حادثة قلبي (مكتملة)

الفصل السابع عشر

نزلت امنيه علي السلم ثم ذهبت الي المطبخ

ثم جلست علي رخامه المطبخ والتقطت من جانبها تفاحه وأكلت منها .

ثم قالت لامها / عملالنا اي النهارده يا زينه .

التفت زينه لها بحده ثم ضربت امنيه خلف رأسها وقالت / اي زينه دي يا بت  .

تحسست امنيه مكان الضربه ثم قالت بتذمر / هو في اي من أول ما رجعت عماله تضربيني علي راسي .

قالت زينه / شيفاني بضربك من فراغ يعني  .

قالت أمنيه بمسكنه / اه عشان انتي ست قادره وانا ضعيفه الجناح لا ليا لا حبيب ولا غريب ولا صديق .

ثم تنهدت وقالت / لسه كمان قره عيني مجاش الي هيدافع عني ويحميني منك.

نظرت زينه لها بقرف وقالت / ليه كنت بطفي السجاير في رجلك ولا حاجه .

قالت امنيه / اسوأ صدقيني .

قالت زينه تمسك امنيه وتخرجها  / اطلعي يا بت من مطبخي .

قالت امنيه/ طب استني بس أخد تفاحه كمان طب ...طب قوليلي حتي هناكل اي .

اخرجتها زينه خارج المطبخ ثم قالت وهي توجه المعلقه التي بيدها في وجهه امنيه / لو شوفتك عتبتي علي عتبه باب المطبخ هخليكي تعرفي اي هو العذاب بصحيح وخليني اشوف قره عينك الا منعرفهوش ده هيعمل اي.

ثم دخلت الي المطبخ .

كتفت امنيه يدها وقالت بصوت واطي  / عنيفه اوي أمي دي .

ثم التفت علي صوت والدها وهو يقول / وطي صوتك الا تطلعلك .

وضعت امنيه يدها علي فمها وقالت بذعر / ينهار الالوان هي ممكن تكون سمعتني .

ضحك سليم وقال/ لا متقلقيش صوتك كان واطي بس الله اعلم ممكن تكون سمعت مانتي عارفه امك بتسمع دبه النمله.

قالت زينه من داخل المطبخ / انا سامعه الي بتقولوه وانتي يا امنيه حسابي معاك بعدين اخلص بس الاكل وانا هعرفك مين العنيفه دي.

ابتعلت امنيه ريقها وقالت / انا في حمايتك يا بوص .

قال سليم وهو يرفع ايده / مليش فيه اتصرفوا مع بعض.

قالت امنيه / بتبعني يا بوص .

أومأ سليم وقال / انا اسف يا بنتي بس خلاص كبرت علي المرمطه وامك ست قويه ومفتريه فمش هقدر عليها .

قالت زينه بشر وهي تقف وتمسك في يدها معلقه الخشب / انا ست قويه ومفتريه يا سليم .

قالت امنيه وهي تضحك بتسليه / البس يا معلم .

اقتربت زينه من سليم وهي توجه المعلقه بوجهه وقالت / انا مفتريه يا سليم .

ابتلع سليم ريقه وقال / لا يقلبي انا قصدي علي بنتك لانها كل شويه تزعلك كده وتخليكي تتعصبي   .