انتي جمالك بيت قصيد يكتبه بدر ويغنيه ابو نوره..

البارت السادس عشر :(الفخ)

مد يده وكان يبي يلمس وجهي
انا دفيته اقوى ما عندي ياالله
ثقل جسمه و قوته وكاني ادف
رضمه كبيره من فوق الضلع
ضحكه بضحكه خاطفه :
صايره قويه هاذي ثمرة
انك تعيشين وسط شباب
و انتي بنت لحالك
عصبني اكثر :
هذا ماهو شغلك
انتبه تقرب لي ماراح يصير خير !
بكل هدوء و برودة اعصاب
وخر خطوتين وراء وقال :
ماني مقرب لك تطمني
ماراح اقرب لك الا بيوم زواجنا .
قلت :
محمد ماحبك و مستحيل اتزوجك
قال :
افا نسيتي حبنا من وحنا صغار
تذكرين ياما لعبنا و سجينا
حتى كنتِ تخافين علي لمن
اطيح و تنجرح رجلي تتذكرين
ولا نسيتي ؟
قلت :
هذا يوم كنا صغار وقتها القلوب
بريئة بس لمن كبرنا تغير كل شيي
كل شيي صار قدامي اسود وطلعت
القلوب على حقيقتها
قال :
افاا حنا ما تغيرنا انتي اللي
تغيرتي يا براء
عصبت
هذا وش قاعد يخبص
فقلت :
محمد رووح ولا عاد اشوفك
واقف قدامي مره ثانيه
فقال :
الظفر ما يطلع من اللحم
يا براء حنا عايله وحده تراك
بنت عمي و انا ولد عمك
حقيقة ما تقدرين تغيرينها
ابد فعشان كذا اعقلي و مشي
معي عمك مشتاق لك واجد
و انسي هاذمك السرابيت .
قلت :
ماني رايحه ولا لي رجعه
لقصر هذاك الفرعون
وماراح اتزوجك لو على جثتي
محمد طلع تنهيده وقال :
انتهى صبري عليك شكلك
ما تمشين الا بالقوه يالعنيده
هينا صار يمشي صوبي و يقرب .

_____
مسكني بكل قوه لف يديني
وراء ظهري و رصهن لظهري
حسيت ضلوعهن صكن ألمني
حيل صحت و انا معصبه :
بعد عني يالحقير
فقال معصب وهو غارس
وجهه بشعري :
ما تمشين الا بالعين الحمراء
تراك زوجتي و تطيعين كلامي
ماهو برضاك غصب
قلت بقهر و يائس حسيته
مثل سلسلة الحديد اللي
ربطتني ومافيه مفر منها :
اتركني ماني راجعه للقصر
قال بعصبيه :
بترجعين و غصبن عنك
و بنتزوج و نرتاح من همك
بسعدك صدقيني بس خليك
مطيعه خلي كبر الرأس هذا
صرت اقاوم يدينه ابي افكه
عني و اهرب و ارجع لمقر
العصابه هاذي اكبر امنيه
لي وقتها بس هو باغتني
بلكمه قويه على بطني خلتني
افقد الوعي ومن وقتها
ما حسيت بنفسي .
محمد شال براء على كتفه
و روح بها .

مقر العصابه :
بدر فتح باب غرفة براء
ناداها :
براء
بس استغرب انها ماهي بالغرفة
رفع كف يده اللي بها الساعه
وشاف ان الوقت بيتجاوز الساعه
عشر قال باستغراب تام و شك :
هاذي وينها و ين راحت
راح يدور عليها الا قدامه عايض
قال عايض :
وش صاير !
قال بدر :
براء ماهي بغرفتها وين راحت بذا
الليل !
زاد توتر بدر و شكه
وصار هو و عايض ومعهم خلف و ضاري
يدورون بكل زاويه و غرفه بس مالقوا
لها اثر
هنا وقفوا وصاروا يفكرون قال بدر :
هاذي وين اختفت !!
تزحلق كلام من فم خلف قال :
يمكن مسكها عمها و ذاك اللي اسمه محمد !
بدر انصدم وقال :
لا مستحيل بس شلون !!

___
قال عايض :
خلونا نشوف غرفتها يمكن نلقى
طرف خيط يدلنا
راحوا للغرفة وصاروا يدورون
ضاري انتبه للجوال اللي فوق السرير وقال :
الجوال
بدر خذا الجوال بسرعه ومن فتحه مباشره
كان على محادثة عمتها آمنه قرأ المكتوب
و انصدم بقوه قال :
براء راحت للفخ
قال عايض باستغراب :
وشلوون !
قال بدر :
خلونا نروح للحديقه العامه
براء هناك عايض جهز السياره
ركض عايض و ركض من وراءه
بدر و خلف و ضاري
بعد وقت وصلوا للحديقه
الحديقه كانت خاليه تماما
بدر صار يمشي بخطوات ثقيله
ويناظر يمين ويسار على أمل
انه يلقى براء هنا الا لفت
انتباهه شي يلمع على الأرض
ركض له و خذاه انصدم بقوه وقال :
سلسال براء !!
كان سلسال العنق حق براء
جن جنونه وقتها فقال بقهر :
اكيد خذوها ..
جاء عايض يخفف عليه لانه
عارف وش كثر هالشعور
قاسي عليه
فقال عايض :
اهداء بدر صدقني راح نرجعها
طاح بدر على رجوله لانه حس بالعجز
هو وعدها يحميها بس خانه الوعد
التفت حوله خلف و ضاري
خلف قال :
بدر ماهو وقت انك تضعف هم
يبون يرجعون براء لهم باي طريقه
ويعرفون انها تحب عمتها استغلوا
هالشي
قال ضاري :
دام يبونها تحدي حنا اهل التحدي
يا بدر ولا تنسى حنا من .
بدر رص سلسال براء بيده بقوه
منقهر حييل بس هو اقوى من انه
يضعف و خصوصا بالظرف هذا
لان براء محتاجته اكثر من اي وقت مضى
قام بعد ما استعاد قوته وقال بنبرة
التحدي :
وعد لا ارجعها و افكها منكم
يالخسيسين !!
ابتسموا لان رجع لهم بدر
اللي يعرفونه .

قصر امير :
محمد وصل القصر وهو شايل
براء طول صوته وقال :
امير !!
طلع امير ومن وراءه امنه
نزل محمد براء على الأرض
وقال :
هاذي هي براء جبتها لك
امنه انصدمت من شافت براء
ركضت لها و حضنتها وخايفه عليها
حييل
امير بصدمه و ابتسامة النصر
قال :
كفوو عليك يا محمد .