رواية للحياة وجهٌ آخر
الكتابه:إحساس مايفهمونه
البارت رقــــــ(21)ــــــم
سبحان الله وبحمده سبحان الله العظيم
جمرة
.
.
.
جلسك شويه واندق الباب سرحك افتح بس ماكنه اختي سمره هذه رجال غريب! غلقك الباب على وجهه ضربك على وجهي كيف افتح واني بثياب البيت حتى ماعندي حجاب يالله عادي اصلن شكلي يفجع رجع يدق جاوبك من خلف الباب وهو مغلقك.
جمرة : ياخي مو معك؟
عمار : معش عمار هذه علاج امش.
جمرة : مو من علاج؟!
عمار : أرسله عبدالرقيب!.
فتحك نص الباب ومدوك بيدي ها اذه اخو هدى.
عمار : اي خدمات.
جمرة :
جزع واني كنك خايفه لا يقع لي؛ مشاكل رجعك اطمنك دام ذياب بعيد عليا اكيد مابش مشاكل عبدالرقيب لما افتهن امي رجعه تتعالج كنك فرحه لما اابصر التحسن بي حالتة واتخيل لقاهي بخير وهي كانه فرحه أكثر مننا مروه اختي تكلم امي تشتي تجي بس ظروفه ماتسمح له كنك بداخلي أضبح داريه انه زوجه مش ظروف ولاشي بيوم كنا نتغدي إحنا وسمره وعبود على بطنه يأكل يلحس الخبز.
جمرة : سمره مابش نونو ثاني؟ عبود قاهو كبير.
سمرة : به عصيد:.
جمرة : اوه قاكنك فرحه.
سمرة : فرحك خليه بقلبك.
جمرة : ذحين اني مو قلك لك!؟
سمرة : اكلي سكته.
جمرة : واذا ما سكتك.
سمرة : شخلي عبود يدعسك.
جمرة : شدعسه هو وامه.
سعاد : اصاه راسه يوجع'
سمره عينه لي.
سمرة : كثرنا به.
رجعنا قمنا نظفنا البيت ولما كنا نغسول الصحون؟ النونو فتح لقفه وسمره جزعه وهم رجعو براسي اني ثاني يوم شلينا امي للمستشفي الدكتور قال الحمدلله به تحسن بحالة امي كنك اني وسمره؛ فرحين كل واحده تحضن الثانيه كانه مدري مو به استمرينا بعلاج امي بشكل متواصل ماقطعنا والشفاء العاجل هو من الله مش من العلاجات بس انو عملنا بالأسباب واكيد الفضل كله لله وبعدين لعبد الرقيب مر على جلستنا بصعنا سته شهور ماابصرنا من عبد الرقيب وعائلته إلا كل خير صح امه مدري كيفهي ماتجي عند امي الا نادرً بس عاده احسن من عائلتنا الحقيقه اللي اتمنوك اخلق مقطوعه من شجره ولا انسب لهم محد سال علينا او قال اينهن خالي؟ علي يجي يوم من كل شهر ويجزع اما عمي ولا درينا منه! بشي اما هذه اخو هدى دايما ابصره كنك اجلس اتخاوص عليه سكته لما يندر من قدام الشقه حقنا كنك اعمل هكه من باب الفضول فقط. مره كنك سارحه المدرسه اني ورنا وسمره عند امي.
أنت تقرأ
رواية للحياة وجهٌ آخر |روايات يمنية|
Adventure"كُن من المُستغفرين ليضِيء الله عتمة قلبك ' أستغِفرالله العظيم وأتوبُ إليه
