فصلية شيخ قصي

part 22

فصلية شيخ قصي

بقلم:دموع

حلمان وفتت يمي ونشدتك
سالتك وين هالفترة فگدتك
اباوع سالت عيونك دمعتك
جن جمرة وجاست كطناية
----------------------
قصي

كعدت من النوم باوعت للمكان محد ماكو كلت يمكن نزلت يم امي رحت للحمام غسلت باوعت ل ايدي جان عليها حمره باوعت زين مكتوب

"وداعت امي اعوفك"

وطلعت نزلت جوه رحت للغرفة امي دكيت الباب ودخلت جانت نايمه عكدت حاجبي ورحت للمطبخ ويا كل خطوه اخطيها كلبي يدك بسرعه و خايف ايكون الي بالي صحيح دخلت للمطبخ وجانت مرت عمي تعزل كلت

-خاله شفتي زهراء
-لا هي لمن صعدت وياك وبعد ما نزلت
-تمام

طلعت للحديقه هم ماهيه رحت للمخزن ماكو كلبي خلص جان راح يوكف معقول شردت توني اريد ارجع للبيت لمحت شغله بحديقه درت وجهي وشفت ملابسها عبارة عن رماد صعدت ركض للغرفه فتحت الكنتور جان فارغ رجعت على السرير وشفت الرساله فتحتها وقريتها عقلي ما مستوعب شنو كاتبه وكعت على رجليه مااكدر اتحرك

قصي:زهراء زهرتي وينج زهراااااء

صحت باسمها وصياحي رج البيت رج صعد فهد

فهد:قصي شبيك باوعلي قصي شكو
قصي:زهراء فهد زهراء شردت
فهد:اهدا وين راحت يعنى كوم

كمت اخذت مفاتيح السياره وطلعت وفهد وراي رحنا للبيت اهلها لزمت اخوها موته من ضرب مااكدر حتى يدافع عن نفسه بدون مقدمات ضربته

قصي:وينها احجي زهرااااء ويييين حييواان

فهد يحاول يبعدني عنه بس ماكدر فرغت عصبيتي بيه

عمو محمد يصيح والناس اجو على أصواتنا دخلت للبيت وبديت اكسر باغراض طلعت مسدسي و وجهته على ابوها وكلت بالأعلى صوتي

قصي:طلللعي زهرااااااء اذااا ما طلعتتتتتي اموووت أبوج وحق سلطان النجف
فهد:قصي اهدا ما موجود بلبيت اني دورت بيه
قصي:وييينها احجي وينها وين ضامها هاااا احجي

طلقت طلقه بحايط باوعت عليه

محمد:شنو قصدك ها زهراء وينها شمسوي ل بنتي
قصي:لا تسويي نفسك متعررف زهراااء شردت من بيتي واكيد اجتي ل بيتكم

لزمتا عمي من ركبته وحطيت المسدس براسه واهدد بيه

-احجو يلا ويينها ترى ولله اموتته مايرفلي جفن
مريم:ب بغداد هي بغداد لا تسوي شي ل بابا عوفه حبابه
قصي:اضحكون عليه انتو
مريم:و القران هي ب بغداد اني خابرته قبل يومين كالت مخطط تشرد و تريد تروح ل بغداد بس حباب عوف بابا
قصي:وين يعنى ب بغداد
مريم:مااعرف حتى اسمع

طلعت موبايلها وفتحت طلع صوت زهراء وهي تحجي

-مريم راح اشرد تعبت ولله ضرب واهانه اتحملتهن بس اغتصاب لا مااكدر اخذ اعز شي املكه وحق سيد الشهداء جان بكلبي ذرة حب له من خلال اهتمامه الي بس يخرب كلشي ب عصبيته ذرة الحب هاي اختفت تمام لمن اغتصبني ما رحمني ولله مارحمني اصرخ اريد بس يعوفني لا يعوفني شويه شويه وياي ماقبل كلبه حجر خليني اشرد ل بغداد ماراح يلكاني اهناك وبعدين اسافر و اخلص للأبد
-خايفه عليج
-لا تخافين يلا روحي رجع من شغله خليني انزل اسويله واكل وبعدين راح تبدأ خطتي لا تخافين عليه ويمكن ما اتصل عليكم اخاف يعرف موقعي من خلالكم واذا وره ما شردت واجى للبيتنا كوليلي زهراء كرهتك وبعد مستحيل تحبك وشردت منك تعبت منك ولله تعبت كوليليه لا يدور ويتعب نفسه وأهم شي كليلي كسرت كلبك وهاذا الشي فرحة بنسبه الي ما تنوصف مع السلامه
-باي