فصلية شيخ قصي

part 33

فصلية شيخ قصي

بقلم:دموع

قصي يكول:
ليعشك من صدك
عند لله مأجور
لانه اصل العشك نور و هدايه
دليل تريد راح انطيك برهان
زليخه بعشك يوسف صارتله ايه
-------------------------------------
قصي

زهراء ضلت نايمه كلش اهواي بحيث اني ساعه ب ٢ بليل اتسحرت وهي بعدها نايمه وره السحور صعدت للغرفه كعدت يم رأسها

كعدت زهراء مرعوبه وتشهك باوعلتلها شفتها تباوعلي وعيونها مليانه دموع قربت عليها مسحت دموعها وهي وخرت ايدي عن وجهه

رجعت غطت وجهه و تكومت على نفسها رحت يم رأسها كلت

-ياعمري انتي بخير

هزت براسها بمعنى اي بس هيأت اصدكها صارلها فتره طويله تقريباً من بداية زواجنا اقصد وقت موت اخوي لله يرحمه جانت تكعد مرعوبه من النوم وأكثر من مره اتكرر هاذا الشي مااعرف شبيها هل من الممكن صدفه او هي نومها مخربط و تشوف احلام مو زين

جانت ترجف جو البطانيه و جسمها يهتز على الرغم الجوه حار بس اكيد ترجف من الخرعه خفت يصير شي عليها هي منا مريضة قلب ادور خرعه

كمت جبت ماي طلعت راسها من جو البطانيه وانطيها الماي ماقبلت تاخده

قصي:زهراء شربي حبابه
زهراء:مااريد
قصي:زهراء هي كلمه شربي احسلج(حجيت واني اخزره)

اخذت الماي شربته و هدأت شوي بعدين كامت اتوضت و اتوجهت للقبله وأخذت القرآن كامت تقرأ واني صافن عليها

ضلت هيج لحد مااذن كمت صليت صلاة الصبح و أخذت القرآن كعدت أقر وياها

وره ساعه ونص زهراء طبگت القرآن ورجعته بمكانه واني هم صدقت و كمت

راحت على السرير اتمددت واني نمت يمها كلت

-زوجتي العزيزه
-اممم
-مارأيك بجولةً فى هاذا الجوه الجميل
-هاذا يا جو موت حر
-لا صدك اطلعين نفتر
-مابيه حيل
-يلا حبيبتي كومي خلينا نطلع
-ولك موزين عليه الحركه اهواي اليوم اهواي تعبت
-اعرف بس انتي راح تكعدين بسياره ومراح تتحركين اريد اونسج
-قصي مابيه حيل
-امم تمام بس لازم تعوضيني
-فوكها قصي ترى اني مااحجي وياك
-اي اي فهمنا
-جا يلا اسكت
-لا صدك اريد احضنج
-مستحيل
-بداعت امج
-استغفر لله لاتجيب طاري امي

- يلا زهرتي
-لا
-لخاطر أطفالج
-قصي شبيك انت
-وداعت عيونج مشتاقلج
-وخر
-بداعت كل عزيز عليج خليني احضنج
-تمام بس لا اسوي حركه زايده وانت فاهم قصدي
-حاضر وعد مااسوي شي

حطيت ايدي على خصرها اتحسس بطنها دفنت راسي بركبتها و نمت بعمق

كعدت ساعه ب ٧ صبحت بوجهه زهراء نايمه بستها على خده و كصتها وكمت غسلت و بدلت و أخذت أوراقي و حاسوبي و مفاتيح السياره و طبعاً مانسيت الحلقه مالتي اي اشتريت حلقه الي وخليت زهراء بمحكمة تلبسها الي وقررت ماانزعها ابدا