معجزات الصلاه على النبي

محد يعلم بظروف اللي تعيشنها الا ربك

الانسان على نفسه بصيرا
محد يعلم بظروف اللي تعيشنها الا ربك
محد بيحس فيك ويفهمك الا الله
البشر مهما تكلمتي مستحيل يفهمونك او يحسون فيك
انتي دعيتي ؟
اجتهدتي ؟
سويتي كل شي ومع كذا ؛ جميع الابواب مغلقه
ترا فيه باب مفتوح لك
باب الدعاء باب اللجوء لله
الباب اللي مستحيل يتقفل
اللي مستحيل يكون بينك وبينه وسيط او اوراق او معاملات
ومواعيد مجرد ما تدعين الله يسمع دعوتك ويعلم بكل شي تمرين فيه
تصير أمور عكسيه تأكدي انها بعدها الفرج خليك صبوره ؛ الناس اللي حولك تحبط فيك و تقولك انسي وتضحك عليك اعرفي ان هالناس لو عندهم وعي ما يحطمون احد بشي بين العبد وربه ؛ الله لو ما يحبك ويبي لك الخير كان ما وفقك للدعاء والطلب كان ما نور بصيرتك ؛ تاكدي بل ثقي ان الله يجهز لك اشياء حلوة بس يحتاج لها ايش علشان تجيك ؟
حسن ظن بالله
لما تمرين بفتور و تتركين الدعاء و تتكاسلين ؛ حاولي تحفزين نفسك بشي لو قليل ( قليل دايم خيرا من كثير منقطع )
تاكدي ان مافيه امر صدفه ؛ كرري دايما هالكلام ( انا دعيت الحي القيوم وفوضت امري له وهو راح يتكفل بكل شي مستحيل اهتم لكلام المحبطين مستحيل افكر بالمعيقات والعراقيل انا متعلقه برب الاسباب الخالق سبحانه وتعالى اللي من المستحيل يخيب انسان يدعوه و يثق ويصبر الله وعد الصابرين بالبشاره راح يبشرني راح يسعدني راح يجبر بقلبي في وقتي المناسب )
كرري هالكلام ذا دايما على نفسك ؛ لان لك فتره ممكن سنوات او شهور
تقولين كلمات سلبيه وللاسف فيها سوء ظن بالله ؛ و دايما تمني الخير لغيرك تعرفينهم او ما تعرفينهم ايش ما يكون مشاعرك اتجاههم تمني الخير لهم لان الرسول صل الله عليه وسلم امرنا بان نحب الخير لغيرنا مثل ما نحبه لنفسنا ومن الطبيعي ما فيه انسان يتمنى ان احد يحسده او ياذيه علشان كذا لا تؤذين خلقه ؛ اللي ضرك ربي راح ينصف بحقك منه ولو بعد حين
لا تخافين الله عادل و سيؤتي كل ذي حق حقه ؛ اخيرا ادعي لغيرك لان كل دعوه تدعينها للناس فيه ملك موكل يرد عليك ويقول لك بالمثل