فصلية شيخ قصي
بقلم:دموع
يسالفتي بتوآلي الليل مشتاگ
لدفو صوتگ
كتلك روح بس بهدآي موش
تروح كل قوتگ
-------------------------
زهراء
واليوم اكمل شهر يم بيت اهلي وبدأ شهر رمضان سألت الدكتورة اذا زين أصوم وماقبلت كالت يأثر عليج
اهلي يهتمون بيه وما مخليني اعتاز شي وبابا كلش فرحانه ب حملي و يوصيني دائما على نفسي مريم وزين العابدين طايرين من الفرحه بس اني مافرحانه ابد لولا خوفي من لله چنت نزلت الأطفال من الساعه الي عرفت بيها اني حامل ولله تعبت تعبت نفسياً وجسدياً خايفه من قصي لمن يعرف اني حامل ياترى يفرح او لا وخايفة اكثر من هدوئه صارله اسبوعين مااجى لبيتنا معقول ساكت
حالياً ساعه ٧ المغرب كاعده بفراشي مغطيه نفسي وابجي دخلت مريم كالت
مريم:ولج كافي بزعتيني شو دوخري الغطه
وخرت الغطه عني و كعدت كبالي مسحت دموعي وكالت
مريم:حرام عليج ليش تعذبين نفسج و الطفل شنو ذنبه
زهراء:ماله ذنب
مريم:جا ليش هيج تسوين حرامه نفسج من الاكل وطول الوقت تبجين
زهراء: راح يتعذبون
مريم:قصدج قصي
زهراء:اي
مريم:ولله قصي شيريد بعد مره حلوه مثل القمر عده و راح يجيه توأم
زهراء:مو كلشي ب جمال واخاف قصي مايريد الأطفال واذا اجو راح يصيحولهم ولد الفصليه شنو ذنبهم يتعيرون بامهم
مريم:انجبي لج ويلا اكلي
اكلت وكمت غسلت ورجعت بفراشي اجى زين العابدين اجى كعد يم راسي وباسني وكال
-شلونج حبيبتي
-الحمدلله بخير وانت
-دوم يارب اني الحمدلله
-اشلون العروس
-العروس اسلم عليج
صحيح نسيت اكولكم زين العابدين ازوج سندس وعايشين ب بيتهم صارلهم شهر مزوجين وسندس كلش حبابه وطيبه و مشاكسه هم و كدرت اقنعها تلبس عبايه و تخلي لبسها واسعه خارج البيت اقتنعت بسرعه وزين العابدين طاير من الفرحه بيها
اني بين يوم ويوم اروحلهم لانه سندس حبتني اني ومريم وتريدنا وماما وبابا يحبوها وهي تحبهم علاقتنا كلش حلوه وياها
زين العابدين:اشلون الأطفال
زهراء:بخير
زين العابدين:ما مصدك راح اصير خال عن قريب لله
زهراء:هههه هو اني الي مصدكه
زين العابدين:هههههه يا روحي
باسني من گصتي وانطاني علاگ فتحتها بيها اهواي حلويات كعدت اكل اني ومريم وزين العابدين طلع
****
قصي
خلصن الشهر واني بعيد عن زهراء جانت سنه مو شهر كضتيها مريض بمستشفى وبدأ رمضان اليوم رابعه يوم وقررت اروح اجيبها حتلو غ كمت للحمام سبحت و طلعت اخذت دشداشه سود و شماغ ابيض و اتعطرت واخذت مسدسي ونزلت ماما شافتني اجت لزمتني من ايدي وكالت
أنت تقرأ
فصلية شيخ قصي
Novela Juvenilقاسي القلب لايعرف معنى الرحمه ملامحه حاد وهي لطيفه وبرئيه تقع بيد وحش كاسر يعذبها يغتصبها فماذا سوف يحدث معها
