فصلية شيخ قصي
بقلم:دموع
زهراء تكول:
آنا بروحي
حِزن ديرة
ومَلامح خوف
وحَرب چذبة ، وحِلم تايه
ونَهر ثالث حُفر خَدي
غَريب بكاع مَتلمني
چم ليلة
اذب دموعي ع المامِش
ولا ادري .
حزن
--------------------
كعدت سبعه الصبح جان يوم اعتيادي قصي طالع ويا جماعته واتأخر بليل ساعه ب ٢ بليل خابرتني مريم رديت عليها كالت
مريم:ولج نعال
زهراء:على راسج
مريم:شكرا
زهراء:احجي شتردين
مريم:احزري احنه وين جنا
زهراء:وين
مريم:احزري
زهراء:مريم ولله كوه لازمه اعصابي عليج احجي احسنلج
مريم:احمم شوف باجر عقد ابن عمو
زهراء:اي ويعني
مريم:ولج باجر عقد اثنين أشخاص
زهراء:شنو حتى اخوه رضا راح يعقد
مريم:لا
زهراء:جا منو
مريم:احزري
زهراء:مرريييم
مريم:وجع
زهراء:وآلله روحي واصله لخشمي احجي شكو
مريم:ما
زهراء:تمام مع سلامه
توني جاي اطبگ الموبايل كالت
مريم:لا لا ولله احجي
زهراء:يلا
مريم:البارحه خابرنه اهل سندس و بابا طلب موعد من ابوها حتى انروح نتقدملها
زهراء:جذابه
مريم:وعيون امي
زهراء:بابا اشلون اقتنع
مريم:مااعرف زين العابدين كعد تكلم وياه بابا ومااعرف اشلون قنعه
زهراء:زين واكيد رحتو اليوم ها
مريم:اي ساعه ب ٥ الصبح طلعنا رحنا
زهراء:ب ٥ الصبح
مريم:اي لانه اصلاً طلعوا عايشين بغداد بس ايام الدوام تجي هي اخوها ب الناصريه
زهراء: اي وشصار
مريم: اول رحنا أجرنا فندق نستراح نص ساعه وبعدين خابرناهم و بابا كاللهم راح نجي رحنا للمحل حلويات واخذنا كيلوين بقلاوة و باقة ورده و اشتريتلها عطر و بعد شغلات عنايه و حطيتهن ب بوكس هدايه اخدنا تكسي ورحنا للبيتهم
بيتهم كلش حلو و جبيره ماما شافت سندس و عجبتها و سندس جانت لبسه فستان طويل و حجاب بلون الفستان جانت طالعه حلوه اصلا هي حلوه
بابا تكلم ويا ابوها و اخوها وكالوا راح نردلكم خبر بعد يومين سولنا مع انو بابا رفض يبقى بس ابو سندس أصر علينا يسولنا غدا فعلا اكلن يمهم وطلعنا وبعدين رحنا الزياره ضلينا اهواي لحد صلاة المغرب صلينا جماعه وافترينا شويه وهاي رجعتنا من بغداد ماصرلنه نص ساعه
زهراء:تمام ان شاءالله خير
مريم:ان شاءالله
زهراء:اشلون زين العابدين اكيد فرحان
مريم:يا فرحان طاير من الفرحه لادرجه بابا يكول كاعد يم ابو سندس ايده ترجف خايفه ابوها ميقبل وبس طلعنا من بيتهم كام يصيح من الفرحه حتى الناس التمت علينا
زهراء:فضيحه
مريم:اي ولله بس هو صرخ لانه اخو سندس كال ل زين العابدين ان شاءالله نصير أقارب و زيودي النعال اعتبرها اشاره
زهراء:تمام بس ليش كلتلي باجر عقد اثنين
مريم:ردت اخليج حماسيه
زهراء:انجبي
مريم:بعدهم ماردوا خبر
زهراء:ولج ماصارلكم ساعه راجعين للبيت خلي البينه تفكر الاهل يسألون عن زيودي و اذا وافقوا وراكم مشيه لا تنسين شبيج
مريم:اي صح
زهراء:اشلون دراستج
مريم:الحمدالله بخير
زهراء:يلا روحي خلي اتصل على ماما وبابا
مريم:يلا ولي
أنت تقرأ
فصلية شيخ قصي
Teen Fictionقاسي القلب لايعرف معنى الرحمه ملامحه حاد وهي لطيفه وبرئيه تقع بيد وحش كاسر يعذبها يغتصبها فماذا سوف يحدث معها
