فصلية شيخ قصي

part 39

فصلية شيخ قصي

بقلم:دموع

يَمكبره خَليني أحاچيچ ..
عندي وصيه وأرد أوصيچ
عينچ أعلى اخوي  ألنايم هناك
عينچ علـى الحلـوه رسومه
وخلي يتهنه بنومه
_____________________
قصي
اني قصي عباس نور الدين عمري ٢٥ سنه خريجة كلية تحاليل واشتغل دكتور جامعي ابوي مات من جان عمري ١٦ سنه مات ب نوبه قلبيه و وره ابوي اني استلمت المشيخه و الديوان عندي اثنين اخوان امير حُسين و قيس توأمي وعندي اثنين اخوات ليان وليليان فهد ابن عمي وصديقي المقرب وهو موبس صديقي هو اخوي مستعد افدي بروحي اتربينا سوه و اعرف كلشي عنه وهو هم

جنت متعلق بابوي لدرجه مو طبيعيه ولمن عرفت مات دخلت بصدمه واني تقريبا شهرين مااحجي كلمه بعدني مامستوعب ابوي عافني و راح مامستوعب بعد ماشوف وجهه واسمع صوته

جانوا اصدقائي أصدقاء سوء بدو يجروني للحرام
بلبدايه جنت اشرب جكاره بس بعدين شويه شويه الوضع اطور واتحول للخمر

فراك على ابوي خلاني   امشي بطريق حرام امي حاولت ترجعني للطريق الصحيح بس ماكدرت لمن دخلت للجامعه جان اكو بينه ويانا حاولت هاي البينه تتقرب مني بس ماانطيتها مجال بس مع الأسف هي عرفت مفتاح البدايه بدت تحاجيني بمواضيع الصداقه و الاخو و علاقتي ب هي اطورت بلبدايه صداقه وبعدين طلعات و ونسات   اتعلقت بيها لانو جانت تعرف عني الشغلات الي احبها  وتسويها جانت تعرف شنو اريد من نظره  بس اني جنت متعلق بيها وهي جانت تعتبرني اخ حاولت اخليها تحبني بس مع الأسف ماكدرت تعتبرني اكثر من أخ بيوم اتصلت بيه جانت فرحانه سألته شكو كالتلي راح انخطب للشخص الي احبه و انت تعال للخطوبه  وقتها أحلامي اتحطمن كدام عيوني باركتلها و طبكت الموبايل
وطلعت للمهلى افرغ عصبتي كلشي اريده ميصير كل إنسان يدخل حياتي يطلع منها

مو بس فراك ابوي وصلني للحرام فراك اخوي التوأم نصي الثاني جنت اني وقيس اخوان توأم بمعنى الكلمه جنا نشبهه بعض لدرجه حتى ماما متعرف تفرق بيناتنا و نلبس نفس الشي و نحب نفس الشي و ناكل بنفس المواعن و انام بحضن بعض

قيس جان شخص مرح يحب المشاكل ويحب يسوي مقالب جانت ضحكته ماتفاركه وجهه اما اني جنت عاقل وافكر قبب لا اخطى خطوه  عكس شخصيته قيس

جنت يوم واحد مااكدر بدون قيس وهو ميكدر بدوني متعلقين ببعض عشنا بين اب حنون وطيب و ام حنونه وقويه ابوي جان يعشق امي و فنه الي يحاجيها كلمه و اتزوجها عن حب جانت وقتها كلش صغيره و جنا اني وقيس وأمير مدللين كلش عد اهلي

خلونا نرجع للماضي من جان عمري ٧ سنين جنت اني وقيس كالعاده كاعدين بحديقه نسولف و فجاء قيس كام وكال

قيس:قصي عندي فكره
قصي:فكرة شنو
قيس:كوم

جان يحجي و يضحك وهاي الضحك ابد مو خير كلت