انتي جمالك بيت قصيد يكتبه بدر ويغنيه ابو نوره..

البارت ست وثلاثين

امير :
مستحيل انا خسرت المعركه قبل تبدا
رجع وناظر ل براء بتفكير :
اسمعي انتي لازم تقتلين ذاك الشخص
ادهم تفهمين !
براء :
حاضر !
امير :
المره الجايه اذ طلع بوجهك ارمي
عليه السلاح وذبحيه
براء :
حاضر !
امير :
انتي السلاح اللي احارب به لازم
اقضي على علياء وولدها اللي
مدري من وين طلع

امير يستغل براء اكثر ويملي عليها
افكاره فوق ماهو غاسل مخها
وكل يوم يدربها على السلاح اكثر .

بدر يحاكي نفسه بنص الليل :
مستحيل اخلي براء كذا ولاني
مضحي ب ادهم عارف هو شكثر
يبي اخته ويبي عايلته تكون مع بعض
اللي ما صاروا مع بعض نهايه .

بساعد براء بدون ما احد يعرف
وقتها بدر يفكر من دريشة غرفته
ويسامر نجوم الليل
الا ينفتح الباب وتدخل بدريه
بدر مستغرب :
بدريه قاعده !
جت بدريه ل بدر بخاطرها حكي :
بدر اعرف فقدان العايله وتفككها
اهل براء يعانون بسبب بنتهم
امها ماهي قادره تحط راسها من
التفكير ادهم قلبه يحترق عليها
بس الخسيس امير واقف لهم
لازم نطلع براء ونرجعها لحضن
امها و اخوهاا
بدر ابتسم وحط يده على كتف
بدريه :
حاس بك يا بدريه
وهذا اللي بيصير براء بترجع
لأهلها و قريب
بدريه :
الله يعجل بذا اليوم
قلبي يتقطع عليهم .

الصبح :
علياء جالسه على جهاز الكمبيوتر
وتكتب اوراق وصايه ووراثه تطالب
بحق ولدها
لان امير ماهو قد يكون الوريث الوصي
للعايله وتحاول تجمع أدله عشان تثبت
انه وراء مقتل كل افراد الأسرة
بالأول هي و ادهم و امنه
و براء والحين ولدهم ادهم
كيف يسعى باجتهاد عشان تكون
الورثه له لحاله بس هي
بتاقف له بالمرصاد .

هطل الليل وبدر يستنى هالوقت
على احر من الجمر ناوي على شيي
بدر :
رايح انقذ براء وبدون ما احد يدري
عالأقل تكون الخساره اقل اذ رحت لحالي

بدر بتسلل وما نسى يمر على غرفة بدريه
يتامل ملامح وجهها البريئه والدافيه
طبع قبله على جبينها لانه خايف ما يشوفها
ما يدري وش راح يصير معه بذاك القصر
الحقير .

القصر :
وصل بدر للقصر صار يتأمله بعمق
حس بكبره وعظمته بس رغم عظمته
هو قصر ملطخ بالدم والحقد والكره
و الانتقام
قرر يدخل بمهارته اللصوصيه اللي
قادر بها يخترق اي مكان مهما كان
شدت المراقبه والحراسه عليه

غرفة براء :
براء اللي كانت نايمه
بدر دخل عليها الغرفه
كان حزين عليها :
براء لازم تصحين وتعرفين عن
الناس اللي تبيك عايلتك اللي تمنيتيها
امك اللي كان بقلبك امل ان هي عايشه
هي طلعت بالفعل عايشه اصحي يا براء
من غسيل المخ هذا
جاها بدر وجلس بقربها حس بقربها
اللي كان يحسه يوم هي بخير
براء طارن عيونها وقامت بسرعه
هي مثل الآلي تحس وتنتبه من
قرب اي احد لها وتقوم عليه مثل
المحارب
براء بدون اي شعور وبنظرات
قويه له :
انت وش تسوي هينا !
بدر بهدوء يناظر لها و زعلان عليها
ومشمئز من الحال الواصله لها :
براء انتي ..
براء :
تعرف اسمي بعد
كزته براء بس هو قبض عليها
و رصها بعصبيه :
براء خلاص تمثيل اصحي اصحي
صرتي آله بيد امير
براء تتألم وهو راص عليها بيدينه القويه :
انت انت قل سيدك امير يا هذا
بدر بكل كرهه و زعل كز براء على السرير
وقام بعصبيه :
براء ماراح ترضين على نفسك بعدين
اصحي انا الشخص اللي حبيتيه دايم
يمكن عقلك ما يعرفني بس قلبك يعرفني
اسأليه
براء تناظر له بكل صدمه قلبها
صار يدقها بقوه حتى ماهي قادره تطلع
النفس
تنهدت :
ليه قلبي كذا ..
بدر قرب لها وحط يدينه بيدينها :
براء ياكل روحي تذكر مين انا
حط عيونه بعيونها
براء ارتبكت منه ومن نظراته وبسرعه
جاها كلام امير على عقلها
ممنوع الحب والرحمه هذولي
مخلوقه للناس الضعيفه ماهي لنا
حنا ماحنا ضعاف ابد
قامت براء و كزته :
حب ! ماني ضعيفه عشان
اعترف بالحب
بدر عصب منها وحس مافيه امل منها
قرب منها بخطوات وهي تتراجع بخطوات
بدر :
الحب للناس القويه الحب هو القوة
للحياة
امير لا يغسل مخك بكلامه الرخيص
براء شيي يضرب على مخها صاحت
وطاحت
جاها بدر :
براء لازم تصحين اصحي للناس اللي تحبك
صاحت بوجهه :
حب حب خلااص
بدر :
ايه حب
براء صار دماغها يضربها بقوه
لدرجة الألم اللي ما قدرت تتحمله
مدت يدها لدرج ومسكت المسدس
رفعته بوجه بدر صاحت :
وقف كلامك الفاضي هذا والا ..
بدر قام بوجها :
يلا ارميني بس لازم ترجعين براء
اللي اعرفها براء اللي تحب الحياة
وقلبها مليان من الحب والمرح
براء قهرها كلامه وحست ماهي قادره
تتحمل اكثر رمت طلق المسدس
على بدر بدر اللي ضربته الطلقه
وترشق دمه وكان مبتسم بكل حب
حتى  وقع على الأرض .