انتي جمالك بيت قصيد يكتبه بدر ويغنيه ابو نوره..

البارت العشرين :(العداوة)

سلمى :
عمي بدر لقاء له بنت يحبها
هو نساني
جبران :
اهدي يا بنتي و اجلسي عشان
افهم القصه
جلست سلمى المقهوره حيل
سلمى:
يا عمي و البنت هاذي تدري من تكون !!
جبران :
لا والله
سلمى :
ما تعرف عايلة الأدهم اللي لهم بنت
وحده
انصدم صدمه قويه لأن هالعائله
بالحقيقة العدو الحقيقي لعائلة
الأشهم على مر التاريخ سوا
بالتجاره و السياسة كانت بينهم
منافسه قويه و شرسه تصل للجرم
قام بصدمه :
انتي وش تقولين !!
سلمى قامت :
بدر يحبها اسمها البراء
هربت من بيت عمها لانه يبي
يزوجها وبدر خلاها وحده من حراميته
شفت شلون الدنيا قريه صغيره بنت
عدوكم تبي تتزوج ولدكم
و ترا بدريه تعرف انه هو اللي يخرب
ممتلكاتك وهي اللي حذرته
منك يوم مسكته
و دايم تروح لمكانه
هناك وهي تشجع ذا الحب
ترضى عمي بدر يتركني عشان بنت عدوكم
و انا اللي من لحمك و دمك .
انهارت اعصاب جبران وطاح
على الأرض
صاحت سلمى :
عمي جبران .

جت أمل و بدريه يركضون
على صراخ سلمى
الا شافوا جبران طايح على الأرض
صاحت بدريه :
يبه !
امل طلبت من الخادم يحطه
على السرير ويدعي الدكتور
بعد وقت جاء الدكتور فحصه 
وقال ل امل :
عنده هبوط حاد بالضغط
انتبهوا لصحته و ابعدوه عن اي صدمه
تواجهه
امل بتفهم :
طيب طيب
راح الدكتور
بدريه صارت تناظر ل سلمى بحده :
وش قايله ل ابوي انتي !!
سلمى هزت كتوفها و رفعت خشمها :
علمته بكل شيي عنك و عن بدر
و ذيك براء
عصبت بدريه ودها تشلقها قطعه قطعه :
يا سوسه يا الافعى يا عقرب الرمل
اخر مره اعلمك بالأسرار
سلمى بتحدي :
صرتي بصفها بعتيني بدقيقه
بدريه :
اصير بصفها عالاقل هي بنت
ماهي نفس خساستك يالخسيسه
امل انتبهت لخناقهم :
انتوا وش بلاكم جبران تعبان
و تخانقون عند رأسه !
سكتوا وهم يناظرون لبعض
ولا وحده طايقه الثانيه

قصر امير الأدهم :
يكلم امنه بكل حده :
علميها زواجها الأسبوع الجاي
ما اتوقع بتلقى افضل من محمد
و خليها تنسى ذاك البدر
امنه :
طيب بعلمها .

براء قدام المرايه ترتب
نفسها وتعطي ثقة و ايجابيه
اكثر
تفكر بكلام بدر  واثقه
به و راح يطلعها من هالورطه

فتحت امنه الباب و انصدمت
من براء كيف حالها تغير بيوم وليله
البارح تبكي ومضايقة والحين هي
بشكل افضل و مبتسمه
قربت عندها وعيونها مستغربه حيل :
بنتي براء
التفتت براء لعمتها بكل طاقة
و ابتسامة :
عمتي امنه
راحت حضنتها
امنه بعيون الفرح :
وش اللي غيرك بيوم وليله
وش صار معك البارح كنتي
مضايقه حيل
براء :
لاني واثقه ماراح يصير اللي يبيه عمي
و راح انجوا من كل هالعذاب
امنه :
وش اللي خلاك واثقه كل هالثقه
وترا عمك قالي عرسك الاسبوع الجاي
براء بثقه :
لو يبيه بكره
انصدمت امنه :
وش صاير يا بنتي
براء علمت امنه ان بدر جاءها
و انه راح ينقذها من هالزواج
امنه مثل براء تثق ب بدر ثقه
عمياء انبسطت و ارتاحت
امنه :
الحمدلله هذا يدل انه يحبك
يا براء
استحت براء و نزلت راسها .

جبران صحى
وكان عنده أمل و البنات
جبران وهو يتوجع قام :
وش صار !
سلمى تتمسكن عنده ونزلت
تحت وبكل ضعف :
عمي اسفه انا كنت مع بدريه بس
ما علمتك وكنت اعرف بكل شيي
عن بدر ما قدرت اقولك الا الحين
مابي تصير مشاكل بينكم
بدريه تناظر لها بكل كرهه
كيف تسوي نفسها البريئة
و البطله قدام ابوها
والحقيقة هي اخبث الخبائث
بدريه تبي تتكلم :
يبه..
جبران بعصبيه :
انتي ولا كلمة وياويلك تطلعين
من البيت و انك تشوفين بدر
خط احمر احذرك
بدريه بقهر :
بس..
جبران بكل قساوه :
ولا حرف امل خوذيها لغرفتها
وبس تطلع شبر واحد علميني
انا خسران من هالعيال
امل نزلت راسها :
طيب مثل ما تبي
خذت امل بدريه
بدريه اللي منقهره حيل
من سلمى ومستحيل ابوها
يمنعها من اخوها اللي تحبه كثير
سلمى بعيون الانتصار
و ابتسامة السخريه
تناظر ل بدريه

وصلت امل بدريه لغرفتها
بدريه صارت تبكي كثير
امل تحاول تخفف عليها

جبران ل سلمى :
علميني كل شيي
ولا تخبين عليي .

كنت مره مبسوطه طلعت
لحديقة القصر
جلست ارقص مثل الفراشه
و اشم هواء نظيف
الا سمعت صوت فجأة :
صباح الخير
الا التفت و انصدم
محمد !!
ياربي وش يبي هذا ما يخليني
انبسط لو شوي
قرب مني و انا اللي ما اداني قربه .

سلمى تفضفض لعمها كل شيي
ما خلت شيي ما قالته هوايتها
الحرشه و السوسه و التخريب
جبران :
هين يا بدر انت وهذيك بنت
الأدهم لو على جثتي ما خليك
تتزوجها الا بنت عدونا .
سلمى مبسوطه وحست
انها انتصرت شوي لانها تدري
جبران مستحيل يخليه يتزوجها
او يفكر يحبها و اكيد بيخرب
اللي بينهم قريب وانا اللي بخربه
اذ ما خليت حبك لها يتحول لكرهه
وتحبني يا بدر بجنون ما اكون سلمى .

قرب محمد وصار يناظر بتدقيق
شعري و ذراعي العاريه
وقتها كنت لابسه فستان احمر
قصير
بانبهار :
حلاتك ما الوم نفسي
لو تحريتك كل هالسنين
مد يده لي لمس خدي وشعري
بتحسس انا كزيته و بتحذير :
محمد لا تلمسني تفهم !!

مقر العصابه :
بدر جته معلومات ان الزواج بيكون
الاسبوع الجاي
اجتمع مع افراد عصابته
بدر :
لازم ننقذ براء
عايض :
ولا يهمك
خلف باندفاع :
حنا قدها اكيد ماراح
نسمح تتزوج بذاك محمد
ضاري :
براء بترجع للمقر مثل اول .

جبران يسولف مع امل :
صار شيي ما توقعته ابد
بدر ولدي حب بنت ادهم
ادهم عدوي اللدود هو واخوه امير
شلون كذا صار ما ادري
سكتت امل امل اللي تحضن
يدينها ببعضها بتوتر
جبران :
امل اسولف عليك انتي معي
امل طلعت من شرودها :
ايه معك الصدق شي غريب
اللي يصير
جبران بعصبيه :
هذا بدر جالس يجيب
المصايب على راسي
هين دواه عندي ولد الأم
الفاسده .

بدريه تبكي فوق السرير
لانها ما عاد تشوف
اخوها اللي تحبه واجد .