انتي جمالك بيت قصيد يكتبه بدر ويغنيه ابو نوره..

البارت العاشر: (انكشاف السر)

بعد كلام بدر لي ذيك الليله
تحسنت و راحت الحراره عني
بدر احيانا يخليني اشوفه وحش
و احيانا اشوفه ملاك ما ادري
وش هوية هالانسان .

قصر عايلة الأشهم :
جبران نفذ صبره وقرر
يجيب رجاله قدامه
ويسوي خطه تقع بالعصابه
اللي تخرب وتهدم ممتلاكته
ويخسر الالاف باليوم

بآخر الليل- غرفة بدريه :
بدريه خذت التليفون و اتصلت
رن رن رن
عصبت :
وليه هذا ما يرد ماهو وقته
كررت الاتصال
رن رن رن
رد :
الوو
بدريه :
بدر و اخيرًا رديت
قال بدر :
هلا بدريه وش صاير انتي بخير ؟
بدريه :
ايه بخير بس بعلمك عن خطة ابوي
ابوي خلاص قرر يضع حد للعصابه
اللي تخرب ممتلاكاته وتخسره الالاف باليوم
ويوم بدريه تكلم بدر وتعلمه عن خطة ابوهم
كان وراء باب الغرفة شخص مجهول يسمع
هالمكالمه
قال بدر :
ما عليك لو يسوي اللي يسويه
ماهو قادر يمسكني
بدريه بخوف :
تراني علمتك هاه انتبه .

الصبح :
براء ماسكه الجوال وترسل الرسايل
المتكرر والكثيره لعمتها تبي تطمن
عليها بس بدون اي رد
زاد قلق براء وخافت ان عمتها
صار بها شيي عمتها اللي تحملت
الكثير عشانها .

قصر امير العملاق :
من الدريشه الكبيرة كالعاده
امير يتامل ويفكر فقال :
اجل تحبين الرجال اللي نفس
ذاك الخسيس طيب يا براء
انا اعرف وشلون اجيب راسك .

خنقتني العبره شكل عمي..
صار ببالي فكره مرعبه
ان عمي ممكن قتل..
صراحه ما استغرب عنه
ضعت وتهت ولا ادري وش اسوي
وصرت اركض وبدون شعور لقيتني اطق
باب غرفة بدر
ياالله وليش طقيت بابه وليش جيت
عنده ما ادري بس الشعور اكبر
من اني اتحمله
فتح بدر الباب وقال :
هلاا براء
لاحظ انفاسي السريعه
وخوفي
فقال مستغرب :
وش بلاك بك شيي
كزيت بدر داخل الغرفة
و دخلت وقلت له
و انا كلي خوف :
بدر عمتي ما ترد على
رسايلي خايفه يكون ذاك
الوحش سوا لها شيي
بروح القصر و اشوفها
بدر بهدوء قال :
طيب انتي اهدي الحين
حاولت التقط انفاسي الطايره
فقال بدر :
انك تروحين لقصر عمك خطر
ومستحيل
قلت :
ماني مرتاحه عمتي كل شيي
يصير بها من وراي تعذبت واجد
عشاني تكفى ابي اروح
قال بدر :
بس ماهو لحالك
قلت :
بتروح معي
قال :
ماهو بس انا عايض وضاري
وخلف كلنا بروح
ترددت :
بس..
قال :
انتي تبين تطمنين على عمتك
هذا اهم شيي والباقي ماهو مهم
حتى لو دروا ب جنسك الحقيقي
نزلت راسي وقلت :
طيب اللي يصير يصير .

بدر اجتمع مع الشباب وقال لهم :
عندنا مهمة جديده بس هاذي المره
غير عن كل اللي قبل وجهتنا مكان جديد
استغربوا وقال ضاري :
ويين ؟!
قال بدر :
راح تعرفون اذا وصلنا للمكان

ركبنا السياره الخاصه بالعصابه
و رحنا و انا اناظر لشوارع المدينه
والسيارات و المباني الطويله
افكر بحال عمتي وكيف اذ وصلنا
واكيد وقتها بيعرفون اني بنت
واني براء وريثة عائلة الأدهم
الوحيده .