أنا والطبيب "قدر قيس"

الفصل الثاني -٢-

[أنا والطبيب]
الفصل الثاني -٢-

- هي فين .. قدر فين؟!

نطق بها وهو يقف على أعتاب الغرفة بأعين مرقوش بها التعجب، رفع أعينه يُمشط بهم أركان الغرفة لكن لا وجود لها..
حرك أقدامه بالممر يبحث عنها بخوف ليُسارع نحو أحد الممرضات المقبلة عليه يتسائل بتلهف:-
- لو سمحتي .. هي فين قدر وليه مش موجوده في غرفتها..

كررت بتعجب واستنكار:-
- قدر!! قصدك مين يا دكتور!

صاح بنفاذ صبر واستهجان من هذا الأمر ومحوهم شخصها وهويتها:-
- أقصد المريضة إللي في غرفة رقم ٢٠..

أجابته بتدارك متعجبة من عدم معرفته شيء هام مثل هذا بينما تُشير لأحد الممرات البعيدة الجانبية:-
- في أوضة الكهربا .. دا ميعاد جلسات الكهربا بتاعتها..

تخشب قيس بأرضه وقد سقطت الكلمات على أسماعه كصاعقة عاتية، همس بجنون وعدم تصديق:-
- جلسات كهربا!!

ولم يسمح لنفسه أن يستغرق في الصدمة أكثر من ذلك وأطلق لقدميه العنان يركض بالممرات الملتوية حتى اقتحم أحد الغرف بعنفوان ليقف العالم من حوله ويسكن كل شيء حين وقعت أعينه على مشهد لن ينساه مادامت الروح تنبض بجسده..
مزق الألم كل مُمزق بداخله وشعر بثوران من نار يمور بداخل قلبه وهو يراها مُكبلة بعدم رحمة بينما هناك العديد من الوصلات والأسلاك تطوف بها ...يديها ورأسها وهي تحت تأثير الكهرباء والتي نتج عنها انتفاضات عنيفة لجسدها وانتفاخ أوردتها نتيجة المقاومة ... تنتفض بين أيديهم كالذبيح وأعينها مسلطة على سقف الغرفة بثبات..

قطع قيس المسافة التي تفصلهم بتلهف وهو يقوم بفصل هذا الجهاز اللعين ويفصل جميع الأسلاك المتصلة بجسدها ورأسها برِفق..
انحرفت أعينها الوامضة بغرابة نحوه ترمقة برمقة أكثر غرابة منها .. رمقة كانت بمثابة لغز لقيس وعليه إيجاد حلٌ له بأسرع وقت..

صاح يزمجر وهو يضرب الجهاز بعنف:-
- أيه إللي بيحصل هنا .. إزاي تعملوا حاجة زي دي .. ليه عدم الرحمة دي ومُصرين تعذبوها، هي جايه هنا علشان تساعدوها ولا تدمروها...
إللي عملتوه ده ممنوع وهتروحوا في ستين داهية..

امتلئت الغرفة بالممرضات والكثير من الأطباء الذين أتوا على صياح قيس الجهوري الذي انتشر بأرجاء المكان..
نظر الطبيب المسؤول بتحذير إلى قيس وأردف بحزم:-
- ودي طريقة علاج يا دكتور قيس، وزي ما قولنالك هي منتهية ومفيش أي فايدة معاها حتى الكهربا..
فالأفضل تسيبنا نشوف شغلنا ومتدخلش فيه تاني علشان العواقب وحشة جدًا فوق ما تتخيل..

ازدادت شراسته ونضح وجهه بالرفض وهو يصرخ:-
- طريقة علاج إزاي يا دكتور دا أنتوا قاصدين تأذوها .. إزاي أصلًا تعرضها لجلسات الكهربا بدون تخدير وبالقوة دي، دا ليه مُسمى واحد بس وهو التعذيب..
هي مش محتاجة صدمات كهربية وكمان ثنائية الجانب يا دكتور دي ممكن تموت تحت إيدكم، وبعدين مش أنا الدكتور إللي مسؤول على الحالة إزاي تتصرفوا كدا من غير علمي..