تجلس امام المكتب الذي يتناثر عليه الكتب والاوراق وتضع القلم الرصاص في شعرها وتقوم بتحديد السطور التي تحفظها بالقلم الجاف .
وعندما فشلت في حفظ الجمله قامت بامساك الورقه وقالت بصوت علي وشك البكاء
/ مش راضيه تتحفظي ليه هاه ؟
قامت بوضع الورقه علي المكتب ثم قامت بالمسح علي الورقه ثم مسحت علي وجهها وقالت / اللهم ارزقنا الفهم وابعد عنا الغباء .
ثم نظرت للورقه مره أخري وراجعتها عده مرات حتي استطاعت حفظها فقالت
/ الحمد الله خلصنا أول باب اتفضلنا خمس ابواب ونخلص .
استقامت أمنيه وقالت / بس الباب التاني ده تقيل ومحتاج كوبايه شاي عشان اظبطه .
نزلت امنيه الي المطبخ وقامت بوضع الماء في الكاتل وتشغيله .
نظرت أمنيه لنفسها في الكاتل فوجدت شكلها ضخم ورأسها مضغوطه فقامت بحركات غبيه وهي تغني / السهر والانبساط .....طبله وصوت الصاجات .....جوز ولوز ومكسرات.
ثم التفتت الجانب وهي تهز خصرها وقالت / متيلا بينا نرقص .
فوجدت زينه تقف وعلي ملامحها علامات السخريه وقالت / جوز ولوز ....لا فعلا بتذاكري أوي .
اعتدلت أمنيه في وقفتها وقالت / أنتي فاهمه غلط ...ده انا بس بفرفش نفسي شويه بدل الهم الي انا سيباه فوق ده .
قالت زينه بسخريه / بتفرفشي نفسك وانتي بترقصي قدام الكاتل .
ثم تنهدت زينه بتعب وقالت / يا حظك المنيل في بنتك يا زينه هو كان عنده حق الي قال متخفش من الهبله خاف من خلفتها ...اهو بيحصل قدامي.
نظرت أمنيه لها ببلاههه وقالت / امي انتي كده بتقولي انك هبله .
نظرت لها زينه بشر وقالت وهي ترمي عليها فرده الشبشب وقالت / انا هبله يا بنت الجزمه .
تفادت أمنيه الشبشب بصعوبه وقالت / يا امي انتي عملتي أي دلوقت بردوا شتمتي نفسك .
قالت زينه / استكي يا بت .
صمتت أمنيه لانها تريد ان تحافظ علي حياتها .
قالت زينه / أنتي بتعملي أي في المطبخ ؟
قالت أمنيه / بعمل كوبايه شاي عشان اظبط دماغي واعرف الم الماده .
قالت زينه / وهو انتي مش من ساعه كده عملتي كوبايه شاي وتلات سندوتشات عشان تعرفي تلمي الماده .
قالت أمنيه / انتي بتقولي من ساعه يبقي اكيد خلصتهم وخلصت الباب الاول دلوقت عايزه اخلص الباب التاني يبقي عايز كوبايه شاي بس المرادي مش هعمل سندوتشات هاخد كيس الموز .
قالت زينه / الناس بتاخد موزه اتنين اما كيس الموز دي مسمعتش عنها .
قالت أمنيه وهي تبتسم / عشان احنا نختلف عن الاخرين يا أمي .
أنت تقرأ
حادثة قلبي (مكتملة)
فكاهةأدهم ظابط مخابرات ذكي جداً ينجز مهامه في أسرع وقت لا يحب البطيء شجاع جداً ولاكنه عصبي يعمل في مخابرات الأمن الوطني والمخابرات السرية والخاصة أمنية طالبة في كلية ألسن انجليزي يتم خطفها من قبل عصابة ارهابية وهنا بقي يجي دور أدهم باشا عشان ينقذها مج...
