انتي جمالك بيت قصيد يكتبه بدر ويغنيه ابو نوره..

البارت السابع : (قصة عائلة أدهم)

سمعة طيحة يد امي آخر الليل
تركت بدريه اللي بكت بصوت طويل
ركضت صوب امي وقلبي يرجف مثل
القنبله
الا اجي و اشوف امي تشهق انفاسها
الأخيرة ابكي قدامها واصيح :
يمـه يمـه
قالت امي اخر كلمة لها :
اختك بدريه يا بدر ..
هنا فهمت انها تبيني اهتم بها
بعد ما تموت
وفعلاً ماتت امي .
يوم قال بدر هالكلمه صحت :
لاا ماتت ...
وجلست ابكي بحرقه
بدر يكمل القصه :
هنا وعدت نفسي الا اتمرد عليه
و اخرب الفلوس اللي اشغلته عنا
وكيف ما اهتم لـ امي وخلاها تروح
من يدينا
سويت هالعصابه وكل يوم
اخرب املاكه المحلات والموالات
والمزارع جالس يخسر يوميا
الملايين وبعضهم صاروا ما يثقون
به
بس انا ماني مرتاح الا اهدم كل شيي
فوق رأسه وخليه ما معه ولا فلس .
قلت :
يعني اللي كنا نخربهم هي املاك ابوك..
بدر :
اييه .
وقف بدر وباين الضيقه عليه بس
كان مظهره اقوى من انه يضعف
قوي واقف بكل ثقه وصمت
ما كانت الدمعه الوحده تنزل من
عينه رغم انه منهك نفسيا
بس قوي مره ذا البدر .
راح و دخل
و انا قلبي يحترق عليه وعلى امه
و بدريه .
من بعيد يراقبهم شخص .
-
قصر عايلة الأشهم :
بدريه انحبست بغرفتها وكانت
كل يوم تجيها زوجة ابوها
هي نفسها اللي حضنت بدريه
يوم راح بدر
دخلت زوجة الأبو
بدريه منسدحه على السرير
مضايقه مره قالت زوجة ابوها :
تعرفين طبع ابوك هو راسه يابس
وما يحس باللي حوله دايم
يسوي اللي براسه لا تتضايقين
منه
قامت بدريه بعصبيه والعيون
مليانه دموع :
ابوي طول عمره ضد سعادتنا
انا و بدر يكفي انه حرمنا عن
بعض
جت جلست جنبها ومسكت يدها
وقالت :
تحملي يا بنتي الدنيا ماراح تعطينا
اللي نبيه بالعكس حنا بنتعب
لين ما نوصل لشي اللي نبيه .
بدريه نزلت راسها بضيق وقالت :
بس يا خاله امل ابوي ماراح يتغير
لو الدنيا كلها تتغير طول عمره طماع
وما همه غير الفلوس يكفي انه ذبح
امنا وخلاء بدر يروح عنا ويعيش لحاله
قالت امل :
عشان كذا لا تتعبين نفسك بالزعل
ابوك ماراح يغيره شيي طول عمره
بيصير كذاا .
الا يدق باب الغرفة وكانت العامله
قالت :
بدريه مدام سلمى تحت يبغى انت .
قالت امل :
روحي تونسي مع سلمى ونسي الزعل .
تاففت بدريه وقالت :
وش تبي هاذي بعد .
راحت بدريه ونزلت ل سلمى
اللي تحراها بحديقة القصر
سلمى طويله ونحيله لابسه عباءة
الكتف والطرحه وشعرها المتوسط
الاشقر الناعم نازل على اكتوفها وجهها
طولي ولها عيون بارزه وشفايف مقوسه
عمرها عشرين سنة .
جت بدريه عند سلمى وقالت :
شتبين ..
جت سلمى بلهفه لـ بدريه وقالت :
سمعت ان بدر جاء هنا ما تدرين
وش كثر هالخبر فرحني يعني خلاص
بيرجع يعيش هنا مثل اول .
قالت بدريه :
و انتي وش دراك انه جاء ؟
سلمى :
ما غيرها راعية العلوم ام علي
هي اللي علمتني وفرحتي بذا الخبر
تاففت بدريه :
يالليل من ذي ام علي..
سلمى بحماس :
وينه؟ ابي اشوف خطيبي و زوجي بالمستقبل .
بدريه قالت بلا اهتمام :
روح .
صاحت سلمى :
وين راح ..
—