبح مو تدري بينه ابغداد دعاء _ اني ادري بيها تحب حسين ودور اخباره _ جايه غباشه حسين _ نزلنه من السياره ودخلنه البيت تعمدت اعوفهم يدخلون وبعدين ادخل حتى استفرد بيها البارحه سممت كعدتي برسايلها
حسين... لزمته من ايدها وسحبته للحديقه تدرين انتي زودتيه تره ماخذج على كد عقلج افهمي بابا اني خطبت لا تخربطيلي حياتي
غسق... يا حياة هاي اصلا انته وياها ما متفاهمين حسين... لا والله منو بلله كلج
غسق... بدون محد يكلي كل ما تروح تجي زهكان وما طايق روحك اني حافظتك
حسين... اللهم يطولج يا روح افهمي آني ما فيدج غسق....يعني شنو تقشمر عليه اليل كله اتصالاتنه وحجينه كذب حسين.... اني ما واعدج بشي حتى اقشمر عليج انتي اجيتيني وعترفتيلي بس اعترافج متاخر خلص اني راح ازوج ورف اصحي صار شهر امراعي انتي بنت عمي ما اريد اجرحج الف واحد غيري يتمناج انتي ما ناقصج شي غسق _ واني ما رايده من ذوله الالف غير واحد هو انته ابن عمي حقي وملكي
حسين _ اني مو ملك احد ملك نفسي لا انتي ولا غيرك يملكوني واذا على الزواج اني ختاريت ورف افهمي
غسق... بجيت وعصبت ابوجها مستحيل انته تحجي من وره گلبك
حسين... لا والله من نص كلبي احجي المصلحتج افهمي لا تراسليني خلينه اخوان وولد عم احسن
راحت غسق زعلانه وادري بيها ما مقتنعه
نهى... حسين شكو اشبيه غسق
حسين... مابيه شي نهى.... لا اكو شي صار كم يوم اريد احجي وياك وانته طول النهار ابيت عمك شنو الصار جنت وين اوين يالله تروحلهم حسين.... عادي ما طول وائل هناك اني اروحلهم شنو ممنوع...؟
نهى.....وخطيبتك اشبيك وياها وضعك ابد ما عاجبني... حسين.... يمه رحمه الاهلج عوفيني اني اعرف احل اموري مو زغير وورف ما عندي وياها مشاكل مو جنه بايتين يمهم نهى.... علاقتك بيه بارده ولا كأنه كتلت نفسك عليه حسين... اني ويه خطيبتي شعليج انتي نهى.... حسين لا تخربني ويه اختي تره بس هاي الباقيتلي من اهلي خلينه ماشين على حب الله
