تنزل علي السلم وفي يدها اوراق تقوم بمراجعتها للمره المائه ثم ذهبت وجلست علي سفره الطعام وبدأت تاكل بيد واليد الاخري تمسك بها الاوراق.
قالت زينه /يا بنتي سيبي الي في ايدك عشان تعرفي تاكلي .
قالت امنيه/ استني بس يا ماما هراجع الحته دي .
قال سليم وهو يقرب قطعه التوست بالمربي لامنيه / خدي كلي دي يا أمنيه.
ابتسمت أمنيه واخدتها منه ثم اخذت قطمه منها وقالت / تسلم ايدك يا بوص .
ابتسم سليم وقال/ ماده النهارده صعبه ولا أي ؟
قالت أمنيه / والله يا بوص هي الماده سهله بس الدكتور بتاعها رخم فاا ربنا يستر .
قال سليم بجديه / بصي طلما مذاكره كويس يبقي متفرقش بقا هو رخم ولا لا بس لو رخامه من نوع تاني انو هو يكون مستقصدك في دي ليها كلام تاني .
قالت أمنيه / لا متقلقش مش مستقصدني .
ثم قالت في سرها / هو مش مستقصدني بس ده عاوز يقتلني .
قال سليم / انا بس حبيت اعرف اذا كان مضايقك بس طلما مش مضايقك يبقي ان شاء الله الامتحان هيكون كويس وانا كمان ملاحظ انك اجتهدي فان الله ربنا مش هيضيع مجهودك ده .
قالت امنيه / أيوه والله تعبت ده كفايه نزول وطلوع السلم عشان اعمل شاي وسندوتشات عشان اعرف اركز .
ضحك سليم عليها وقال / هو مكنش قصدي كده بس ماشي .
قالت زينه وهي تمسك طبق في يديها / خدي يا أمنيه حلي بوقك قبل ما تروحي الامتحان .
نظرت أمنيه للطبق فشحب وجهها وقالت / ليه يا أمي الفال الوحش الي علي الصبح ده .
استغربت زينه رده فعلها فقالت / فال وحش اي ده كحك .
قالت أمنيه / أيوه يا ماما الكحك فال وحش انتي كده بتبشريني ان الامتحان منيل بستين نيله .
قالت زينه / انا والله مش فاهمه علاقه الكحك بالامتحان .
قالت أمنيه / يا ماما الكحك ده يعني هيجيلي امتحان جميل محدش هيعرف يحله غير الي حط الامتحان وفي الاخر النتيجه تيجي فيها كحك كتير بقي مقلكيش .
ثم قالت أمنيه بحسره / شكرا يا امي تسلمي انا كنت متوتره من التفكير ان الامتحان هيكون عامل ازاي وكمان اللجنه ولما جبتي الكحك خلاص عرفت .
ثم استقامت وقبلت راس أمها وقالت / انا ماشيه .
نظرت زينه الي ظهر أمنيه وهي تغادر باستنكار ثم أخذت قطمه من الحك وقالت / كحك اي الي هيعمل كل ده .
ثم نظرت لسليم وقالت / والله بنتك دي هبله قال الكحك هيخلي الامتحان صعب ده حتي طعمه حلو وناعم .
أنت تقرأ
حادثة قلبي (مكتملة)
Humorأدهم ظابط مخابرات ذكي جداً ينجز مهامه في أسرع وقت لا يحب البطيء شجاع جداً ولاكنه عصبي يعمل في مخابرات الأمن الوطني والمخابرات السرية والخاصة أمنية طالبة في كلية ألسن انجليزي يتم خطفها من قبل عصابة ارهابية وهنا بقي يجي دور أدهم باشا عشان ينقذها مج...
