Third person POV
Habang naglalakad pauwi, hindi mapakali si Mia matapos ang pangyayari sa elevator. Kahit anong gawin niyang pag-focus, parati na lang bumabalik sa kanyang isipan ang nangyari.
Matapos ang pangyayari, pareho silang nahihiya at naguluhan sa isa't isa. Iniwan siya ni Evan pagkatapos ng halik. Hindi maintindihan ni Mia kung paano nangyari iyon sa kanilang dalawa, dahil wala naman siyang pagtingin sa kanyang boss. Ang tinitibok ng puso niya ay si Stan. O ganoon ang akala niya? Ngunit ngayon, dahil sa hindi inaasahang halik na iyon, labis na naguguluhan ang tinitibok ng puso niya.
Mawawala kaya ito kapag muli niyang makita si Stan? O lalo pang lalakas ang kaba sa puso niya para kay Evan?
Gulong-gulo si Mia, pagod na pagod na. Alas-diyes na ng gabi at maaga pa siyang gigising kinabukasan. Hindi niya napansin ang paligid, kaya hindi rin niya nakita ang pilak na kotse na nakaparada malapit sa kanilang bahay.
"Gaano ba kalalim ang iniisip mo at hindi mo ako napansin?" ang sabi ng isang boses mula sa likod ni Mia.
Lumingon siya at hinanap ang taong nagsalita. Napangiti agad si Mia nang makita niya si Stan na nakasandal sa kanyang kotse.
Ngumiti si Mia at kumaway kay Stan, nagmadali siyang lumapit sa kanya.
"Stan," sabi niya na tuwang-tuwa, "kailan ka ba dumating?" Magkaharap na sila ngayon.
Tumayo ng maayos si Stan, "Kaninang umaga lang," sagot niya na may ngiti sa labi.
Tumango si Mia, "Bakit ka nandito? Gabi na." Tanong niya, habang sinuri niya ang hitsura ng lalaki na tila nakainom ng alak. "Nakainom ka ba?" Tanong niya, napansin niya kasi ang amoy ng alak sa hininga ni Stan.
Lumaki ang ngiti ni Stan at tiningnan si Mia sa mukha. "Nasabi ko na ba sa'yo, Mia, na maganda ka?" Sabi ni Stan na nagpapalipas ng tanong ni Mia.
Sandali siyang natigilan si Mia at nagulat sa tanong ng kaibigan. Ngunit napangiti siya at napayuko. Unang beses niya marinig na maganda siya mula sa isang lalaki, kaya naging masaya siya. Ngunit bigla na lang pumasok sa isip niya ang halik ni Evan.
Napailing si Mia at madiin na pumikit upang iwaksi si Evan sa isipan.
"Lasing ka na, Stan. Umuwi ka na," sabi niya, nag-aalala sa kalagayan ng kaibigan.
Naglamig si Mia nang hawakan ni Stan ang kamay niya, at nagulat nang bigla siyang halikan ng binata habang nakatingin sa kanya.
Lalo pang naguluhan si Mia. Gusto niyang paniwalaan na gusto niya si Stan at nagugustuhan niya ang nangyayari ngayon. Pero hindi niya maipaliwanag ang mga kaba na nararamdaman niya.
"Uuwi lang ako, kapag pumayag ka," sabi ni Stan nang mahinahon.
"Ano 'yon, Stan?" tanong ni Mia, habang hawak pa rin ang kamay niya ni Stan.
"Puwede ba, ikaw ang isama ko sa dinner namin ng Daddy ko... kasama ang stepmother ko? Mia?" sabi ni Stan, umaasa na pumayag si Mia.
Napansin ni Mia na mukhang malungkot si Stan. "Bakit ako?" maingat niyang tanong.
Ngumiti si Stan, na tila may nakakatawa, pero bigla siyang naging seryoso. "Dahil ikaw lang ang gusto kong kasama," sagot niya na parang wala sa sarili.
Biglang naramdaman ni Mia ang awa para kay Stan. Marahil malungkot ito dahil kinasal ang ama niya sa ibang babae. Pero saan kaya napunta ang tunay na ina ni Stan?
"Stan," simula ni Mia, at may lakas ng loob na nagtanong. "Hindi ka ba masaya na kinasal ang Daddy mo?" Maingat niyang binigkas ang bawat salita upang hindi ma-offend si Stan.
BINABASA MO ANG
Trials Of The Heart ( On-Going )
Romance"Sa mundo kung saan ang karangyaan at kapangyarihan ay kinahahangalan, sumusubok na mabuhay si Mia, isang simpleng babae na may malalim na pangarap. Ang kanyang buhay ay magbabago nang makilala niya sina Evan at Stan, ang dalawang binatang magpipins...
