انتي جمالك بيت قصيد يكتبه بدر ويغنيه ابو نوره..

البارت تسع وعشرين (المصير)

ليه بدر تغير عليي فجأة كذا
وش سويت له !
صدر براء كل يوم ودقيقه
وساعه يضيق من انها
تشوف بدر وهو صاد عنها .

امير يكلم محمد :
حنا نضيع الوقت وينها
براء !!
محمد :
قريب بتكون هنا
امير :
وش هالقريب البعيد هذا
ابيها هاليومين عندي بالكثير
ثلاثة ايام
محمد :
بتكون هنا خلال يوم واحد
امير :
نشوف !
انت جبها لي الحين بنسيها
اسمها
محمد :
وش ناوي تسوي بها ؟
امير :
بخليها مثل الاله بيدي
احركها وين ما ابي
تعبت من تمردها عليي
ابيها مثل ما ابي انا .

بدريه عرفت من عايض
ان بدر تغير على براء
بدون سبب هي انقهرت مره
قامت بعصبيه :
بدر وش جاه عليها
الا وقتها افتحت امل الباب
ودخلت على كلامها هذا
امل :
وش صاير
ترددت بدريه قبل تقول لها
امل برغبه تبي تعرف لانها سمعت
اسم بدر و براء باللي تقوله
امل :
وش جاك تكلمي يا بنتي
بدريه :
يقولون بدر تغير على براء
انصدمت امل حييل :
وش تقولين !

__
بدريه انتفضت من قلبها :
انا عارفه بدر هو يحبها بجنون
ولا عمري شفته تعلق ببنت كذا
اكيد احد شوش عليه
بدر مشكلته لا عصب ما يفكر
امل مسكت مفاصل يدينها بقهر :
وش حال براء الحين
قلبها يضربها عليها .
بدريه معصبه :
بس من هذا اللي له مصلحه
بكره بدر ل براء
طارن عيونها :
سلمى !
امل انصدمت :
سلمى ..

غرفة براء منتصف الليل :
براء وقتها قررت قرار مصيري
لمستقبلها
ربطت ظفاير شعرها وحزمت
شنطتها بجديه :
بطلع من هالمكان اللي حبيته
واجد
ما ابي بدر يصحى على شي
يضايقه او..
براء تسترجع اسلوب
بدر معها
ذاكرة براء :
انقلعي !
ويوم هو يكزها
بكون مريض لمن اشوفك !
وخري عن طريقي !
ماحبك ماحبك !
ما كنتي شي مهم بحياتي !
كنت مغشوش !
براء انتفضت من هالافكار
وبكت بحرقه :
بدر بريحك مني ولا عاد
تشوفني .

براء حزمت اغراضها و راحت
بكل هدوء وقلبها يحترق
على كل خطوه .

__
بعدت براء عن المقر
وصارت وسط المدينه
بالعراء مشرده
عادت بها الذاكره يوم هربت
من القصر وكان بدر هو اللي
انقذها من التشرد بعد ما هربت
ذيك الليله
بس الحين من اللي بينقذها ويطلعها
من تشردها .
جلست على كراسي الشوارع
ووقتها الجو بارد حيل
الا سمعت اقدام تمشي
وقعها ثقيل خافت براء
ومسكت الشنطة وحضنتها
لصدرها وهي بقمة خوفها .
جاء عندها وهو مصدوم
براء هي تناظر له بصدمه :
محمد !
قامت بخوف و تراجعت وراء
محمد يحاول يهديها :
براء لا تخافين ماني مسوي لك
شيي
براء بقلبها الخايف :
الحين هربت عشان التقي
ب محمد ياربي ليه كل الابواب
تقفلت بوجهي وش سويت انا ..
محمد مد عيونه ل الشنطة
وكيف اطرافها ترتعد من البرد
محمد :
طردك ذاك الحرامي
طارن عيون براء :
ما طردني احد
محمد :
اجل وش بلاك طالعه
باخر الليل شايله هالشنطه
وباين البرد خاشك
براء عصبت والعبره خانقتها :
انقلع يا محمد ماني شايفه
منك خير
محمد :
وين بتروحين ترا ما تعرفين
احد بالدنيا غيري وغير عمك امير
حتى اهلك ماتوا و اخرهم عمتك
امنه
من بيضفك غيرنا
فكري بعقل شوي !
حتى هالغريب عليك طشك
وانتي تحبينه وتثقين به ثقه
عمياء حاربتي الكل عشانه
بس الحين وش استفدتي
هااه
حتى المرحومه وصته عليك
بس ثقتكم به اعمتكم
لدرجة شفتوه شي واوو
وهو ما غير حرامي
كذاب .
براء بردت مفاصلها وطاحت
الشنطه منها
وهي غارقه ب افكارها وضياعها
لأول مره حست ان محمد معه
حق .

__
مدت عيونها الخايفه ل محمد
واللي تبي الأمان :
بتوديني عمي امير اللي
ذبح كل اللي احبهم
محمد :
لا ثقي بي بوديك قصري
براء :
قصرك ..
محمد :
ايه
براء شاحبه وفاقده قوتها
بدون شعور :
بتعذبني نفس عمي !
محمد :
لا والله..
مدت يدها ومسك بها
محمد
محمد :
اوعدك ماني بصاير زي
هذاك الحرامي .

من بكره الصبح :
خلف راح لغرفة براء
و مالقاها وشاف انها شايله
كل اغراضها و باين انها خذت
قرار الرحيل عن المكان
صاح خلف :
براء راحت
جاء عايض و ضاري ركض
مصدومين
عايض :
وينها وين راحت
عصب ضاري :
كله من بدر
جرحها واجد
جاء بدر على اصواتهم
مستغرب :
وش صاير !
ضاري :
براء تركت المقر كله بسببك
بدر انصدم :
وينها ! دورتوا زين
عايض تقدم ل بدر :
اكيد ماحبت تضايقك
و راحت بحال سبيلها
بدر عصب ومسك مفصل
يده وطلع بسرعه .

__
براء صحت على نور الصبح
الحنون
وكانت تسمع اصوات قريبه
قامت خايفه :
ويني !
الا شافت قدامها مراه تحط
اكل عند راسها
براء تناظر للمكان وكانها
تشوف جدران قصر عمها
خافت انها بقصر امير :
ويني انا ..
جت المراه عند براء ووجها
طيب و به سلام كبير
المراه :
انتي بقصرنا
انا ام محمد هو جابك هينا
البارح وطلب مني اهتم بك
انصدمت بقوه :
محمد عنده ذي الأم الطيبه
اللي ارتاح قلبي لها واجد
محمد اللي كان الذراع ل عمي
معقوله ما بنيته شر !
ترددت وانا ودي اقول
اللي بخاطري
جت ام محمد عندي
هي جميله مره وملامحها
حنونه وكانها خبت حنية العالم
كله بوجها الجميل
حطت يدينها على خدي
شكثر يدها دافيه و امنه
صارت تمسح على خدي
بهدوء
ناظرت لي بنظرات دافيه
وعميقه :
نسخه من امك
وكاني اشوفها قدامي 
انصدمت :
تعرفين امي !
قالت :
كنا انا وياها صديقات
طول ما كنا كنات لعايلة
الأدهم
اصدمتني مره .
قامت بضيق :
ادري محمد اذاك واجد
حتى يوم جابك هينا
ما ادري وش ناوي عليه
بس تراه ابد ماهو انسان سيء
صحيح انه مع امير وكانهم
نفس الشخص بس ولدي حنون
صدقيني اغدي الله هداه وماهو
ناوي لك الشر
بعد ما ماتت عمتك حزنت عليها
وما نمت ليالي واعرف انك بعدها
شارده بدون والي لا تخافين
انا معك .

__
بدر صار يدور بكل مكان
مثل المجنون تحطم قلبه
سند نفسه على الشجرة
ومد يده وصار يضربها
بقوه لين ما نزف الدم
قلبه يحرقه تذكر اسلوبه
مع براء
قال باستيعاب :
وش سويت انا ..
وكمل ضرب وضرب
على الشجره وكانت بطيح
من قوة ما يضربها
صاح :
بـراء
انهار على رجلينه وصار يمسك
رأسه بتانيب ضمير :
حتى لو امك هي نفسها امل
ادري مالك ذنب بس انقهرت
كلام سلمى اعماني بعد ما تركتيني
حسيت بكل شيي فاقدك براء
ارجعي والله ما عاد اعصب عليك .
بدر كمل ضرب على التراب يضرب
ويضرب يحسب ان ضربه هذا
بيرجع له براء .

محمد يفكر قدام الدريشه
بنسام الليل الهاديء :
بغير الخطه يا امير .